ཀྲུའུ་ཞི་ཞི་ཅིན་ཕིང་གིས་ཨའོ་མོན་དམིགས་བསལ་སྲིད་འཛིན་ཁུལ་གྱི་ལས་སྒུག་སྲིད་འཛིན་དཔོན་ཚུན་ཧའོ་ཧོས་ལ་མཇལ་འཕྲད་གནང་སྐབས་ཀྱི་གསུང་བཤད་གལ་ཆེན་ལ་ཨའོ་མོན་གྱི་སྤྱི་ཚོགས་ལས་རིགས་ཁག་ཏུ་ཚུར་སྣང་དྲག་པོ་བྱུང་།
ཚེས1ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་གསར་དུ་བདམས་ཐོན་བྱུང་བ་དང་ཀྲུང་དབྱང་སྲིད་གཞུང་གིས་བསྐོ་འཇོག་བྱས་པའི་ཨའོ་མོན་དམིགས་བསལ་སྲིད་འཛིན་ཁུལ་གྱི་སྐབས་དྲུག་པའི་སྲིད་འཛིན་དཔོན་ཚུན་ཧའོ་ཧོས་ལ་མཇལ་འཕྲད་གནང་བ་མ་ཟད་གསུང་བཤད་གལ་ཆེན་གནང་པར་ཨའོ་མོན་དུ་ཚུར་སྣང་དྲག་པོ་བྱུང་། ཨའོ་མོན་གྱི་ལས་རིགས་སོ་སོའི་མི་སྣས་རྡོག་རྩ་གཅིག་སྒྲིལ་གྱིས་ཨའོ་མོན་གྱི་ཁྱད་ཆོས་ལྡན་པའི“རྒྱལ་ཁབ་གཅིག་ལ་ལམ་ལུགས་གཉིས”ཀྱི་ལག་ལེན་གྱི་རྣམ་པ་གསར་པ་རྒྱུན་ཆད་མེད་པར་བཏོད་དེ། སྟོབས་ལྡན་རྒྱལ་ཁབ་འཛུགས་སྐྲུན་དང་མི་རིགས་བསྐྱར་དར་གྱི་ཆེད་དུ་བྱས་རྗེས་སྔར་ལས་ཆེ་བ་འཇོག་རྒྱུ་ཡིན་ཟེར།
རྒྱལ་ཁབ་ཀྱི་གནས་ཚུལ་སློབ་གསོའི་མཐུན་ཚོགས་ཀྱི་ཚོགས་གཙོ་ཝང་ཧའེ་ཐའོ་ཡིས་བཤད་རྒྱུར། ཀྲུའུ་ཞི་ཞི་ཅིན་ཕིང་གི་གསུང་བཤད་ཁྲོད་ཀྲུང་དབྱང་གིས་བློ་བརྟན་འགྱུར་མེད་སྒོས“རྒྱལ་ཁབ་གཅིག་ལ་ལམ་ལུགས་གཉིས”དང“ཨའོ་མོན་པས་ཨའོ་མོན་སྐྱོང་བར”ཕྱོགས་ཡོངས་དང་ཡང་དག་པའི་སྒོ་ནས་རང་སྐྱོང་བྱེད་ཐབས་ལ་གདེང་འཇོག་ཚད་མཐོན་པོ་བྱས་ཏེ། རྣམ་པ་མི་འགྱུར་བར་བྱེད་དགོས་ཞེས་པར་ང་ཚོར་སྐུལ་ལྕག་ཆེན་པོ་ཐེབས། ཨའོ་མོན་ཕྱིར་རང་རྒྱལ་གྱི་པང་དུ་ལོག་པ་ནས་བཟུང་། གྲོང་མི་རྣམས་ཀྱིས“རྒྱལ་ཁབ་གཅིག་ལ་ལམ་ལུགས་གཉིས”ཀྱི་ལམ་ལུགས་ཀྱི་ཁྱད་སྟོབས་དངོས་གནས་ཚོར་ཐུབ་པ་བྱུང་བ་དེ་ནི་ ཨའོ་མོན་བརྟན་བརླིང་དར་རྒྱས་འགྲོ་བའི་ཕྱོགས་སྟོན་འཁོར་ལོ་ལྟ་བུ་རེད། མགོ་རྩོམ་ས་གསར་པར་འགྲེང་དེ་ང་ཚོས་མུ་མཐུད་དུ་ཨའོ་མོན་གྱི་གཞོན་ནུ་ལོ་ཆུང་གི་རྒྱལ་ཁབ་ཀྱི་གནས་ཚུལ་སློབ་གསོ་གཏིང་ཟབ་ཏུ་བཏང་ནས། རྒྱལ་ཁབ་ལ་དགའ་བ་དང་ཨའོ་མོན་ལ་དགའ་བའི་མི་སྔར་ལས་མང་པོས་རྒྱལ་ཁབ་ལ་བརྩེ་སེམས་བཅངས་བ་དང“རྒྱལ་ཁབ་གཅིག་ལ་ལམ་ལུགས་གཉིས”ཀྱི་རླབས་ཆེའི་ལས་དོན་རྒྱུད་འཛིན་བྱེད་དུ་འཇུག་རྒྱུ་ཡིན་ཟེར།
ཨའོ་མོན་གྱི་ལས་རིགས་སོ་སོའི་མི་སྣས་བསྟན་དོན། སྐབས་གསར་པའི་སྲིད་འཛིན་དཔོན་གྱིས་དམིགས་བསལ་སྲིད་འཛིན་ཁུལ་གྱི་སྲིད་གཞུང་དང་ཨའོ་མོན་སྤྱི་ཚོགས་ལས་རིགས་སོ་སོར་མཐུན་སྒྲིལ་དང་སྣེ་ཁྲིད་བྱས་ཏེ། ཀྲུའུ་ཞི་ཞི་ཅིན་ཕིང་གི་ཐུགས་རེ་ནན་མོ་གཏོང་ཟད་དུ་མི་གཏོང་བར། ཨའོ་མོན་གྱི་དུས་མཚམས་གསར་པར་འཕེལ་རྒྱས་གསར་པ་ལེན་རྒྱུར་སྐུལ་འདེད་བཏང་ནས། ཨའོ་མོན་གྱི“རྒྱལ་ཁབ་གཅིག་ལ་ལམ་ལུགས་གཉིས”ཀྱི་ལག་ལེན་ལེགས་འགྲུབ་ངང་ཡུན་རིང་ལག་བསྟར་ཐུབ་ངེས་ཡིན་པའི་ཡིད་ཆེས་ཡོད་ཟེར།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注