ཞི་ཅིན་ཕིང་གིས་ཀི་ནེ་ཡའི་ཙུང་ཐུང་ཏུན་པུའུ་ཡ་དང་ཐུག་འཕྲད་གནང་བ།

ཞི་ཅིན་ཕིང་གིས་ཀི་ནེ་ཡའི་ཙུང་ཐུང་ཏུན་པུའུ་ཡ་དང་ཐུག་འཕྲད་གནང་བ།

ཟླ9པའི་ཚེས2ཉིན་གྱི་དགོང་མོར།　རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་པེ་ཅིན་མི་དམངས་ཚོགས་ཁང་ཆེན་མོ་རུ་ཀྲུང་གོ་དང་ཨ་ཧྥེ་རི་ཁའི་མཉམ་ལས་གླེང་སྟེགས་ཀྱི་པེ་ཅིན་རྩེ་གྲ་ཚོགས་འདུར་ཞུགས་པར་ཕེབས་པའི་ཀི་ནེ་ཡའི་ཙུང་ཐུང་ཏུན་པུའུ་ཡ་དང་ཐུག་འཕྲད་གནང་།　

 པར་འདི་ནི་ཟླ9པའི་ཚེས2ཉིན་གྱི་དགོང་མོར་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་པེ་ཅིན་མི་དམངས་ཚོགས་ཁང་ཆེན་མོ་རུ་ཀྲུང་གོ་དང་ཨ་ཧྥེ་རི་ཁའི་མཉམ་ལས་གླེང་སྟེགས་ཀྱི་པེ་ཅིན་རྩེ་གྲ་ཚོགས་འདུར་ཞུགས་པར་ཕེབས་པའི་ཀི་ནེ་ཡའི་ཙུང་ཐུང་ཏུན་པུའུ་ཡ་དང་ཐུག་འཕྲད་གནང་བཞིན་པའི་ཚུལ་རེད།

ཞི་ཅིན་ཕིང་གིས་བསྟན་དོན།　ཀི་ནེ་ཡ་ནི་ཀྲུང་གོ་གསར་པས་ས་ཧ་ལའི་ལྷོ་རྒྱུད་ཀྱི་ཨ་ཧྥེ་རི་ཁར་ཕྱི་འབྲེལ་གྱི་འབྲེལ་བ་བཙུགས་པའི་རྒྱལ་ཁབ་དང་པོ་ཡིན་པ་དང་།　ཟླ་བ་རྗེས་མར་རྒྱལ་ཁབ་གཉིས་པོའི་དབར་ཕྱི་འབྲེལ་གྱི་འབྲེལ་བ་བཙུགས་ནས་ལོ་ངོ65འཁོར་བའི་དུས་བཟང་བསུ་རྒྱུ་ཡིན།　ལོ་ངོ65རིང་ཕྱོགས་གཉིས་པོས་ཕན་ཚུན་བརྩི་འཇོག་མཐའ་འཁྱོངས་བྱས་ནས།　ཕར་ཕྱོགས་རང་བཙན་རང་བདག་གི་ལམ་བུར་བསྐྱོད་པར་རྒྱབ་སྐྱོར་བྱས་ཡོད།　འདྲ་མཉམ་གཉིས་ཕན་མཐའ་འཁྱོངས་བྱས་ཏེ་ཆབ་སྲིད་ཀྱི་ཆ་རྐྱེན་ཟུར་སྣོན་མི་བྱེད་པའི་དངོས་སྒྲུབ་མཉམ་ལས་སྤེལ་བ་དང་།　ཕན་ཚུན་རོགས་རམ་མཐའ་འཁྱོངས་བྱས་ནས་ཕ་རོལ་པོར་དཀའ་ངལ་འཕྲད་སྐབས་ཕན་ཚུན་རྒྱབ་སྐྱོར་བྱས་ཡོད།　ཀྲུང་གོའི་ཕྱོགས་ཀྱིས་ཀི་ནེ་ཡ་ཕྱོགས་དང་མཉམ་དུ་ཀྲུང་གོ་དང་ཀི་ནེ་ཡའི་སྲོལ་རྒྱུན་མཛའ་གྲོགས་སྐྱེད་སྲིང་དང་དར་སྤེལ་ཡག་པོ་བཏང་ནས།　ཕན་ཚུན་གྱི་ལྟེ་བའི་ཁེ་ཕན་དང་དོ་ཁུར་བྱེད་པའི་གནད་དོན་གལ་ཆེན་དང་འབྲེལ་བ་ཡོད་པའི་ཐད་མུ་མཐུད་དུ་ཕན་ཚུན་རྒྱབ་སྐྱོར་བརྟན་པོ་བྱེད་འདོད་ཡོད།　ཐེངས་འདིའི་རྩེ་གྲ་ཚོགས་འདུའི་ཐོག་འདོན་ཉེར་ཡོད་པའི་བྱེད་ཐབས་གལ་ཆེན་ཐུན་མོང་ཐོག་དོན་འཁྱོལ་ཡག་པོ་བྱས་ཏེ་རྨང་གཞིའི་སྒྲིག་བཀོད་དང་།ཐོན་ཁུངས་གསར་སྤེལ།གྲོང་གསེབ་འཕེལ་རྒྱས།དབུལ་པོ་ཉུང་འཕྲི།སྨན་བཅོས་འཕྲོད་བསྟེན་སོགས་ཁྱབ་ཁོངས་ཀྱི་མཉམ་ལས་ལ་ཤུགས་བསྣན་ནས།　ཀི་ནེ་ཡའི་ཐོན་ཁུངས་ཀྱི་ལེགས་ཆ་དེ་འཕེལ་རྒྱས་ཀྱི་སྒུལ་ནུས་སུ་བསྒྱུར་བར་རོགས་རམ་བྱས་ཏེ།　ཀྲུང་གོ་དང་ཀི་ནེ་ཡའི་ཕྱོགས་ཡོངས་ཀྱི་འཐབ་ཇུས་མཉམ་ལས་དང་རོགས་ཟླའི་འབྲེལ་བས་རྒྱལ་ཁབ་གཉིས་པོའི་མི་དམངས་ལ་ཕན་ཁེ་བསྐྲུན་རྒྱུ་ཡིན།　

