ཟླ11པའི་ཚེས2ཉིན། ཀྲུང་གོ་རྒྱལ་སྤྱིའི་ཤེས་ལྡན་མི་སྣའི་བརྗེ་རེས་ཚོགས་ཆེན་སྐབས22པ་ཧྲང་ཧའེ་རུ་བསྡུས་པ་དང་། རྒྱལ་སྲིད་ཨུ་ཡོན་ཧྲིན་དབྱི་ཆིན་འགོ་རྩོམ་མཛད་སྒོར་ཕེབས་པར་མ་ཟད་གཏམ་བཤད། ཁོ་མོས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་བཀོད་སྒྲིག་ལག་བསྟར་དོན་འཁྱོལ་བྱེད་པ། སྔར་ལས་དགེ་མཚན་ལྡན་པ་དང་སྔར་ལས་སྒོ་འབྱེད། སྔར་ལས་ཕན་ནུས་ལྡན་པ་བཅས་ཀྱི་ཤེས་ལྡན་མི་སྣའི་སྲིད་ཇུས་ལག་བསྟར་བྱེད་པ། རྒྱལ་སྤྱིའི་ཤེས་ལྡན་མི་སྣའི་བརྗེ་རེས་ལ་ཤུགས་སྣོན་པ་བཅས་བྱས་ནས། ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་ཆེད་ཤེས་ལྡན་མི་སྣའི་རིག་སྟོབས་ཀྱི་འདེགས་སྐྱོར་འདོན་སྤྲོད་བྱེད་དགོས།
ཧྲིན་དབྱི་ཆིན་གྱིས་བསྟན་དོན། ཀྲུང་གོའི་ལུགས་ཀྱི་དེང་རབས་ཅན་གྱིས་འཛམ་གླིང་འཕེལ་རྒྱས་ལ་གོ་སྐབས་སྔར་ལས་མང་པོ་བསྐྲུན་པ་མ་ཟད། རིགས་སོ་སོའི་ཤེས་ལྡན་མི་སྣས་འཇོན་ཐང་འདོན་རྒྱུར་གར་སྟེགས་སྔར་ལས་ཆེ་བ་འདོན་སྤྲོད་བྱ་ཐུབ་རྒྱུ་རེད། ཀྲུང་གོས་ཕྱི་རྒྱལ་ནས་ཤེས་ལྡན་མི་སྣ་ནང་འདྲེན་བྱེད་པར་རྒྱབ་སྐྱོར་དང་འགན་སྲུང་བྱེད་པའི་ལམ་སྲོལ་མུ་མཐུད་འཐུས་ཚང་དུ་བཏང་སྟེ། ཕྱི་རྒྱལ་གྱི་ཆེད་མཁས་པ་དང་རིགས་སོ་སོའིཤེས་ལྡན་མི་སྣས་ཀྲུང་གོ་རུ་བྱ་བ་སྒྲུབ་པ་དང་འཚོ་བ་རོལ་བར་སྔར་ལས་ལེགས་པའི་ཞབས་ཞུ་འདོན་སྤྲོད་བྱ་རྒྱུ་དང་། འཛམ་གླིང་ས་གནས་སོ་སོའི་ཤེས་ལྡན་མི་སྣ་ཀྲུང་གོར་ཡོང་ནས་འཕེལ་རྒྱས་གཏོང་བ་དང་། ཀྲུང་གོའི་ལུགས་ཀྱི་དེང་རབས་ཅན་གྱི་འཛུགས་སྐྲུན་ནང་ཞུགས་རྒྱུར་སྤྲོ་སེམས་འཁོལ་བའི་དགའ་བསུ་ཞུ། ཀྲུང་གོས་ཕྱོགས་སོ་སོ་དང་མཉམ་དུ་ཤེས་ལྡན་མི་སྣའི་བརྗེ་རེས་ཀྱི་རྒྱ་ཆེ་ཚད་དང་གཏིང་ཟབ་ཚད་སྔར་ལས་རྒྱ་ཆེར་བཏང་སྟེ། རྒྱལ་སྤྱིའི་ཤེས་ལྡན་མི་སྣའི་རིག་སྟོབས་ཐོན་ཁུངས་ཀྱི་ཁྱད་སྟོབས་གསབ་རེས་དང་མཉམ་ལས་གཉིས་ཕན་ཡོང་བ་བྱེད་འདོད་ཡོད།
