ས་གནས་དང་སྲུང་སྐྱོབ་ཅུའུ་བར་གྱི་མཉམ་ལས་ཀྱིས་མཚོ་སྔོན་པོའི་མཐའ་སྐོར་གུང་ཧོ་ཁུལ་ཁོངས་ཀྱི་ཁོར་ཡུག་མཉམ་སྐྱོང་དང་ཕན་འབྲས་མཉམ་སྤྱོད་ལ་སྐུལ་འདེད་བཏང་།
མཚོ་སྔོན་པོའི་རྒྱལ་ཁབ་སྤྱི་གླིང་འཛུགས་སྐྲུན་གྱི་གཅིག་སྣོན་ལྔའི་འཆར་འགོད་ཕྱོགས་ཡོངས་ནས་ལག་བསྟར་བྱེད་ཆེད། ཟླ12པའི་ཚེས10ཉིན། གུང་ཧོ་རྫོང་མི་དམངས་སྲིད་གཞུང་དང་མཚོ་སྔོན་པོའི་ལྗོངས་རྒྱུ་ཁུལ་སྲུང་སྐྱོང་བེད་སྤྱོད་དོ་དམ་ཅུའུ་གུང་ཧོ་དོ་དམ་ཡན་ལག་ཅུའུ་ཡིས་མཉམ་འབྲེལ་སྒོས་མཚོ་སྔོན་པོའི་མཐའ་སྐོར་གུང་ཧོ་ཁུལ་ཁོངས་ཀྱི་སྲུང་སྐྱོབ་འགན་འཁྲི་མཉམ་ཁུར་བྱེད་པ་དང་བཞུར་རྒྱུད་ཁོར་ཡུག་མཉམ་སྐྱོང་བྱེད་པ། སྐྱེ་ཁམས་ཕན་འབྲས་མཉམ་སྤྱོད་བྱེད་པའི་སྐྱེ་ཁམས་སྲུང་སྐྱོབ་ཆེན་པོ་དང་མཉམ་ལས་ཆེན་པོའི་བྱ་བའི་རྐྱེན་སྲོལ་གཏན་འབེབས་བྱས་ནས། ཅུའུ་དང་ས་གནས་ཀྱི་བསམ་བློ་གཅིག་གྱུར་བྱེད་པ་དང་སྒྲིག་གཞི་རྐྱེན་སྲོལ་མཉམ་བསྲེས་བྱེད་པ། བྱ་བའི་དམིགས་འབེན་གཅིག་གྱུར་བྱེད་པ། འཕེལ་རྒྱས་གྲུབ་འབྲས་མཉམ་སྤྱོད་བྱེད་པའི་སྐྱེ་ཁམས་སྲུང་སྐྱོབ་ཆེན་པོ་དང་མཉམ་ལས་ཆེན་པོའ་རྣམ་པ་གྲུབ་པར་བྱེད་རྒྱུ་རེད།
སྲུང་སྐྱོབ་འགན་འཁྲི་མཉམ་ཁུར་བྱེད་པར་དམིགས་ནས། མཚོ་སྔོན་པོའི་མཐའ་སྐོར་གྱི་གུང་ཧོ་ཁུལ་ཁོངས་ནང་གི་མཚེའུ་དང་ཆུ་བོ། ལྗོངས་རྒྱུ་ཁུལ། རྩྭ་ས་ནགས་ཚལ་སོགས་ཁུལ་ཁོངས་བཞིའི་ནང་གི་སྐྱེ་ཁམས་མ་ལག་གི་གནས་བབ་དང་། དངོས་རིགས་གཙོ་བོ་དང་འཚོ་སྡོད་ས་ཆའི་གནས་བབ། རང་བྱུང་མཛེས་ལྗོངས་སོགས་ཀྱི་ཐོན་ཁུངས་བེད་སྤྱོད་དང་སྐྱེ་ཁམས་ཁོར་ཡུག གད་སྙིགས་བཙོག་བཟོ། མིའི་རིགས་ཀྱི་ཐེ་གཏོགས་གནས་བབ་སོགས་ལ་སྐོར་ཞིབ་བྱེད་པའི་ཕྱོགས་བསྡུས་སྐོར་སྲུང་དང་ལྟ་སྐུལ་དོ་དམ་བྱས། ལས་འགན་མཚུངས་པ་དང་དོ་དམ་སྟབས་བདེ་བ། དབྱེ་མཚམས་གསལ་བའི་དགོས་མཁོ་ལྟར། གུང་ཧོ་དོ་དམ་ཡན་ལག་ཅུའུ་ཡི་སྲུང་སྐྱོབ་ས་ཚིགས་སོ་སོ་དང་། རྫོང་དང་གྲོང་རྡལ། སྡེ་བ། ཧྲེ་ཡི་ལས་བྱེད་པ་དང་སྡེ་བ་རིམ་པའི་ཁོར་ཡུག་གཙང་དག་པ། རྩྭ་ཐང་དོ་སྲུང་བ། ནགས་ལས་དོ་སྲུང་བ། སྐྱེ་ཁམས་དོ་དམ་པ། ཆུ་མཚེའི་དོ་དམ་པ། ཁོར་ཡུག་གཙང་དག་ཀུང་ཟིའི་མི་སྣ། སྐྱེ་ཁམས་སྲུང་སྐྱོབ་ཐད་ཀྱི་དང་བླངས་པ་སོགས་མི་ལྔ་བརྒྱ་ལྷག་མཉམ་བསྲེས་ལེགས་བསྡུས་བྱས་པ་དང་། རྒྱུན་སྲོལ་ཅན་གྱི་སྒོ་ནས་སྐྱེ་ཁམས་ཁོར་ཡུག་གི་སྐོར་སྲུང་ལྟ་སྐུལ་དང་དོ་དམ་བྱ་བ་སྤེལ་ནས། བཞུར་ཁུངས་ཡོངས་སུ་ཁེབས་པར་བྱས།
མང་ཚོགས་ལ་ཞབས་འདེགས་ཞུས་ནས་སྐྱེ་ཁམས་ཕན་འབྲས་མཉམ་སྤྱོད་མངོན་འགྱུར་བྱེད་པ་གཙིགས་སུ་བཟུང་ནས། རྐྱེན་སྲོལ་ནང་སྐོར་ཞིབ་བཞི་ཡི་བྱ་བའི་གསལ་ཕྲ་་དང་རིམ་བགོས་སྐོར་སྲུང་། ཐག་གཅོད་བརྒྱུད་རིམ། ཞིང་འབྲེལ་ཞིང་ཁྲིད་ཀྱི་རྐྱེན་སྲོལ། མི་དམངས་ལ་ཞབས་འདེགས་ཞུ་བའི་རྣམ་པ། སྤྱི་ཚོགས་ཡོངས་སུ་དྲིལ་སྒྲོག་སྐུལ་སློང་བྱེད་པ་སོགས་ཀྱི་ནང་དོན་གཏན་ཁེལ་གསལ་བོ་བྱས་པ་དང་། སྐྱེ་ཁམས་སྲུང་སྐྱོབ་གཙོར་འཛིན་པའི་སྔོན་འགྲོའི་འོག སྲུང་སྐྱོབ་དང་འཕེལ་རྒྱས་ཀྱི་འབྲེལ་བ་ཐག་གཅོད་བཟང་བོ་བྱས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注