ཝང་དབྱི2024ལོའི་རྒྱལ་སྤྱིའི་གནས་བབ་དང་ཀྲུང་གོའི་ཕྱི་འབྲེལ་བགྲོ་གླེང་ཚོགས་འདུར་ཞུགས་པར་མ་ཟད་གཏམ་བཤད།
ཟླ12པའི་ཚེས17ཉིན། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཨུ་ཡོན་ནམ། ཕྱི་འབྲེལ་པུའུ་ཡི་པུའུ་ཀྲང་ཝང་དབྱི་ཡིས་པེ་ཅིན་དུ2024ལོའི་རྒྱལ་སྤྱིའི་གནས་བབ་དང་ཀྲུང་གོའི་ཕྱི་འབྲེལ་བགྲོ་གླེང་ཚོགས་འདུའི་མགོ་རྩོམ་མཛད་སྒོར་ཞུགས་པར་མ་ཟད་གཏམ་བཤད།
ཝང་དབྱི་ཡིས་ལོ་གཅིག་གི་རིང་ལ། གཙོ་འཛིན་གྱི་ཕྱི་འབྲེལ་བཀོད་པས་བརྗིད་ཆེའི་ལེའུ་གསར་པ་བརྩམས་ནས། ཞི་བདེའི་འཕེལ་རྒྱས་དང་མཉམ་ལས་མཉམ་རྒྱལ་གྱི་དུས་རབས་ཀྱི་རླབས་རྒྱུན་ལ་སྣེ་ཁྲིད་མཛད་པ་དང་། མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པར་གྲུབ་འབྲས་གསར་པ་ཐོབ་ནས། བདེ་སྡུག་མཉམ་མྱོང་དང་གོང་བུ་གཅིག་ཏུ་འགྲིལ་བའི་ལོ་རྒྱུས་ཀྱི་རླབས་རྒྱུན་ལ་སྐུལ་འདེད་བཏང་བ། ཀྲུང་གོའི་ལུགས་ཀྱི་དེང་རབས་ཅན་གྱིས་འཛམ་གླིང་ལ་གོ་སྐབས་གསར་པ་བསྐྲུན་ནས། འཛམ་གླིང་རྒྱལ་ཁབ་ཁག་གི་དེང་རབས་ཅན་གྱི་འཕེལ་རྒྱས་རླབས་རྒྱུན་ལ་སྐུལ་འདེད་བཏང་བ། འཕེལ་རྒྱས་འགྲོ་བཞིན་པའི་རྒྱལ་ཁབ་དང་མཉམ་ལས་བྱེད་པར་མིག་དཔེ་གསར་པ་བཏོན་ནས། གོ་ལ་ཧྲིལ་པོའི་ལྷོ་ཕྱོགས་ཀྱི་མཉམ་འབྲེལ་རང་འབད་ཀྱི་མཐུན་སྒྲིལ་རླབས་རྒྱུན་གཅིག་ཏུ་བསྡུས་པ། ཕྱོགས་ཡོངས་ཀྱི་ཕྱི་འབྲེལ་བཀོད་པ་གཏིང་ཟབ་ཏུ་གཏོང་བར་གྲུབ་འབྲས་གསར་པ་ཐོབ་ནས། རྒྱལ་སྤྱིའི་འབྲེལ་བ་གསར་པ་འཛུགས་པའི་ཡར་ཐོན་རླབས་རྒྱུན་རྒྱ་བསྐྱེད་བཏང་ཡོད་ཅེས་བསྟན།
