ཞི་ཅིན་ཕིང་གིས“2024ལོའི་ཚུང་ཏུའུ་རྒྱལ་སྤྱིའི་གླེང་སྟེགས”ལ་རྟེན་འབྲེལ་ཞུ་བའི་འཕྲིན་ཡིག་བསྐུར།

 ཟླ12ཚེས12ཉིན་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས“2024ལོའི་ཚུང་ཏུའུ་རྒྱལ་སྤྱིའི་གླེང་སྟེགས”ལ་རྟེན་འབྲེལ་ཞུ་བའི་འཕྲིན་ཡིག་བསྐུར།

ཞི་ཅིན་ཕིང་གིས་བསྟན་དོན།  རྒྱལ་སྤྱིའི་གླེང་སྟེགས་སྒྲུབ་ནས་ལོ10ཡི་རིང་ལ། ཕྱོགས་མང་རིང་ལུགས་དར་སྤེལ་རྒྱུན་འཁྱོངས་དང་། གོ་ལ་ཧྲིལ་པོའི་བཅོས་སྐྱོང་གནད་དོན་ལ་གཏིང་ཟབ་ཏུ་གྲོས་སྡུར་བྱེད་པ།  ཀྲུང་གོའི་འདོད་བློ་མཉམ་སྤྱོད་ལེགས་པོ་བཅས་བྱས་ཏེ། ཀྲུང་གོ་དང་འཛམ་གླིང་རྒྱལ་ཁབ་སོ་སོའི་བར་གྱི་བརྗེ་རེས་དང་རྒྱུས་ལོན་ཇེ་ཟབ་ཏུ་གཏོང་བར་དགེ་མཚན་ལྡན་པའི་ནུས་པ་འདོན་སྤེལ་བྱས་ཡོད།

ཞི་ཅིན་ཕིང་གིས་ནན་གྱིས་བསྟན་དོན། དེང་སྐབས་འཛམ་གླིང་ཟང་ཟིང་གི་གནས་སུ་ཡོད་པས། ཞི་བདེ་དང་འཕེལ་རྒྱས་ནི་རྒྱལ་ཁབ་སོ་སོའི་མི་དམངས་ཀྱི་ཐུན་མོང་གི་རེ་སྒུག་ཡིན། ཀྲུང་གོས་རྒྱལ་ཁབ་སོ་སོ་དང་མཉམ་དུ་ཕན་ཚུན་རམ་འདེགས་ཀྱི་སྙིང་སྟོབས་རྒྱུན་འཁྱོངས་དང་། དྲང་གཞག་དྲང་བདེན་རྒྱུན་འཁྱོངས། འཛམ་གླིང་གི་ཞི་བདེ་དང་བརྟན་བརླིང་སྲུང་སྐྱོང་། མཉམ་ལས་མཉམ་རྒྱལ་རྒྱུན་འཁྱོངས་བྱས་ཏེ།  འཛམ་གླིང་གི་རྒྱུན་མཐུད་འཕེལ་རྒྱས་ལ་སྐུལ་འདེད་བྱེད་འདོད་ཡོད་ལ། ཁོང་ཡངས་དང་ཕན་ཚུན་དཔྱད་གཞིར་འཛིན་པ་རྒྱུན་འཁྱོངས་བྱས་ཏེ། མིའི་རིགས་ཀྱི་དཔལ་ཡོན་ལ་ཡར་རྒྱས་གསར་པ་ཡོང་བར་སྐུལ་འདེད་གཏོང་འདོད་ཡོད།

“2024ལོའི་ཚུང་ཏུའུ་རྒྱལ་སྤྱིའི་གླེང་སྟེགས”ཉིན་དེར་སི་ཕེན་གྱི་མ་ཏེ་ལིས་ནས་ཚོགས་འགོ་བརྩམས་ཤིང་། བརྗོད་དོན་གཙོ་བོ་ནི“མཉམ་དུ་བྱ་སྤྱོད་སྤེལ་ནས་མ་འོངས་པ་མཉམ་དུ་གཏོད”ཅེས་པ་དེ་ཡིན་པ་དང་། ཀྲུང་གོ་མི་དམངས་ཕྱི་ཕྱོགས་མཛའ་མཐུན་ མཐུན་ཚོགས་དང་། ཨོ་སི་ཁྲུ་ལི་ཡ་དང་ཀྲུང་གོའི་མཛའ་མཐུན་བརྗེ་རེས་མཐུན་ཚོགས། ཀོང་ཏུང་ཞིང་ཆེན་མི་དམངས་སྲིད་གཞུང་དང་དེ་མིན་འཛམ་གླིང་གི་གཙོ་འཛིན་མནའ་འབྲེལ་བཅས་ཀྱིས་མཉམ་དུ་སྒྲུབ་པ་རེད།