 པར་འདི་ནི་ཟླ9པའི་ཚེས2ཉིན་གྱི་དགོང་མོར་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་པེ་ཅིན་མི་དམངས་ཚོགས་ཁང་ཆེན་མོ་རུ་ཀྲུང་གོ་དང་ཨ་ཧྥེ་རི་ཁའི་མཉམ་ལས་གླེང་སྟེགས་ཀྱི་པེ་ཅིན་རྩེ་གྲ་ཚོགས་འདུར་ཞུགས་པར་ཕེབས་པའི་ཀི་ནེ་ཡའི་ཙུང་ཐུང་ཏུན་པུའུ་ཡ་དང་མཇལ་འཕྲད་གནང་བཞིན་པའི་ཚུལ་རེད།

ཞི་ཅིན་ཕིང་གིས་ནན་གྱིས་བསྟན་དོན།　ཨ་ཧྥེ་རི་ཁ་སོགས་འཕེལ་རྒྱས་འགྲོ་བཞིན་པའི་རྒྱལ་ཁབ་དང་མཐུན་སྒྲིལ་མཉམ་ལས་བྱེད་ཤུགས་ཆེ་རུ་གཏོང་རྒྱུ་ནི་ཀྲུང་གོའི་ཕྱི་འབྲེལ་གྱི་རྨང་རྡོ་ལྟ་བུ་ཡིན།　ཀྲུང་གོ་དང་ཨ་ཧྥེ་རི་ཁའི་མཉམ་ལས་གླེང་སྟེགས་ནི་ཀྲུང་གོ་དང་ཨ་ཧྥེ་རི་ཁའི་དངོས་སྒྲུབ་མཉམ་ལས་ལ་སྐུལ་འདེད་གཏོང་བའི་ལམ་སྲོལ་ནུས་ལྡན་ཞིག་ཡིན་པ་མ་ཟད།ལྷོ་ལྷོ་མཉམ་ལས་ཀྱི་དར་ཆ་ཞིག་ཡིན།　ཀྲུང་གོའི་ཕྱོགས་ཀྱིས་ཀི་ནེ་ཡ་ཕྱོགས་དང་མཉམ་ལས་དམ་ཟབ་བྱས་ནས་ཐེངས་འདིའི་རྩེ་ཚོགས་བདེ་བླག་ངང་སྤེལ་བར་སྐུལ་འདེད་གཏོང་བ་དང་།གོ་ལ་ཧྲིལ་པོའི་ལྷོ་ཕྱོགས་ཀྱི་སྟོབས་ཤུགས་གཅིག་ཏུ་སྒྲིལ་ནས་མིའི་རིགས་ཀྱི་ལས་དབང་གཅིག་མཐུན་ཚོགས་པ་བསྐྲུན་པར་སྐུལ་འདེད་གཏོང་འདོད་ཡོད།

