ཀྲའོ་ལེ་ཅི་ཡིས་རྒྱལ་ཡོངས་དམངས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གི་གྲོས་ཚོགས་ཐེངས་སོ་ལྔ་པར་མགོ་འཛིན་གནང་།

ཀྲའོ་ལེ་ཅི་ཡིས་རྒྱལ་ཡོངས་དམངས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གི་གྲོས་ཚོགས་ཐེངས་སོ་ལྔ་པར་མགོ་འཛིན་གནང་།

ཟླ12ཚེས13ཉིན་གྱི་ཕྱི་དྲོར།　རྒྱལ་ཡོངས་དམངས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གི་གྲོས་ཚོགས་ཐེངས་སོ་ལྔ་པ་པེ་ཅིན་མི་དམངས་ཚོགས་ཁང་ཆེན་མོའི་ནང་བསྡུས་པ་དང་།　ཨུ་ཡོན་ཀྲང་ཀྲའོ་ལེ་ཅི་ཡིས་གྲོས་ཚོགས་ལ་མགོ་འཛིན་གནང་།

ཚེས13ཉིན་གྱི་ཕྱི་དྲོར།　རྒྱལ་ཡོངས་དམངས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གི་གྲོས་ཚོགས་ཐེངས་སོ་ལྔ་པ་པེ་ཅིན་མི་དམངས་ཚོགས་ཁང་ཆེན་མོའི་ནང་བསྡུས་པ་དང་།　ཨུ་ཡོན་ཀྲང་ཀྲའོ་ལེ་ཅི་ཡིས་གྲོས་ཚོགས་ལ་མགོ་འཛིན་གནང་།　གྲོས་ཚོགས་ལས་རྒྱལ་ཡོངས་དམངས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གསུམ་པ་དེ་ཟླ12པའི་ཚེས21ཉིན་ནས་ཚེས25ཉིན་བར་པེ་ཅིན་དུ་འཚོགས་རྒྱུ་གཏན་ཁེལ་བྱས།

ཨུ་ཡོན་ཀྲང་གི་གྲོས་ཚོགས་ལས།　རྒྱལ་ཡོངས་དམངས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གསུམ་པའི་སྟེང་འཐུས་མིའི་བཅའ་ཁྲིམས་བཟོ་བཅོས་འཆར་ཟིན་དང་།　དཔྱ་ཁྲལ་འཕར་མའི་བཅའ་ཁྲིམས་འཆར་ཟིན།　ལྟ་སྐུལ་ཞིབ་བཤེར་བཅའ་ཁྲིམས་བཟོ་བཅོས་འཆར་ཟིན།　ཚན་རིག་ལག་རྩལ་ཁྱབ་གདལ་བཅའ་ཁྲིམས་བཟོ་བཅོས་གཏན་འབེབ་འཆར་ཟིན།　རྒྱལ་ཁབ་སྤྱི་གླིང་བཅའ་ཁྲིམས་འཆར་ཟིན་བཅས་ལ་གྲོས་ཞིབ་བྱེད་པ།　ཨུ་ཡོན་ཀྲང་གྲོས་ཚོགས་ཀྱིས་རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས་རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐབས་བཅུ་བཞི་པའི་གྲོས་ཚོགས་ཐེངས་གསུམ་པ་བསྡུ་བའི་ཆོད་དོན་འཆར་ཟིན་གྲོས་གཞིའི་གྲོས་ཞིབ་རེ་ཞུར་གྲོས་ཞིབ་བྱེད་པ།　རྒྱལ་སྲིད་སྤྱི་ཁྱབ་ཁང་གིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དང་ཙམ་པུ་ཝེ་སྤྱི་མཐུན་རྒྱལ་ཁབ་ཀྱི་ཁོངས་བརྒལ་སྤྱི་ཆིངས་ཀྱི་གྲོས་གཞིར་ཆོག་མཆན་འགོད་པའི་གྲོས་ཞིབ་རེ་ཞུ་དང་།　ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དང་སུའུ་ལི་ནན་སྤྱི་མཐུན་རྒྱལ་ཁབ་ཀྱི་ཁོངས་བརྒལ་སྤྱི་ཆིངས་ཀྱི་གྲོས་གཞིར་ཆོག་མཆན་འགོད་པའི་གྲོས་ཞིབ་རེ་ཞུར་གྲོས་ཞིབ་བྱེད་དགོས་པའི་གྲོས་གཞི་བཏོན།

ཨུ་ཡོན་ཀྲང་གྲོས་ཚོགས་ལས་གྲོས་གཞི་བཏོན་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གསུམ་པའི་གྲོས་རིམ་ལ་ད་དུང་།　རྒྱལ་སྲིད་སྤྱི་ཁྱབ་ཁང་གི2023ལོ་ཧྲིལ་བོའི་ཀྲུང་དབྱང་སྔོན་རྩིས་ལག་བསྟར་དང་ནོར་སྲིད་འགྲོ་གྲོན་གཞན་པའི་རྩིས་བཤེར་ཤེས་རྟོགས་གནད་དོན་དག་ཐེར་གནས་ཚུལ་གྱི་སྙན་ཞུ།　ནོར་སྲིད་ཀྱི་གནོད་འགོག་གནོད་སེལ་དང་འཕྲལ་བསྟུན་དོ་དམ་ཐད་ཀྱི་མ་དངུལ་བཀོད་སྒྲོག་དང་བཀོད་གཏོང་གནས་ཚུལ་གྱི་སྙན་ཞུ།　རྨོ་ཞིང་སྲུང་སྐྱོབ་བྱ་བའི་སྐོར་གྱི་གནས་ཚུལ་སྙན་ཞུ་བཅས་ལ་གྲོས་ཞིབ་བྱེད་རྒྱུ།　རྒྱལ་ཁབ་ལྟ་ཞིབ་ཨུ་ཡོན་ལྷན་ཁང་གི་མང་ཚོགས་ཉེ་གམ་གྱི་ཚུལ་མིན་བྱེད་ཕྱོགས་དང་རུལ་སུངས་གནད་དོན་དག་བཅོས་བྱེད་པའི་སྐོར་གྱི་བྱ་བའི་གནས་ཚུལ་སྙན་ཞུར་གྲོས་ཞིབ་བྱེད་པ།　རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་ཁྲིམས་བསྟར་ཞིབ་བཤེར་ཚན་ཆུང་གི་ཁེ་ལས་ཀྱིས་རྒྱལ་དབང་རྒྱུ་ནོར་བཅའ་ཁྲིམས་ལག་བསྟར་གནས་ཚུལ་ལ་ཞིབ་བཤེར་བྱས་པའི་སྐོར་གྱི་སྙན་ཞུ་དང་།　རྨ་ཆུ་སྲུང་སྐྱོབ་བཅའ་ཁྲིམས་ལག་བསྟར་གནས་ཚུལ་ལ་ཞིབ་བཤེར་བྱས་པའི་སྐོར་གྱི་སྙན་ཞུར་གྲོས་ཞིབ་བྱེད་པ།　རྒྱལ་ཡོངས་དམངས་ཆེན་མི་རིགས་དོན་གཅོད་ཨུ་ཡོན་ལྷན་ཁང་དང་རྩ་ཁྲིམས་བཅའ་ཁྲིམས་ཨུ་ཡོན་ལྷན་ཁང་།　ནོར་སྲིད་དཔལ་འབྱོར་ཨུ་ཡོན་ལྷན་ཁང་།　སློབ་གསོ་ཚན་རིག་རིག་གནས་འཕྲོད་བསྟེན་ཨུ་ཡོན་ལྷན་ཁང་།　ཀྲུང་གོའི་ཕྱི་སྡོད་རང་མིའི་ཨུ་ཡོན་ལྷན་བཅས་ཀྱིས་སོ་སོར་བཏོན་པའི་རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་གཉིས་པའི་ཀྲུའུ་ཞི་ཚོགས་པས་གྲོས་ཞིབ་བྱེད་པར་སྤྲད་པའི་འཐུས་མིའི་བཏོན་པའི་གྲོས་གཞིའི་གྲོས་ཞིབ་མཇུག་འབྲས་ཀྱི་སྙན་ཞུར་གྲོས་ཞིབ་བྱེད་པ།　སོ་སོར་རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་འཐུས་མིའི་བྱ་བའི་ཨུ་ཡོན་ལྷན་ཁང་དང་།　རིག་གནས་དང་ཡུལ་སྐོར་པུའུ་ཡི་སྐབས་བཅུ་བཞི་པའི་རྒྱལ་ཡོངས་དམངས་ཆེན་གྱི་གྲོས་ཚོགས་ཐེངས་གཉིས་པའི་འཐུས་མིའི་གྲོས་གཞི་དང་།　ལས་སྒྲུབ་བསམ་ཚུལ་དང་སྐྱོན་བརྗོད་གནས་ཚུལ་སྐོར་གྱི་སྙན་ཞུར་ཉན་པ།　རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་ཁྲིམས་ལུགས་བྱ་བའི་ཨུ་ཡོན་ལྷན་ཁང་གི2024ལོའི་ཞིབ་བཤེར་བྱ་བའི་གྲ་སྒྲིག་གནས་ཚུལ་གྱི་སྙན་ཞུར་གྲོས་ཞིབ་བྱེད་པ།　ཨུ་ཡོན་ཀྲང་ཀྲའོ་ལེ་ཅི་ཡིས་ཕོར་ཐི་ཀལ་དང་སི་ཕེན།　ཞི་ལ་བཅས་ལ་འཚམས་འདྲི་བྱས་པའི་གནས་ཚུལ་གྱི་ཡིག་ཐོག་སྙན་ཞུར་གྲོས་ཞིབ་བྱེད་པ།　རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་འཐུས་མིའི་ཐོབ་ཐང་ཞིབ་བཤེར་ཨུ་ཡོན་ལྷན་ཁང་གི་འཐུས་མི་ཁ་ཤས་ཀྱི་འཐུས་མིའི་ཐོབ་ཐང་སྐོར་གྱི་སྙན་ཞུར་གྲོས་ཞིབ་བྱེད་པ།　འབྲེལ་ཡོད་བསྐོ་འཐེན་གྲོས་གཞིར་གྲོས་ཞིབ་བྱེད་པ་སོགས་འདུས་ཡོད།

