ཀྲུང་གོ་དམངས་གཙོ་ཡར་སྐུལ་ལྷན་ཚོགས་ཀྱི་སྐབས་བཅོ་ལྔ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་པེ་ཅིང་དུ་བསྡུས།

ཀྲུང་གོ་དམངས་གཙོ་ཡར་སྐུལ་ལྷན་ཚོགས་ཀྱི་སྐབས་བཅོ་ལྔ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་ཟླ12པའི་ཚེས11ཉིན་པེ་ཅིང་དུ་བསྡུས། དམངས་གཙོ་ཡར་སྐུལ་ལྷན་ཚོགས་ཀྲུང་དབྱང་གི་ཀྲུའུ་ཞི་ཚའེ་ཏ་ཧྥིན་གྱིས་དམངས་གཙོ་ཡར་སྐུལ་ལྷན་ཚོགས་ཀྱི་སྐབས་བཅོ་ལྔ་པའི་ཀྲུང་དབྱང་རྒྱུན་ལས་ཨུ་ཡོན་ལྷན་ཁང་གི་ཚབ་བྱས་ནས་བྱ་བའི་སྙན་ཞུ་ཕུལ་བ་དང་། རྒྱུན་ལས་ཀྲུའུ་ཞི་གཞོན་པ་ཀྲུའུ་ཡུང་ཞིན་གྱིས་འགོ་རྩོམ་ཚོགས་འདུར་འགོ་འཛིན་བྱས།

གྲོས་ཚོགས་ལས་བསྟན་དོན། ལོ་ངོ་གཅིག་གི་རིང་། དམངས་གཙོའི་ཡར་སྐུལ་ལྷན་ཚོགས་ཀྲུང་དབྱང་རྒྱུན་ལས་ཨུ་ཡོན་ལྷན་ཁང་གིས་ཞི་ཅིན་ཕིང་གི་དུས་རབས་གསརཔའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་སྟོན་དུ་འཛིན་པ་དང་། ཏང་གི་ཚོགས་ཆེན་ཉི་ཤུ་པ་དང་། སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་གསུམ་པའི་དགོངས་དོན་སློབ་སྦྱོང་དང་ལག་བསྟར་ཟབ་མོ་བྱས་ཤིང་། དམངས་གཙོ་ཡར་སྐུལ་ལྷན་ཚོགས་ཀྱི་ཚོགས་ཆེན་བཅུ་གསུམ་པ་དང་སྐབས་བཅོ་ལྔ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པའི་བཀོད་སྒྲིག་དོན་འཁྱོལ་བྱས་པ་དང་། གཙོ་གནད་འབུར་དུ་ཐོན་ལ་སྤྱི་འདོམས་སྐུལ་འདེད་བཏང་བས། རང་ངོས་འཛུགས་སྐྲུན་ཐད་ཕན་འབྲས་གསར་བ་བླངས། ལྟེ་བར་དམིགས་པ་དང་ཁྱོན་ཡོངས་ལ་ཞབས་འདེགས་ཞུས་ཤིང་། འགན་སྒྲུབ་ཁག་ཁུར་བྱས་ནས་བྱ་སྤྱོད་གསར་བ་མངོན་པར་བྱས།

2025ལོའི་ལས་འགན་གཙོ་བོའི་སྐོར་ནས་གྲོས་ཚོགས་ལས་བསྟན་དོན། དམངས་གཙོ་ཡར་སྐུལ་ལྷན་ཚོགས་ཀྱིས་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་སྟོན་དུ་འཛིན་པ་དང་། ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བའི་བརྗོད་དོན་ལ་དམ་པོར་དམིགས་ཏེ། དམངས་གཙོ་ཡར་སྐུལ་ལྷན་ཚོགས་ཀྱི་བྱ་གཞག་མུ་མཐུད་དུ་འཕེལ་རྒྱས་འགྲོ་བར་སྐུལ་འདེད་བཏང་ནས།  ཕུལ་བྱུང་གྲུབ་འབྲས་ལ་བརྟེན་ནས་དམངསགཙོ་ཡར་སྐུལ་ལྷན་ཚོགས་བཙུགས་ནས་ལོ་ངོ80འཁོར་བའི་ལོ་བསུ་བ་དང་། རྒྱལ་ཁབ་སྟོབས་ལྡན་འཛུགས་སྐྲུན་དང་མི་རིགས་བསྐྱར་དར་གྱི་རླབས་ཆེན་བྱ་གཞག་ལ་ཁྱོན་ཡོངས་ནས་སྐུལ་འདེད་གཏོང་བར་བྱས་རྗེས་སྔར་ལས་ཆེན་པོ་འཇོག་དགོས།