ཏུན་པུའུ་ཡས་བསྟན་དོན།　ཀྲུང་གོ་དང་ཨ་ཧྥེ་རི་ཁའི་མཉམ་ལས་གླེང་སྟེགས་ཀྱི་པེ་ཅིན་རྩེ་གྲ་ཚོགས་འདུར་ཞུགས་ཐུབ་པར་ཧ་ཅང་དགའ་སྤྲོ་སྐྱེས་ཡོད།　ཀི་ནེ་ཡ་ནི་ས་ཧ་ལའི་ལྷོ་རྒྱུད་ཀྱི་ཨ་ཧྥེ་རི་ཁའི་ཀྲུང་གོ་གསར་པ་དང་ཕྱི་འབྲེལ་གྱི་འབྲེལ་བ་བཙུགས་པའི་རྒྱལ་ཁབ་དང་པོ་དེ་ཡིན་པ་དང་།　ཀི་ནེ་ཡ་ཡིས་ཀྲུང་གོ་གཅིག་གི་སྲིད་ཇུས་ལག་བསྟར་མཐའ་འཁྱོངས་བྱས་ནས་འཛམ་གླིང་ཐོག་ཀྲུང་གོ་གཅིག་ལས་མེད་པ་སྟེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཁས་ལེན་བྱས་ཡོད།　ཀྲུའུ་ཞི་ཞི་ཅིན་ཕིང་གིས་ཀྲུང་གོར་མགོ་ཁྲིད་གནང་བར་འཕེལ་རྒྱས་ཀྱི་གྲུབ་འབྲས་ཧ་ཅང་ཆེན་པོ་ཐོབ་ཡོད།ཀྲུང་གོའི་འཕེལ་རྒྱས་ཀྱི་སྔོན་ཐོན་འདུ་ཤེས་དང་གྲུབ་འབྲས་ཐོབ་པའི་ཉམས་མྱོང་ནི་ཀི་ནེ་ཡའི་ངོས་ནས་བརྗོད་ན་དཔྱད་གཞི་རྩ་ཆེན་ཞིག་རེད།　ཀྲུང་གོས་ཀི་ནེ་ཡའི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་རྒྱབ་སྐྱོར་མི་དམན་པ་གནང་བར་ཐུགས་རྗེ་ཆེ་ཞུ་རྒྱུ་ཡིན།ཀྲུང་གོའི་ཁེ་ལས་ཀྱིས་ཀི་ནེ་ཡར་མ་འཇོག་མཉམ་ལས་བྱས་པ་དེས་ཀི་ནེ་ཡའི་དཔལ་འབྱོར་འཕེལ་རྒྱས་དང་དམངས་འཚོ་ལེགས་སུ་འགྲོ་བར་སྐུལ་མ་ཐེབས་པས།　གཉིས་ཕན་རྒྱལ་གྱི་དཔེ་མཚོན་ཞིག་ཏུ་གྱུར་ཡོད།　ཐེངས་འདིའི་ཀྲུང་གོ་དང་ཨ་ཧྥེ་རི་ཁའི་མཉམ་ལས་གླེང་སྟེགས་ཀྱི་རྩེ་གྲ་ཚོགས་འདུར་གྲུབ་འབྲས་ཐོབ་སྟེ།　རྨང་གཞིའི་སྒྲིག་བཀོད་དང་ནུས་ཁུངས་དང་གཏེར་ཁུངས།འགྲིམ་འགྲུལ།ཡུལ་སྐོར་སོགས་ཁྱབ་ཁོངས་ཀྱི་མཉམ་ལས་ལ་གྲུབ་འབྲས་སྔར་བས་མང་པོ་ཐོབ་པར་སྐུལ་འདེད་གཏོང་རྒྱུའི་ཡིད་ཆེས་ཡོད།　

ཝང་དབྱི་ཐུག་འཕྲད་ནང་ཞུགས།