མཚོ་སྔོན་ཞིང་ཆེན་སྒྲིག་ཁྲིམས་ཞིབ་བཤེར་ལྟ་ཞིབ་ཨུ་ཡོན་ལྷན་ཁང་གིས《ཀྲུང་དབྱང་གི་རུལ་སུངས་ལ་རྒོལ་བའི་མཐུན་སྦྱོར་ཚན་ཆུང་གི2023ལོ་ནས2027ལོའི་བར་གྱི་བྱ་བའི་འཆར་འགོད》ཅེས་པར་ཆེད་དོན་སློབ་སྦྱོང་བྱས།

ཟླ12པའི་ཚེས10ཉིན། མཚོ་སྔོན་ཞིང་ཆེན་སྒྲིག་ཁྲིམས་ཞིབ་བཤེར་ལྟ་ཞིབ་ཨུ་ཡོན་ལྷན་ཁང་གིས་ཚོགས་འདུ་འཚོགས་ནས། 《ཀྲུང་དབྱང་གི་རུལ་སུངས་ལ་རྒོལ་བའི་མཐུན་སྦྱོར་ཚན་ཆུང་གི2023ལོ་ནས2027ལོའི་བར་གྱི་བྱ་བའི་འཆར་འགོད》ལ་ཆེད་དོན་སློབ་སྦྱོང་བྱས། ཞིང་ཆེན་ཏང་ཨུའི་རྒྱུན་ལས་ཨུ་ཡོན། ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ཧྲུའུ་ཅི། ཞིང་ཆེན་ལྟ་ཞིབ་ཨུ་ཡོན་ལྷན་ཁང་གི་ལས་ཚབ་ཀྲུའུ་རིན་ལིའུ་མེ་ཕིན་གྱིས་ཚོགས་འདུར་འགོ་འཛིན་བྱས་ཏེ་གཏམ་བཤད། ཞིང་ཆེན་ཏང་ཨུའི་རུལ་སུངས་ལ་རྒོལ་བའི་མཐུན་སྦྱོར་ཚན་ཆུང་གི་ཁོངས་མིའི་ལས་ཁུངས་ཀྱི་འགན་འཁུར་བློ་མཐུན་ཚོགས་འདུར་ཞུགས།

གྲོས་ཚོགས་ལས་ནན་གྱིས་བསྟན་དོན། ཞིང་ཆེན་ཡོངས་ཀྱི་རིམ་པ་སོ་སོའི་སྒྲིག་ཁྲིམས་ཞིབ་བཤེར་ལྟ་ཞིབ་ལས་ཁུངས་ཀྱིས་ངེས་པར་དུ་ཏང་ཀྲུང་དབྱང་གི་རུལ་སུངས་ལ་རྒོལ་བའི་འཐབ་རྩོད་སྐོར་གྱི་བཀོད་སྒྲིག་གལ་ཆེན་གྱི་བླང་བྱ་ལ་སྔར་ལས་སློབ་སྦྱོང་མཐར་ཕྱིན་དང་གོ་བ་ཡང་དག་ལེན་པ། ལག་བསྟར་དོན་འཁྱོལ་ཡག་པོ་བྱས་ཏེ། རུལ་སུངས་ལ་ཆད་པ་གཅོད་པའི་མཐོ་གནོན་རྣམ་པ་ཐོག་མཐའ་བར་གསུམ་དུ་རྒྱུན་འཁྱོངས་བྱས་ནས། རུལ་སུངས་སྐྱེ་འཕེལ་གྱི་ས་གཞི་དང་ཆ་རྐྱེན་མཐའ་གཅིག་ཏུ་མེད་པར་བཟོ་དགོས། རུལ་སུངས་ཀྱི་གནད་དོན་དང་འབྲེལ་བའི་ཆབ་སྲིད་ཀྱི་གནོད་འཚེ་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་ཀྱི་ཡུན་རིང་རང་བཞིན་དང་རྙོག་འཛིང་རང་བཞིན། དཀའ་ཚེགས་ཆེ་བའི་རང་བཞིན་བཅས་ལ་ངོས་འཛིན་ཟབ་མོ་བྱས་ཏེ། ལྷོད་གཡེང་གི་བསམ་པ་དང་ངལ་དུབ་ཆེ་ཞིང་འཐབ་རྩོད་ལ་ཞེན་པ་ལོག་པའི་བསམ་ཚུལ་ཅི་རིགས་མཐའ་གཅིག་ཏུ་སེལ་ནས། རུལ་སུངས་ལ་རྒོལ་བར་ཕྱིར་སྣུར་དང་ལྷོད་གཡེང་། སྙིང་རྗེ་བཅས་གཏན་ནས་བྱེད་མི་རུང་བར་ངེས་པར་དུ་ནམ་ཡང་གདོང་མཆོང་གི་དུང་བརྡ་སྒྲོག་དགོས། རུལ་སུངས་ལ་རྒོལ་བའི་འཐབ་རྩོད་ཀྱི་ཆོས་ཉིད་ཐད་ཀྱི་ངོས་འཛིན་རྒྱུན་ཆད་མེད་པར་ཇེ་ཟབ་ཏུ་གཏོང་བ་དང་། ཏང་གིས་རུལ་སུངས་ལ་རྒོལ་བའི་འཐབ་རྩོད་ལ་འགོ་ཁྲིད་བྱེད་པའི་འགན་འཁྲིའི་མ་ལག་འཐུས་ཚང་དུ་གཏོང་བ། རུལ་སུངས་ལ་རྒོལ་བའི་མཐོ་གནོན་གྱི་རྣམ་པ་ཤུགས་ཆེར་གཏོང་བ་བཅས་བྱས་ཏེ། ནང་དོན་ནན་མོ་དང་བྱེད་ཐབས་ནན་མོ། རྣམ་པ་ནན་མོ་བཅས་ཡུན་རིང་རྒྱུན་འཁྱོངས་བྱེད་དགོས། རུལ་སུངས་བྱེད་མི་ཕོད་པ་དང་རུལ་སུངས་བྱེད་མི་ཐུབ་པ། རུལ་སུངས་བྱེད་མི་འདོད་པ་བཅས་ནུས་ལྡན་ངང་རྒྱུན་མཐུད་པར་བྱས་ཏེ། གོ་རིམ་ལྡན་པའི་ངང་བཅོས་སྐྱོང་བྱེད་རྒྱུ་དང་རྩ་ལག་མཉམ་བཅོས་ཀྱི་འདུ་ཤེས་ལ་བརྟེན་ནས་སྤྱོད་ཚུལ་ལེགས་བཅོས་དང་སྒྲིག་ལམ་ནན་གཏོང་བྱས་ཏེ་རུལ་སུངས་ལ་རྒོལ་དགོས་པ་དང་། རུལ་སུངས་ལ་རྒོལ་རྒྱུ་སྔར་ལས་ཚད་ལྡན་ཅན་དང་ཁྲིམས་སྐྱོང་ཅན། ཚད་ལྡན་ཅན་བཅས་སུ་འཕེལ་བར་སྐུལ་འདེད་བཏང་ནས། རུལ་སུངས་ལ་རྒོལ་བའི་འཐབ་རྩོད་དེ་ཐོག་མཐའ་བར་གསུམ་དུ་ཁྲིམས་སྐྱོང་གི་བགྲོད་ལམ་སྟེང་འཁོར་སྐྱོད་ཐུབ་པར་འགན་ལེན་བྱེད་དགོས། རུལ་རྒོལ་ལས་དོན་གྱི་མཉམ་ཤུགས་རྒྱུན་ཆད་མེད་པར་ཆེ་རུ་གཏོང་བ་དང་། ཞིང་ཆེན་ཏང་ཨུའི་གཅིག་སྡུད་དང་གཅིག་གྱུར་གྱི་འགོ་ཁྲིད་འོག་ཏུ། ཞིང་ཆེན་ཏང་ཨུའི་རུལ་སུངས་ལ་རྒོལ་བའི་མཐུན་སྦྱོར་ཚན་ཆུང་གི་ཁོངས་གཏོགས་ལས་ཁུངས་ཀྱིས་རང་འགན་རང་སྒྲུབ་དང་ཕན་ཚུན་གཞོགས་འདེགས་བྱས་ཏེ། ཏང་ཀྲུང་དབྱང་དང་ཞིང་ཆེན་ཏང་ཨུའི་རུལ་སུངས་ལ་རྒོལ་བའི་འཐབ་རྩོད་སྐོར་གྱི་ཇུས་ཆོད་བཀོད་སྒྲིག་གལ་ཆེན་ཐོག་མཐའ་བར་གསུམ་དུ་རྒྱུན་འཁྱོངས་བྱེད་དགོས།