སྐབས་བརྒྱད་པའི་ཞིང་ཆེན་ན་གཞོན་བྱ་བའི་ཨུ་ཡོན་ལྷན་ཁང་གིས་ཚང་འཛོམས་གྲོས་ཚོགས་ཐེངས་བཞི་པ་བསྡུས།

ཟླ12ཚེས10ཉིན། ཀྲུང་གོ་ན་གཞོན་གདོང་ལེན་རུ་ཁག་མཚོ་སྔོན་བྱ་བའི་ཨུ་ཡོན་ལྷན་ཁང་སྐབས་བརྒྱད་པས་ཚང་འཛོམས་གྲོས་ཚོགས་ཐེངས་བཞི་པ་ཟི་ལིང་དུ་བསྡུས་པ་དང་། གྲོས་ཚོགས་སྟེང་སྤྱི་ཁྱབ་ཧྲུའུ་ཅིའི་ན་གཞོན་དང་བྱིས་པའི་གདོང་ལེན་རུ་ཁག་བྱ་བའི་རྣམ་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་དང་།  རྒྱལ་ཡོངས་ན་གཞོན་བྱ་བའི་ཨུ་ཡོན་ལྷན་ཁང་སྐབས་བརྒྱད་པའི་ཚང་འཛོམས་གྲོས་ཚོགས་ཐེངས་ལྔ་པའི་དགོངས་དོན་དངོས་འབེབས་བྱས་ཤིང་།  ཞིང་ཆེན་ན་གཞོན་བྱ་བའི་ཨུ་ཡོན་ལྷན་ཁང་སྐབས་བརྒྱད་པའི་ཚང་འཛོམས་གྲོས་ཚོགས་ཐེངས་གསུམ་པའི་ཚུན་གྱི་བྱ་བར་སྤྱི་བསྡོམས་བྱས་པར་མ་ཟད། གོ་རིམ་རྗེས་མའི་ལས་འགན་བཀོད་སྒྲིག་བྱས། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཞིང་ཆེན་ན་གཞོན་བྱ་བའི་ཨུ་ཡོན་ལྷན་ཁང་གི་མཚན་འཛིན་ཀྲུའུ་རིན་ལིའུ་ཆི་ཧྥན་གྲོས་ཚོགས་ལ་ཞུགས་ནས་གཏམ་བཤད། ཧྲིན་ཀྲང་གཞོན་པ་ཝང་ཧའེ་ཧུང་གྲོས་ཚོགས་ལ་ཞུགས།

ལིའུ་ཆི་ཧྥན་གྱིས་བསྟན་དོན། ཏང་ཀྲུང་དབྱང་དང་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་བཀོད་སྒྲིག་བླང་བྱ་ལག་བསྟར་གཏིང་ཟབ་བྱེད་པ་དང་། ཀུན་སྤྱོད་དང་བློ་གྲོས། ལུས་རྩལ་དང་མཛེས་དཔྱོད། ངལ་རྩོལ་བཅས་ཕྱོགས་ཡོངས་འཕེལ་རྒྱས་གསོ་སྐྱོང་བྱེད་པར་དམིགས་པའི་སྤྱི་ཚོགས་རིང་ལུགས་ཀྱི་འཛུགས་སྐྲུན་མཁན་དང་རྒྱུན་འཛིན་མཁན་བྱས་ཏེ། ན་གཞོན་དང་བྱིས་པ། ན་གཞོན་གདོང་ལེན་རུ་ཁག་བཅས་ཀྱི་ལས་དོན་དེ་ཏང་གི་ཆེད་དུ་མི་གསོ་སྐྱོང་བྱེད་པ་དང་། རྒྱལ་ཁབ་ཀྱི་ཆེད་དུ་འཇོན་མི་གསོ་སྐྱོང་བྱེད་པའི་སྤྱི་ཡོངས་ཁྲོད་བཞག་ནས་འཆར་འགོད་བྱེད་དགོས་ཤིང་། ཏང་དང་ཐོན། རུ་ཁག་བཅས་ཀྱིས་མི་གསོ་སྐྱོང་བྱེད་པར་སྐུལ་འདེད་གཏོང་བ་དང་སྦྲེལ་མཐུད་ཐུབ་ཅིང་དེ་དང་འདྲེས་པར་བྱས་ནས། དུས་རབས་གསར་པའི་བསྐྱོད་ལམ་གསར་པའི་སྟེང་སྐེ་དར་དམར་པོར་སྔར་ལས་བཀྲག་མདངས་རྒྱས་པར་བྱས་ཏེ། ཏང་དང་མི་དམངས་ཀྱི་ལས་དོན་མི་རབས་བར་རྒྱུན་འཛིན་དང་རྒྱུན་འཛིན་བྱེད་མཁན་ཡོད་པར་ཁག་ཐེག་བྱེད་དགོས།

ལིའུ་ཆི་ཧྥན་གྱིས་ཆབ་སྲིད་ཀྱི་སྣེ་ཁྲིད་ལ་ཤུགས་སྣོན་བྱས་ཏེ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་བསླབ་གཞིའི་ཁྲོད་དང་། སློབ་ཁྲིད་ཁྲོད་འཇོག་པ་དང་། ཡིད་ལ་འཛིན་པར་སྐུལ་འདེད་གཏོང་བ། ཆབ་སྲིད་ཀྱི་བློ་སྒོ་དང་རིན་ཐང་ལྟ་བ་འཛུགས་པ་དམ་འཛིན་བྱེད་པ། སློབ་གྲྭ་འབྲིང་ཆུང་གི་བསམ་བློ་ཆབ་སྲིད་ཀྱི་སློབ་ཁྲིད་བཅོས་སྒྱུར་དང་གསར་གཏོད་བྱེད་ཤུགས་དྲག་ཏུ་བཏང་ནས། ཁྱད་ཆོས་ལྡན་ཞིང་ཡུལ་བབ་དང་མཐུན་པ། དགའ་བསུ་ཐོབ་པའི་ལག་ལེན་བྱེད་སྒོའི་མིང་བྱང་དུ་འགྱུར་བར་བྱེད་དགོས་ཤིང་། ན་གཞོན་དང་བྱིས་པར་རྒྱལ་ཁབ་དྲིན་གྱིས་སྐྱོང་ཞིང་དམངས་ཀྱི་ལས་དོན་བསམ་པའི་འདུན་མ་ཡོད་པར་ཁྲིད་སྟོན་བྱེད་དགོས། རྩ་འཛུགས་ཀྱིས་མི་གསོ་སྐྱོང་བྱེད་ཤུགས་དྲག་ཏུ་བཏང་སྟེ། དུས་རིམ་རང་བཞིན་གྱི་སློབ་གསོ་དང་། རིམ་པ་བགར་བའི་སྐུལ་སློང་། ཕུལ་བྱུང་ཐོན་ནང་དུ་ཞུགས་པར་སྐུལ་མ་གཏོང་བའི་ལས་དོན་རིམ་བཞིན་སྤེལ་བ། ན་གཞོན་གདོང་ལེན་རུ་ཁག་གི་མཚོན་རྟགས་སུ་གྱུར་པའི་ཆབ་སྲིད་ནང་དོན་དང་དུས་ཆེན་ཁྱད་པར་བའི་སློབ་གསོའི་ནང་དོན་སྔོན་འདོན་གཏིང་ཟབ་བྱས་ཏེ། ན་གཞོན་དང་བྱིས་པའི་བཅའ་ཁྲིམས་འདུ་ཤེས་ཇེ་མཐོར་གཏོང་བ་དང་། སེམས་ཁམས་བདེ་ཐང་དང་བདེ་འཇགས་རང་སྲུང་གི་སློབ་གསོ་སྤེལ་ཏེ། ཆབ་སྲིད་རང་བཞིན་དྲག་ཅིང་། བསམ་བློ་སྔོན་ཐོན་ཡིན་པ། མཐུན་སྒྲིལ་བརྩེ་བ་ཟབ་པ། འབད་འབུངས་ཡར་བརྩོན་བཅས་ཀྱི་དུས་རབས་གསར་པའི་ན་གཞོན་གདོང་ལེན་རུ་ཁག་ཅིག་རྩ་འཛུགས་བྱེད་དགོས། ཆེད་ལས་དཔུང་ཁག་འཛུགས་སྐྲུན་བྱས་ཏེ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་སྲོག་ཤིང་ནང་དོན་དུ་བཟུང་སྟེ། དུས་ཚོད་ལྟར་ན་གཞོན་གདོང་ལེན་རུ་ཁག་གི་རོགས་ཁྲིད་པའི་སློབ་གསོའི་གསོ་སྦྱོང་བྱ་བ་སྤེལ་བ་དང་།  