རྒྱལ་ཁབ་འཕེལ་སྒྱུར་ཨུ་ལྷན་གྱིས་ཕྱོགས་ཡོངས་ནས་ནང་མཁོ་རྒྱ་ཆེར་གཏོང་རྒྱུ་སོགས་ཀྱི་སང་ལོའི་གཙོ་གནད་ལས་དོན་བཀོད་སྒྲིག་བྱས་པ།
ཀྲུང་དབྱང་གི་དཔལ་འབྱོར་ལས་དོན་ཚོགས་འདུའི་དགོངས་དོན་ཁྱོན་ཡོངས་ནས་ལག་བསྟར་དོན་འཁྱོལ་བྱ་ཆེད། ཕྱི་ལོར་རྒྱལ་ཁབ་འཕེལ་སྒྱུར་ཨུ་ལྷན་གྱིས་སྔར་བས་དགེ་མཚན་ལྡན་ལ་ཕན་འབྲས་ཆེ་བའི་སྤྱི་ཁོག་སྲིད་ཇུས་ལག་བསྟར་ཡག་པོ་བྱས་ཏེ། དཔལ་འབྱོར་བརྟན་རླིང་ངང་ཡར་རྒྱས་དང་། གྲུབ་ཆ་རྒྱུན་ཆད་མེད་པར་ཇེ་ལེགས་སུ་འགྲོ་བ། འཕེལ་རྒྱས་ཀྱི་རྣམ་པ་མུ་མཐུད་དུ་ཇེ་ལེགས་སུ་འགྲོ་བ་བཅས་ལ་སྐུལ་འདེད་ཏན་ཏིག་གཏོང་རྒྱུ་རེད།
དེ་ནི་གསར་འགོད་པས་ཚེས13ཉིན་འཚོགས་པའི་རྒྱལ་ཡོངས་ཀྱི་འཕེལ་རྒྱས་དང་བཅོས་སྒྱུར་ལས་དོན་ཚོགས་འདུའི་སྟེང་ནས་ཤེས་རྟོགས་བྱུང་བ་རེད།
རྒྱལ་ཁབ་འཕེལ་སྒྱུར་ཨུ་ལྷན་གྱི་ཀྲུའུ་རེན་ཀྲེན་ཧྲན་ཅེ་ཡིས་ཚོགས་འདུའི་ཐོག་བསྟན་དོན། ཕྱི་ལོར་སྤྱི་ཁོག་སྲིད་ཇུས་ཀྱི་ལྡོག་པའི་འཁོར་ཡུན་ལེགས་སྒྲིག་བྱེད་ཤུགས་ཆེ་རུ་གཏོང་བ་དང་། སྔར་བས་དགེ་མཚན་ལྡན་ལ་ཕན་འབྲས་ལྡན་པའི་སྤྱི་ཁོག་སྲིད་ཇུས་ལག་བསྟར་ཡག་པོ་བྱས་ནས། སྤྱི་ཁོག་སྲིད་ཇུས་ཀྱི་ཁ་ཕྱོགས་གཅིག་མཐུན་རང་བཞིན་ཆེ་རུ་གཏོང་རྒྱུ་དང་། རྒྱལ་ནང་གི་དགོས་མཁོ་ཕྱོགས་ཡོངས་ནས་རྒྱ་ཆེར་བཏང་སྟེ།“ཉིས་ཟློས”འཛུགས་སྐྲུན་ལ་མགྱོགས་མྱུར་ངང་སྐུལ་འདེད་གཏོང་བ་དང་།“གསར་པ་གཉིས”ཀྱི་ལས་དོན་ཡག་པོར་བསྒྲུབ་རྒྱུར་ཤུགས་སྣོན་རྒྱག་པ། སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་བའི་བྱེད་ཐབས་སྔར་བས་དོན་འཁྱོལ་བྱ་རྒྱུར་སྐུལ་འདེད་གཏོང་བ་དང་རྒྱལ་ཡོངས་ཀྱི་གཅིག་གྱུར་ཁྲོམ་ར་ཆེན་པོ་འཛུགས་སྐྲུན་བྱ་རྒྱུར་དམ་འཛིན་