ཝང་དབྱི་ཡིས་ཀྲུང་གོ་དང་འཛམ་གླིང་གི་མཉམ་འགུལ་ལ་འཕེལ་ཕྱོགས་རང་བཞིན་གྱི་འཕེལ་རྒྱས་དང་འགྱུར་ལྡོག་གལ་ཆེན་འབྱུང་བཞིན་ཡོད། འཕེལ་རྒྱས་གལ་ཆེན་འདི་དག་ཐོབ་པའི་གནད་འགག་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྣེ་ཁྲིད་དེ་ཕྱོགས་སྟོན་གནང་བ་དང་། བརྒྱུད་རིམ་གལ་ཆེན་རེ་རེར་འཐབ་ཇུས་ཀྱི་བརྡར་ཤ་གཅོད་པ། དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་རྒྱལ་ཁབ་ཆེན་པོའི་ཕྱི་འབྲེལ་ལག་ལེན་ལ་སྣེ་ཁྲིད་བྱེད་པ། ཞི་ཅིན་ཕིང་གི་ཕྱི་འབྲེལ་དགོངས་པའི་ཚན་རིག་དང་མཐུན་པའི་ཁྲིད་སྟོན་བྱེད་པ། མིའི་རིགས་འཕེལ་རྒྱས་ཀྱི་རླབས་རྒྱུན་ཆེན་པོ་དང་འཛམ་གླིང་འགྱུར་ལྡོག་གི་གནས་བབ་ཆེན་པོའི་ཁྲོད་ནས་ཀྲུང་གོ་དང་འཛམ་གླིང་བར་གྱི་འབྲེལ་བ་ཡང་དག་པར་ཁོང་དུ་ཆུད་པ་བཅས་བྱས་ཏེ། ཀྲུང་གོའི་ཕྱི་འབྲེལ་འདུ་ཤེས་དང་སྲིད་ཇུས་ཐོག་མཐའ་བར་གསུམ་དུ་རྒྱལ་ཁབ་མང་ཆེ་བའི་ཐུན་མོང་གི་འདོད་བློ་དང་མཐུན་པ་དང་། ཐོག་མཐའ་བར་གསུམ་དུ་ལོ་རྒྱུས་འཕེལ་རྒྱས་དང་ཡར་ཐོན་གྱི་ཕྱི་རོལ་ཡུལ་གྱི་ཆོས་ཉིད་དང་མཐུན་པ། ཐོག་མཐའ་བར་གསུམ་དུ་རྒྱལ་སྤྱིའི་སྤྱོད་ལམ་གྱི་མཐོ་གནོན་བཙན་ས་བཟུང་ཡོད་ཅེས་ནན་གྱིས་བསྟན།
ཝང་དབྱི་ཡིས་འཛམ་གླིང་ཟིང་འཁྲུག་ལ་ཁ་གཏད་ནས། ཀྲུང་གོས་བློ་བརྟན་འགྱུར་མེད་སྒོས་ཞི་བདེའི་སྟོབས་ཤུགས་བྱེད་ངེས་ཡིན། ཁ་བྲལ་དང་འགྲན་རྒོལ་གྱི་ཉེན་ཁར་ཁ་གཏད་ནས། ཀྲུང་གོས་བློ་བརྟན་འགྱུར་མེད་སྒོས་མཐུན་སྒྲིལ་གྱི་སྟོབས་ཤུགས་བྱེད་ངེས་ཡིན། འབྲེལ་ཐག་གཅོད་པའི་བྱ་སྤྱོད་ལ་ཁ་གཏད་ནས། ཀྲུང་གོས་བློ་བརྟན་འགྱུར་མེད་སྒོས་སྒོ་འབྱེད་ཀྱི་སྟོབས་ཤུགས་བྱེད་ངེས་ཡིན། ཕྱོགས་རྐྱང་བཙན་གནོན་དང་རླབས་ཟུར་གྱེན་ལྡོག་ལ་ཁ་གཏད་ནས། ཀྲུང་གོས་བློ་བརྟན་འགྱུར་མེད་སྒོས་དྲང་བདེན་གྱི་སྟོབས་ཤུགས་བྱེད་ངེས་ཡིན། འདུ་ཤེས་འཛིན་སྟངས་མི་མཐུན་པའི་མདུན་དུ། ཀྲུང་གོས་བློ་བརྟན་འགྱུར་མེད་སྒོས་བསྟུན་མཁས་ཀྱི་སྟོབས་ཤུགས་བྱེད་ངེས་ཡིན་ཞེས་བསྟན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注