མཚོ་བྱང་ཁུལ་སྒོ་འབྱེད་སློབ་ཆེན་གྱི་སྒོ་བྱང་བཀལ་བ།

མཚོ་བྱང་ཁུལ་སྒོ་འབྱེད་སློབ་ཆེན་གྱི་རྨང་གཞི་ནི་སྔོན་མའི་མཚོ་བྱང་ཁུལ་རླུང་བརྙན་འཕྲིན་སློབ་ཆེན་ཡིན།　ལོ25རིང་མཚོ་བྱང་ཁུལ་རླུང་བརྙན་འཕྲིན་སློབ་ཆེན་དེ་མཚོ་བྱང་ཡུལ་ཆེན་པོར་གཞི་ཚུགས་ནས་མཚོ་བྱང་ཁུལ་གྱི་རྒྱུན་མཐུད་སློབ་གསོའི་ཞན་ཆ་ཁ་གསབ་དང་མཚོ་བྱང་ཁུལ་དབུལ་སེལ་མཁྲེགས་གཏོར་ལ་ཞབས་འདེགས་ཞུ་བ། ཞིང་འབྲོག་ཁུལ་དར་རྒྱས་ཡོང་བར་གཞོགས་འདེགས་བྱེད་པ་བཅས་ཆེད་བསུབ་ཐབས་མེད་པའི་བྱས་རྗེས་བཞག་ནས་མཚོ་བྱང་གི་ཁྱད་ཆོས་ལྡན་པ། མ་རྩ་དམའ་བ། ཕན་འབྲས་མཐོ་བའི་མཐོ་རིམ་སློབ་གསོའི་གྲུབ་འབྲས་ཐོབ་པའི་ལམ་དུ་བསྐྱོད་ཡོད་པ་རེད།　མཚོ་བྱང་ཁུལ་སྒོ་འབྱེད་སློབ་ཆེན་ལ་སྒོ་བྱང་བཀལ་རྗེས། མི་དམངས་ལྟེ་བར་འཛིན་པའི་འཕེལ་རྒྱས་བསམ་བློ་མཐའ་འཁྱོངས་དང་སྒོ་འབྱེད་ཆེན་པོའི་སློབ་གསོའི་ལྟ་བ་འཛུགས་རྒྱུ་དང་། སློབ་གཉེར་བརྒྱུད་རིམ་སློབ་གསོ་སྤུས་ལེགས་གཏོད་པ་དང་སྤུས་ཚད་མཐོ་རུ་གཏོང་བའི་དུས་མཚུངས་སུ་སྤྱི་ཚོགས་གསོ་སྦྱོང་འཕེལ་རྒྱས་དང་སྟོབས་ཆེར་གཏོང་རྒྱུ། རྒན་པའི（སྡེ་ཁུལ）སློབ་གསོ་ལེགས་བཅོས་དང་སྟོབས་ཆེར་གཏོང་བ།སློབ་གཉེར་ནུས་པ་དང་སློབ་གཉེར་ཁྱབ་ཁོངས། སློབ་གཉེར་ཁྱད་ཆོས་གསུམ་པོ་གཞི་གཅིག་རྒྱ་སྐྱེད་དང་རྒྱུན་སྲིང་མངོན་འགྱུར་ཧུར་ཐག་བྱ་རྒྱུ་རེད།　དེ་དང་ཆབས་ཅིག་མཚོ་བྱང་ཁུལ་སྒོ་འབྱེད་སློབ་ཆེན་གྱིས་ད་དུང་ཧྲན་ཏུང་སྒོ་འབྱེད་སློབ་ཆེན་གྱི་སྤུས་ལེགས་ཐོན་ཁུངས་ལ་བརྟེན་ནས་སློབ་གཉེར་བརྒྱུད་རིམ་མཐོ་རུ་གཏོང་རྒྱུ་དང་། གྲོང་ཚོའི་ལས་བྱེད་པ་གསོ་སྐྱོང་དང་མང་ཚོགས་ལ་ཕན་ཐོགས་པ་སོགས་ཀྱི་ཐད་གོ་ཆོད་དང་ཆེད་ལས་ཅན། དོ་དམ་ཅན། མཉམ་འདུས་ཅན་བཅས་ཀྱི་འཇོན་མི་སྔར་བས་མང་བ་གསོ་སྐྱོང་བྱས་ཏེ་མཚོ་བྱང་གི་མཐོ་རིམ་སློབ་གསོའི་བྱ་གཞག་འཕེལ་རྒྱས་ལ་སྒུལ་ཤུགས་གསར་པ་སྣོན་རྒྱུ་ཡིན་པ་རེད།  །