ཞི་ཅིན་ཕིང་གིས་ཁམ་ཕུ་ཁྲེའི་རྒྱལ་པོ་ཞིས་ཧ་མོ་ཉི་ཁྲིར་བཞུགས་ནས་ལོ20འཁོར་བར་རྟེན་འབྲེལ་ཞུ་བའི་གློག་འཕྲིན་བཏང་།

ཟླ10པའི་ཚེས29ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཁམ་ཕུ་ཁྲེའི་རྒྱལ་པོ་ཞིས་ཧ་མོ་ཉི་ཁྲིར་བཞུགས་ནས་ལོ20འཁོར་བར་རྟེན་འབྲེལ་ཞུ་བའི་གློག་འཕྲིན་བཏང་།

ཞི་ཅིན་ཕིང་གིས་བསྟན་དོན། རྒྱལ་པོ་ཞིས་ཧ་མོ་ཉི་ཁྲིར་བཀོད་པ་ནས་བཟུང་། ཁམ་ཕུ་ཁྲེའི་ཞི་བདེ་བརྟན་བརླིང་དང་།    འཕེལ་རྒྱས་དར་སྤེལ།    རྒྱལ་སྤྱིའི་འགྲོ་འོང་བཅས་ཀྱི་ཐད་བྱས་རྗེས་གལ་ཆེན་བཞག་ཡོད་པ་དང་། ཀྲུང་གོ་དང་ཁམ་ཕུ་ཁྲེ་རྒྱལ་ཁབ་གཉིས་ཀྱི་སྲོལ་རྒྱུན་མཛའ་བརྩེ་དར་སྤེལ་གཏོང་རྒྱུར་ཡུན་རིང་འབད་བརྩོན་བྱས་ཡོད།     ང་ཚོའི་ཐུན་མོང་གི་སྣེ་ཁྲིད་འོག  ཀྲུང་གོ་དང་ཁམ་ཕུ་ཁྲེའི་ལས་སྐལ་གཅིག་མཐུན་ཚོགས་པ་དེ་སྤུས་ཚད་མཐོ་བ་དང་།    ཆུ་ཚད་མཐོ་བ།    ཚད་གཞི་མཐོ་བའི་དུས་རབས་གསར་པར་སླེབས་ནས། ཕྱོགས་མང་མཉམ་ལས་སྒྲོམ་གཞི་རྒྱུན་ཆད་མེད་པར་གཏིང་ཟབ་དང་འཕེལ་རྒྱས་བྱུང་བ་དང་།    “བཟོ་ལས་འཕེལ་རྒྱས་བར་ཁྱམས”དང“ཉ་དང་འབྲས་ཀྱི་བར་ཁྱམས”འཛུགས་སྐྲུན་ལ་འཕེལ་རྒྱས་ཆེན་པོ་བྱུང་ལ།    “ཀྲུང་གོ་དང་ཁམ་ཕུ་ཁྲེའི་མི་གཞུང་རིག་གནས་བརྗེ་རེས་ལོའི”བྱ་བ་ཡག་པོ་སྤེལ་ནས། རྒྱལ་ཁབ་གཉིས་ཀྱི་མི་དམངས་ལ་ཕན་འབྲས་དངོས་ཐོབ་ཏུ་འཇུག་དགོས།

ཞི་ཅིན་ཕིང་གིས་བསྟན་དོན། ཀྲུང་གོ་དང་ཁམ་ཕུ་ཁྲེ་ནི་སྐྱིད་སྡུག་མཉམ་མྱོང་དང་སོ་སྲུང་རོགས་རེས་བྱེད་མཁན་གྱི་བློས་ཐུབ་གྲོགས་པོ་ཡིན།     ངས་ཀྲུང་གོ་དང་ཁམ་ཕུ་ཁྲེའི་བར་གྱི་འབྲེལ་བ་འཕེལ་རྒྱས་འགྲོ་རྒྱུར་གདེང་འཇོག་ཚད་མཐོན་པོ་བྱེད་ཀྱིན་ཡོད་ལ། ཁམ་ཕུ་ཁྲེའི་རྒྱལ་རྒྱུད་བར་གྱི་སྲོལ་རྒྱུན་མཛའ་བརྩེའི་འབྲེལ་བར་ཧ་ཅང་མཐོང་ཆེན་བྱེད་ཀྱིན་ཡོད།    རྒྱལ་པོ་ཞིས་ཧ་མུའུ་ཉི་དང་མཉམ་དུ་འབད་བརྩོན་བྱས་ནས་རྒྱལ་ཁབ་གཉིས་ཀྱི་འབྲེལ་བའི་འཐབ་ཇུས་སྣེ་ཁྲིད་ལ་ཤུགས་བསྣན་ཏེ། ཀྲུང་གོ་དང་ཁམ་ཕུ་ཁྲེའི་ལས་སྐལ་གཅིག་མཐུན་ཚོགས་པའི་འཛུགས་སྐྲུན་ལ་སྐུལ་འདེད་བཏང་ནས་གྲུབ་འབྲས་གཡུར་དུ་ཟ་བ་ལེན་འདོད་ཡོད།