གསོ་སྐྱོང་དང་། དཔྱད་འཇོག  འཚར་ལོངས། སྐུལ་སློང་བཅས་ཀྱི་ལམ་ལུགས་འཐུས་ཚང་བཙུགས་ནས།  ལྷབ་ལྷུབ་གཡོ་བའི་སྐེ་དར་དམར་པོ་ན་གཞོན་གདོང་ལེན་རུ་ཁག་རོགས་ཁྲིད་པའི་དགའ་ཕྱོགས་ཤིག་དང་འཚོལ་སྙེག་བྱེད་པའི་ལས་དོན་ཞིག་ཏུ་འགྱུར་བར་བྱེད་དགོས། ས་ཁུལ་སོ་སོ་དང་སྡེ་ཁག་སོ་སོས་ན་གཞོན་གདོང་ལེན་རུ་ཁག་གི་བྱ་བ་ཉིན་རིམ་གྲོས་དོན་གལ་ཆེན་ཁྲོད་བཞག་ནས། ན་གཞོན་གདོང་ལེན་རུ་ཁག་གི་བྱ་བར་རྒྱབ་སྐྱོར་བྱེད་པའི་གནད་འགག་རང་བཞིན་གྱི་བྱེད་ཐབས་ཤིག་ཏུ་འགྱུར་བར་བྱེད་དགོས། ཆེད་དོན་སྲིད་ཇུས་དང་། ལས་བགར་ཇུས་གཞི། རྣམ་གྲངས་གལ་ཆེན་སོགས་ཀྱི་རྣམ་པ་བརྟན་པོ་ཞིག་ཆགས་པར་བྱས་ཏེ། བྱ་བ་དངོས་འབེབ་བྱ་རྒྱུ་དམ་འཛིན་ནན་མོ་བྱས་ནས། ན་གཞོན་གདོང་ལེན་རུ་ཁག་གི་བྱ་བར་འགན་སྲུང་དང་རྒྱབ་སྐྱོར་འདོན་སྤྲོད་བྱ་དགོས། ཁྱིམ་ཚང་དང་། སྤྱི་ཚོགས་རྩ་འཛུགས། སྤྱི་ཚོགས་བྱ་བ་སྒྲུབ་མཁན་སོགས་ཀྱི་བྱེད་ནུས་འདོན་སྤེལ་གང་ལེགས་བྱས་ཏེ། ཕྱོགས་སོ་སོའི་སྟོབས་ཤུགས་ན་གཞོན་གདོང་ལེན་རུ་ཁག་གི་བྱ་བའི་ཁྲོད་ཟབ་ཞུགས་བྱེད་པར་སྐུལ་འདེད་གཏོང་བ་དང་། རྒྱལ་ཁབ་སྟོབས་ལྡན་འཛུགས་སྐྲུན་དང་། མི་རིགས་བསྐྱར་དར་གྱི་ལས་འགན་གལ་ཆེན་ཁུར་ཐུབ་པའི་རྐང་འཛིན་མི་སྣ་གསོ་སྐྱོང་བྱས་ནས། ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་ཆེད་བྱས་རྗེས་ཧུར་ཐག་འཇོག་དགོས་ཞེས་ནན་གྱིས་བསྟན།

གྲོས་ཚོགས་སྟེང་ཞིང་ཆེན་ན་གཞོན་བྱ་བའི་ཨུ་ཡོན་ལྷན་ཁང་གི་ཨུ་ཡོན་ཁ་ཤས་ཀྱི་ལས་འགན་ཕྱིར་འཐེན་དང་། བརྗེ་གསབ། ཁ་སྣོན་བཅས་བྱས་ཤིང་། བརྒྱུད་རིམ་ལྟར་ཞིང་ཆེན་ན་གཞོན་བྱ་བའི་ཨུ་ཡོན་ལྷན་ཁང་འགོ་ཁྲིད་ལས་ཁུངས་ཀྱི་ཁོངས་མི་ལེགས་སྒྲིག་བྱས།