ཀྲུང་གོ་གོ་མིན་ཏང་གསར་བརྗེ་ཨུ་ཡོན་ལྷན་ཁང་གི་སྐབས་བཅུ་བཞི་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་པེ་ཅིང་དུ་བསྡུས།

ཀྲུང་གོ་གོ་མིན་ཏང་གསར་བརྗེ་ཨུ་ཡོན་ལྷན་ཁང་གི་སྐབས་བཅུ་བཞི་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་ཟླ12པའི་ཚེས11ཉིན་པེ་ཅིང་དུ་བསྡུས། གོ་མིན་ཏང་གསར་བརྗེ་ཨུ་ཡོན་ལྷན་ཁང་ཀྲུང་དབྱང་གི་ཀྲུའུ་ཞི་ཀྲིན་ཅན་པང་གིས་གོ་མིན་ཏང་གསར་བརྗེ་ཨུ་ཡོན་ལྷན་ཁང་གི་སྐབས་བཅུ་བཞི་པའི་ཀྲུང་དབྱང་རྒྱུན་ལས་ཨུ་ཡོན་ལྷན་ཁང་གི་ཚབ་བྱས་ནས་བྱ་བའི་སྙན་ཞུ་ཕུལ་བ་དང་། གོ་མིན་ཏང་གསར་བརྗེ་ཨུ་ཡོན་ལྷན་ཁང་ཀྲུང་དབྱང་གི་རྒྱུན་ལས་ཀྲུའུ་ཞི་གཞོན་པ་ཧི་པའོ་ཞཱང་གིས་འགོ་རྩོམ་ཚོགས་འདུར་འགོ་འཛིན་བྱས།

གྲོས་ཚོགས་ལས་བསྟན་དོན། ལོ་ངོ་གཅིག་གི་རིང་། གོ་མིན་ཏང་གསར་བརྗེ་ཨུ་ཡོན་ལྷན་ཁང་གིས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཀྲུང་གུང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་དམ་ཟབ་བྱས་པ་དང་། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་སྟོན་དུ་འཛིན་པ་རྒྱུན་འཁྱོངས་བྱས་ཏེ། ཆབ་སྲིད་ཀྱི་ཁ་ཕྱོགས་དམ་འཛིན་ལེགས་པོ་བྱས་པ་དང་རང་ངོས་བྱང་ཚད་མཐོར་འདེགས་བཏང་ཞིང་། འགན་སྒྲུབ་ནུས་པ་ཇེ་ཆེར་བཏང་ལ། སྒྲིག་ལམ་གྱི་འདུ་ཤེས་དམ་པོར་བཙུགས་པ་དང་།  དཔེ་སྟོན་ཀྲི་པུའུ་དང་ཏང་ཡོན་ཁྱིམ་ཚང་། སློབ་གསོའི་རྟེན་གཞི། དཔེ་སྟོན་མི་སྣ་བཅས་གནས་བཞི་གཞི་གཅིག་གསར་གཏོད་བྱས་ནས་རང་ངོས་འཛུགས་སྐྲུན་ལ་སྐུལ་འདེད་བཏང་བས། བྱ་བ་སྣ་ཚོགས་ལ་འཕེལ་རྒྱས་གསར་བ་བྱུང་།

གྲོས་ཚོགས་སྟེང་སང་ལོའི་ལས་འགན་དམིགས་འབེན་བཀོད་སྒྲིག་བྱས་པ་དང་། གོ་མིན་ཏང་དམངས་གཙོའི་གསར་བརྗེ་ཨུ་ཡོན་ལྷན་ཁང་གི་ཏང་ཡོངས་ཀྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་བྱེད་པ་དེ་གཙོ་ཐིག་ཏུ་བཟུང་ཞིང་། མེས་རྒྱལ་གཅིག་གྱུར་ལ་སྐུལ་འདེད་གཏོང་བའི་བྱ་བའི་རྣམ་པ་གསར་བ་བཏོད་པ་དེ་གཙོ་གནད་དུ་བརྩིས་ནས། གནས་བཞི་གཞི་གཅིག་འཛུགས་སྐྲུན་ལ་སྐུལ་འདེད་བཏང་བ་དང་། འགན་སྒྲུབ་ནུས་པ་འཛུགས་སྐྲུན་ལོའི་བྱ་འགུལ་སྤེལ་ཏེ། གོ་མིན་ཏང་གསར་བརྗེ་ཨུ་ཡོན་ལྷན་ཁང་གི་བྱ་བ་སྣ་ཚོགས་འཕེལ་རིམ་གསར་བར་སླེབས་པ་དང་རྣམ་པ་གསར་བ་བཏོད་པར་ཁག་ཐེག་བྱས།