རྒྱལ་ཡོངས་སྲིད་གྲོས་རིག་གནས་ལོ་རྒྱུས་དང་སློབ་སྦྱོང་ཨུ་ཡོན་ལྷན་ཁང་གི“རིག་གནས་ལོ་རྒྱུས་འཆད་ཁྲིད”སྐབས་ལྔ་པས་མཚོ་སྔོན་དུ་ཡན་ལག་ཚོགས་ར་བཙུགས།

 ཟླ12ཚེས10ཉིན། རྒྱལ་ཡོངས་སྲིད་གྲོས་རིག་གནས་ལོ་རྒྱུས་དང་སློབ་སྦྱོང་ཨུ་ཡོན་ལྷན་ཁང་གི“རིག་གནས་ལོ་རྒྱུས་འཆད་ཁྲིད”སྐབས་ལྔ་པ་པེ་ཅིང་དུ་བསྡུས་ཤིང་། རྒྱལ་ཡོངས་སྲིད་གྲོས་ཀྱི་ཨུ་ཡོན། ཀྲུང་གོའི་བཟོ་རྩལ་མཛེས་རྩལ་ཁང་གི་དེ་སྔའི་འགོ་གཙོ། རྒྱལ་ཁབ་རིག་གནས་སྤྱི་གླིང་ཆེད་མཁས་བློ་འདྲི་ཨུ་ཡོན་ལྷན་ཁང་གི་སྤྱིའི་མཐུན་སྦྱོར་པ་ཧན་ཙི་ཡུང་གདན་དྲངས་ཏེ“ཁུ་ནུ་རིག་གནས་དང་དེའི་དུས་རབས་ཀྱི་རིན་ཐང”གི་སྐོར་ནས་ཆེད་དོན་འཆད་ཁྲིད་བྱས།  ཐེངས་འདིའི་འཆད་ཁྲིད་ཁང་གིས་མཚོ་སྔོན་ཞིང་ཆེན་སྲིད་གྲོས་དང་མཚོ་ནུབ་སོག་རིགས་བོད་རིགས་རང་སྐྱོང་ཁུལ་སྲིད་གྲོས་དུ་བརྙན་ལམ་སྦྲེལ་མཐུད་ཀྱི་རྣམ་པའི་ཐོག་ནས་ཡན་ལག་ཚོགས་ར་བཙུགས་པ་རེད། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་རིན་ཆེན་རྣམ་རྒྱལ་དང་། ཝང་ཞོན། ཀྲང་ཞའོ་རུང་། ལིའུ་ཏ་ཡེ་བཅས་དང་། ཞིང་ཆེན་སྲིད་གྲོས་ཏང་ཙུའུ་ཡི་ཁོངས་མི་ཕིན་ཡིའུ་ཏུང་། མཚོ་སྔོན་དུ་སྡོད་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན་དང་ཞིང་ཆེན་སྲིད་གྲོས་ཀྱི་ཨུ་ཡོན་ཁག་ཅིག་གིས་ཞིང་ཆེན་སྲིད་གྲོས་ཀྱི་ཡན་ལག་ཚོགས་ར་ནས་འཆད་ཁྲིད་ལ་ཉན།

འཆད་ཁྲིད་བྱེད་སྐབས། ཧན་ཙི་ཡུང་གིས་ཁུ་ནུ་རིག་གནས་དང་དེའི་དུས་རབས་ཀྱི་རིན་ཐང་ལ་དམིགས་ཏེ། ཕྱོགས7གྱི་ཐད་ནས་ཁུ་ནུ་རིག་གནས་ཀྱི་ནང་དོན་ཕྱིར་འཕེལ་རྒྱས་འགྲོ་བའི་ལོ་རྒྱུས་འཕེལ་རིམ་བརྗོད་པ་དང་། ཕྱོགས2ཀྱི་ཐད་ནས་ཁུ་ནུ་རིག་གནས་ཀྱིས་དེང་རབས་ཀྱི་མིའི་བློ་སྒོ་གལ་ཆེན་ཕྱེ་བ་ཕྱོགས་བསྡུས་བྱས་པ་རེད།  འཆད་ཁྲིད་མཇུག་རྫོགས་རྗེས། ཧན་ཙི་ཡུང་གིས་ད་དུང་ཉན་མཁན་དང་བརྗེ་རེས་བྱས་པ་དང་། མཚོ་སྔོན་དུ་སྡོད་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན་ལིས་ཆིན་གྱིས་ཡན་ལག་ཚོགས་ར་ནས་དྲི་བ་བཏོན་པ་རེད།

ཚང་མས་བཤད་རྒྱུར། “འཆད་ཁྲིད་ལ་ཉན་རྗེས། ཁུ་ནུ་རིག་གནས་ལ་ངོས་འཛིན་སྔར་ལས་ཟབ་མོ་བྱུང་། ཁུ་ནུ་རིག་གནས་ནི་ཀྲུང་ཧྭའི་ཕུལ་བྱུང་གི་སྲོལ་རྒྱུན་རིག་གནས་ཀྱི་གྲུབ་ཆ་གལ་ཆེན་ཞིག་དང་། ཀྲུང་ཧྭའི་དཔལ་ཡོན་གྱི་བསམ་པའི་མཚོན་རྟགས་གལ་ཆེན་གྱི་གྲས་ཤིག་ཡིན་ཞིང་།  ཁུ་ནུ་རིག་གནས་སྔོག་འདོན་དང་། ཞིབ་འཇུག  རྒྱུན་འཛིན་བཅས་ཡག་པོ་བྱེད་རྒྱུ་ནི་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པ་དང་། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་གསར་གཏོད་རང་བཞིན་གཞན་སྒྱུར་དང་གསར་གཏོད་རང་བཞིན་གྱི་འཕེལ་རྒྱས་ལ་སྐུལ་འདེད་གཏོང་བར་དོན་སྙིང་གལ་ཆེན་ལྡན་ཡོད། ཞི་ཅིན་ཕིང་གི་རིག་གནས་དགོངས་པར་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་རང་རྟོགས་ཀྱིས་རིག་གནས་ཀྱི་འགན་འཁྲི་གསར་པ་ཕྲག་ཏུ་ལེན་པ་དང་། ཁུ་ནུ་རིག་གནས་ལ་དམིགས་ནས་བརྟག་དཔྱད་ཞིབ་འཇུག་གཏིང་ཟབ་དང་ཐབས་འདོན་ཇུས་འབུལ་ལེགས་པོ་བྱས་ཏེ། མཚོ་སྔོན་གྱི་རིག་གནས་འཛུགས་སྐྲུན་ལ་ཨུ་ཡོན་གྱི་སྟོབས་ཤུགས་ལེགས་སྐྱེས་སུ་འབུལ་རྒྱུ་ཡིན་ཟེར།