པདྨ་རྫོང་དམངས་སྲིད་ཅུས་ཀྱིས་དཀའ་ངལ་མང་ཚོགས་ལ་འཚམས་འདྲི་བྱས།

མགོ་ལོག་བོད་རིགས་རང་སྐྱོང་ཁུལ་པདྨ་རྫོང་གི་དཀའ་ངལ་ཆེ་བའི་མང་ཚོགས་ཀྱི་ཁ་ཚ་དགོས་གཏུག་རང་བཞིན་དང་གནས་སྐབས་རང་བཞིན་གྱི་འཚོ་བའི་དཀའ་ངལ་ཐག་གཅོད་ནུས་ལྡན་དང་། དཀའ་ངལ་ཆེ་བའི་མང་ཚོགས་རོགས་སྐྱོབ་བྱ་བ་ཏན་ཏིག་གིས་ལེགས་པར་བསྒྲུབས་ཏེ།  སླེབས་ལ་ཉེ་བའི2025ལོའི་སྤྱི་ལུགས་ལོ་གསར་དང་དཔྱིད་གསར་དུས་ཆེན་ལ་བསུ་བ་བྱ་ཆེད།  ཟླ12པའི་ཚེས23ཉིན། པདྨ་རྫོང་དམངས་སྲིད་ཅུས་ངྷི་མདའ་ཞང་ཡོ་སྟག་སྡེ་བར་ཕྱིན་ཏེ་དཀའ་ངལ་ཆེ་བའི་མང་ཚོགས་ལ་འཚམས་འདྲི་བྱེད་པའི་བྱ་འགུལ་སྤེལ།

ཐེངས་འདིའི་འཚམས་བྱ་འགུལ་ཁྲོད། དམངས་སྲིད་ཅུས་ཀྱི་ལས་བྱེད་པས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པར་དམ་པོར་དམིགས་ཏེ། ཁ་གསལ་གོ་བདེའི་སྐད་ཆ་དང་འབྲོག་པ་མང་ཚོགས་ཀྱིས་དང་ལེན་བྱེད་སླ་བའི་བྱེད་ཐབས་སྤྱད་དེ། རྒྱ་ཆེའི་འབྲོག་པ་མང་ཚོགས་ལ་གྲོང་ཁྱེར་དང་གྲོང་གསེབ་ཀྱི་འཚོ་བའི་འགན་ལེན་དང་། གནས་སྐབས་རོགས་སྐྱོར། དམིགས་བསལ་དབུལ་ཕོངས་འཚོ་སྐྱོང་ངོས་འཛིན་བྱེད་པ། བྱིས་པའི་ཕན་བདེ། རྒན་གསོའི་ཞབས་ཞུ། སྐྱེ་ཁམས་དུར་སྦས། གཉེན་སྒྲིག་སྲིད་ཇུས་སོགས་འབྲོག་པ་མང་ཚོགས་ཀྱི་ཁེ་ཕན་དང་འབྲེལ་བ་དམ་ཟབ་ཡོད་པའི་ཏང་གི་དམངས་ཁེ་དམངས་ཕན་སྲིད་ཇུས་གསལ་བཤད་བྱས། དེའི་རྗེས་སུ། དམངས་སྲིད་ཅུས་ཀྱི་ལས་བྱེད་པས་དཀའ་ངལ་ཡོད་པའི་མང་ཚོགས33ལ་བལ་ཕྱར་སྦྱིན།

ཐེངས་འདིའི་འཚམས་འདྲིའི་བྱ་འགུལ་ནང་པདྨ་རྫོང་དམངས་སྲིད་ཅུས་ཀྱིས་བྱ་སྤྱོད་ལ་བརྟེན་ནས་མང་ཚོགས་དང་བར་ཐག་ཇེ་ཉེར་བཏང་སྟེ། དཀའ་ངལ་ཡོད་པའི་མང་ཚོགས་ལ་བརྩེ་བ་དྲོན་མོ་ཚོར་དུ་བཅུག་པ་དང་། རྗེས་མར། པདྨ་རྫོང་དམངས་སྲིད་ཅུས་ཀྱིས་དམངས་ལ་དོན་དངོས་བསྒྲུབ་རྒྱུ་མུ་མཐུད་དུ་ལག་བསྟར་བྱས་ནས། དམིགས་བསལ་གྱི་དཀའ་ངལ་ཡོད་པའི་ཚོགས་སྤྱིར་སེམས་ཁུར་དང་གཅེས་སྐྱོང་གི་བྱ་བ་ཡག་པོ་བསྒྲུབས་ཏེ། དཀའ་ངལ་ཡོད་པའི་མང་ཚོགས་ཀྱི་གཞི་རྩའི་འཚོ་བའི་ཚད་མཐའ་བརྟན་པོ་དང་། ཡང་དག་པ། འགན་ལེན་ཡག་པོ་བཅས་བྱས་ནས།  མང་ཚོགས་ལ་ཐོབ་ཚོར་སྔར་ལས་འདང་ངེས་དང་། བདེ་སྐྱིད་ཀྱི་ཚོར་བ་སྔར་ལས་ཆེ་བ། བདེ་འཇགས་ཀྱི་ཚོར་བ་སྔར་ལས་མང་བ་བཅས་ཡོང་བ་བྱ་རྒྱུ་རེད། །