ཨུ་ཡོན་ཀྲང་གྲོས་ཚོགས་ལས་རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི2025ལོའི་ལོ་ཧྲིལ་བོའི་བྱ་བའི་གཙོ་གནད་དང་ཁྲིམས་འཛུགས།　ལྟ་སྐུལ།　འཐུས་མི།　ཕྱི་དོན་བྱ་བའི་འཆར་གཞི་བཅས་ལ་གྲོས་ཞིབ་བྱས་ཏེ་རྩ་དོན་སྟེང་གྲོས་འཆམ་བྱུང་ཞིང་།　2024ལོའི་ལོ་ཧྲིལ་བོའི་རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས་རྒྱལ་ཡོངས་དམངས་ཆེན་འཐུས་མིར་འབྲེལ་གཏུག་བྱ་བའི་གནས་ཚུལ་གྱི་སྙན་ཞུར་གྲོས་ཞིབ་བྱས་པ་དང་།　རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་འཐུས་མིའི་བྱ་བའི་ཨུ་ཡོན་ལྷན་ཁང་གི་སྐབས་བཅུ་བཞི་པའི་རྒྱལ་ཡོངས་དམངས་ཆེན་གྱི་གྲོས་ཚོགས་ཐེངས་གཉིས་པའི་སྐབས་སུ་འཐུས་མིས་དམངས་ཆེན་བྱ་བར་ཤུགས་སྣོན་དང་བཅོས་སྒྱུར་བྱས་པའི་བསམ་ཚུལ་གྲོས་གཞའི་ཐག་གཅོད་གནས་ཚུལ་གྱི་སྙན་ཞུ་གྲོས་ཞིབ་བྱས།

ཨུ་ཡོན་ཀྲང་གྲོས་ཚོགས་སྟེང་།　རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་དྲུང་ཡིག་ཆེན་མོ་ལིའུ་ཆི་ཧྥན་གྱིས་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གསུམ་པའི་གྲོས་རིམ་འཆར་ཟིན་དང་ཉིན་རིམ་བཀོད་སྒྲིག་སོགས་ཀྱི་ཐད་ནས་སྙན་ཞུ་ཕུལ།　རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་འབྲེལ་ཡོད་དྲུང་ཡིག་ཆེན་མོ་གཞོན་པ།　རྒྱལ་ཡོངས་དམངས་ཆེན་གྱི་འབྲེལ་ཡོད་ཆེད་དོན་ཨུ་ཡོན་ལྷན་ཁང་།　རྒྱུན་ལས་ཨུ་ཡོན་ལྷན་ཁང་གི་འབྲེལ་ཡོད་བྱ་བའི་ཨུ་ཡོན་ལྷན་ཁང་བཅས་ཀྱི་འགན་ཁུར་བློ་མཐུན་གྱིས་འབྲེལ་ཡོད་གྲོས་གཞིའི་ཐད་ནས་སྙན་ཞུ་ཕུལ།

རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པ་ལི་ཧུང་ཀྲུང་དང་ཝང་ཏུང་མེན།　ཞའོ་ཅེ།　ཏེན་ཀྲུང་ལི།　ཧའོ་མེན་ཅིན།　ཚའེ་ཏ་ཧྥིན།　ཧོ་ཝེ།　ཝུའུ་ཝེ་ཧྭ།　ཐེ་ཉིང་།　ཕིན་ཆིན་ཧྭ།　ཀྲང་ཆིན་ཝེ།　བློ་བཟང་རྒྱལ་མཚན།　ཞུའེ་ཁི་ལའེ་ཐི་ཀྲ་ཁི་ཨར་བཅས་གྲོས་ཚོགས་ལ་ཞུགས།