མངོན་གསལ་བྱས་ཏེ། ཁྲོམ་རའི་ཆོག་འཐུས་ཀྱི་བཀག་རྒྱ་གསལ་ཐོ་གསར་པ་བཟོ་བཅོས་བྱས་ནས་འདོན་རྒྱུ་རེད། དེང་རབས་ཅན་གྱི་ཐོན་ལས་མ་ལག་སྐྲུན་ཇེ་མགྱོགས་སུ་བཏང་ནས་གཙོ་གནད་ཐོན་ལས་ཀྱི་སྤུས་ཚད་མཐོར་གཏོང་དང་རིམ་སྤོར་ལ་སྐུལ་འདེད་གཏོང་བ། མི་གཙོ་བོར་འཛིན་པའི་གྲོང་ཁྱེར་དང་གྲོང་རྡལ་ཅན་དཔེ་གསར་འཛུགས་སྐྲུན་ལ་སྐུལ་འདེད་གཏིང་ཟབ་གཏོང་དགོས། ཐཱན་རྩེར་སོན་དང་ཐཱན་སྙོམ་སྒྲིག་གི་ལས་དོན་ཡག་པོར་སྒྲུབ་པ། ནུས་རྒྱུ་ཟད་ཚད་ཚོད་འཛིན་གཉིས་ནས་ཐཱན་འབུད་ཚད་ཚོད་འཛིན་གཉིས་ཁྱོན་ཡོངས་ནས་ཕྱོགས་སྒྱུར་བྱེད་པའི་ལམ་སྲོལ་གསར་པ་མགྱོགས་མྱུར་སྒོས་འཛུགས་པ། “ལོ་ལྔའི་འཆར་འགོད་བཅུ་བཞི་པའི”འཆར་གཞི་ནང་གཏན་འཁེལ་བྱས་པའི་དམིགས་ཚད་ལས་འགན་ཁག་ལེགས་སྒྲུབ་ཧུར་ཐག་བྱས་ནས། གལ་ཆེའི་ལས་གྲྭ102ལེགས་འགྲུབ་བྱུང་བར་འགན་ལེན་བྱེད་པ། གནད་དོན་གལ་ཆེན་ལ་རྒྱུན་མཐུད་ངང་ཞིབ་འཇུག་གཏིང་ཟབ་བྱེད་པ་དང་། “ལོ་ལྔའི་འཆར་འགོད་བཅོ་ལྔ་པའི”འཆར་གཞི་སྒྲིག་བཟོའི་ལས་དོན་ཡག་པོར་བསྒྲུབ་དགོས།
ཀྲེན་ཧྲན་ཅེ་ཡིས་བསྟན་དོན། ལོ་མཇུག་དང་ལོ་མགོའི་གཙོ་གནད་ལས་དོན་ཡག་པོར་བསྒྲུབས་ནས་སྟོན་འདེབས་དང་དགུན་འདེབས་ཀྱི་ཐོན་སྐྱེད་ལ་དམ་འཛིན་ཡག་པོ་བྱེད་པ་དང་། བྱང་ཕྱོགས་གྲོང་ཁྱེར་གྱི་དགུན་དུས་ཀྱི་སྒྲིག་བཀོད་སྔོ་ཚལ་ཐོན་སྐྱེད་དང་སྔོ་ཚལ་གསོག་འཇོག་ལས་དོན་ལ་དམ་འཛིན་ཡག་པོ་བྱེད་པ། དགུན་སྒྲོལ་གྱི་རྡོ་སོལ་དང་། གློག སྣུམ་རླངས་བཅས་སྐྱེལ་འདྲེན་འགན་ལེན་ལ་ཤུགས་སྣོན་རྒྱག་པ། དཔྱིད་གསར་སྐྱེལ་འདྲེན་ལས་དོན་ཡག་པོར་བསྒྲུབ་རྒྱུ་སྒྲིག་འཛུགས་དང་མཐུན་སྦྱོར་བཅས་བྱེད་དགོས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注