ཧྲིན་དབྱི་ཆིན་ད་དུང་ཕྱི་རྒྱལ་དུ་སློབ་སྦྱོང་བྱེད་མཁན་ཚོའི་ལས་སྐྲུན་གླིང་དང་། ལས་སྐྲུན་སྐྱེད་སྲིང་ཁེ་ལས། རྩལ་ནུས་གསོ་སྦྱོང་ལྟེ་གནས། གཞི་རིམ་ལས་ཞུགས་ཞབས་ཞུའི་ལས་སྟེགས་བཅས་སུ་བསྐྱོད་དེ་ཤེས་ལྡན་མི་སྣ་ནང་འདྲེན་དང་། རྩལ་ནུས་ཤེས་ལྡན་མི་སྣ་གསོ་སྐྱོང་། ལས་ཞུགས་ལས་སྐྲུན་སོགས་ཀྱི་བྱ་བར་རྟོག་ཞིབ་བྱས། ཁོ་མོས་ནན་གྱིས་བསྟན་དོན། སྤུས་ཚད་མཐོ་བའི་འཕེལ་རྒྱས་ཀྱི་དགོས་མཁོར་དམིགས་ཏེ་ཤེས་ལྡན་མི་སྣ་དང་རིག་སྟོབས་ནང་འདྲེན་བྱེད་ཤུགས་ཆེ་རུ་བཏང་ནས། རིགས་སོ་སོའི་ཤེས་ལྡན་མི་སྣས་ཀྲུང་གོ་རུ་རང་གི་འཇོན་ཐང་ངོམ་རྒྱུར་རྒྱབ་སྐྱོར་བྱེད་དགོས། གསོ་སྦྱོང་གི་ཐོན་ཁུངས་སྣ་ཚོགས་སྤྱི་འདོམས་བེད་སྤྱོད་ཡག་པོ་བྱེད་པ་དང་གནད་ལ་འཁེལ་བའི་རྩལ་ནུས་གསོ་སྦྱོང་བྱས་ཏེ། ངལ་རྩོལ་པས་རྩལ་ནུས་ལ་བརྟེན་ནས་ལས་ཞུགས་དང་ཡོང་འབབ་སྔར་ལས་འཕར་སྣོན་ལེགས་པོ་ཡོང་རྒྱུར་སྐུལ་འདེད་གཏོང་དགོས། ལས་ཞུགས་བརྟན་པོའི་སྲིད་ཇུས་དོན་འཁྱོལ་ལ་རྒྱུན་མཐུད་ངང་སྐུལ་འདེད་གཏོང་བ་དང་། ལས་ཞུགས་ཀྱི་སྤྱི་པའི་ཞབས་ཞུའི་སྤྱོད་འཐུས་རང་བཞིན་དང་ཆ་སྙོམས་ཅན་གྱི་ཆུ་ཚད་མཐོ་རུ་གཏོང་བ། ལས་སྐྲུན་ལ་བརྟེན་ནས་ལས་ཞུགས་ལ་སྐུལ་ཁྲིད་བྱ་རྒྱུར་སྐུལ་མ་གཏོང་བ། མཐོ་སློབ་ཀྱི་མཐར་ཕྱིན་སློབ་མ་སོགས་གཙོ་གནད་ཚོགས་སྤྱིའི་ལས་ཞུགས་བྱ་བ་ཏན་ཏིག་ངང་ཡག་པོ་སྒྲུབ་པ་བཅས་བྱས་ནས། ཧུར་ཐག་གིས་ལོ་ཧྲིལ་པོའི་ལས་ཞུགས་དམིགས་འབེན་མངོན་འགྱུར་ཡོང་བ་བྱེད་དགོས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注