མཚོ་བྱང་གིས་ཞིང་བ་ལས་མི128ཀྱི་གླ་ཕོགས་སྒོར་ཁྲི176.69ལེན་རོཊ་བྱས།

གསར་འགོད་པས་ཟླ1པོའི་ཚེས15ཉིན། མཚོ་བྱང་བོད་རིགས་རང་སྐྱོང་ཁུལ་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུས་ནས་རྒྱུས་ལོན་བྱུང་པ་ལྟར་ན། ཞིང་བ་ལས་མིའི་གླ་ཕོགས་ཀྱི་ཁེ་དབང་སྲུང་སྐྱོང་ཏན་ཏིག་དང་གླ་ཕོགས་ཆད་ལུས་རྩ་བ་ནས་བཅའ་བའི་གྲུབ་འབྲས་མུ་མཐུད་སྲ་བརྟན་དུ་གཏོང་ཆེད། མཚོ་བྱང་ཁུལ་མི་ཤུགས་དང་སྤྱི་ཚོགས་འགན་སྲུང་ཅུས་ཀྱིས་བྱེད་ཐབས་མང་པོ་སྤྱད་ནས་གླ་ཕོགས་ཆད་ལུས་བཅོས་སྐྱོང་བྱེད་པའི་དགུན་དུས་བྱ་སྤྱོད་སྤེལ། མིག་སྔར། གླ་ཕོགས་ཆད་པའི་གནད་དོན་ཁྱོན་བསྡོམས27ཐག་གཅོད་བྱས་ནས་ཞིང་བ་ལས་མི128ཀྱི་གླ་ཕོགས་སྒོར་ཁྲི176.69ལེན་རོགས་བྱས།

མཚོ་བྱང་ཁུལ་མི་དམངས་ཐོན་ཁུངས་དང་སྤྱི་ཚོགས་འགན་སྲུང་ཅུས་ཀྱིས་ཁུལ་གྲོང་ཁྱེར་དོ་དམ་ཕྱོགས་བསྡུས་སྲིད་འཛིན་ཁྲིམས་འཛིན་ཅུས་དང་མཐུན་སྦྱོར་བྱས་ནས་ཁུལ་ཡོངས་ལ་ཁྱབ་པའི་གླ་ཕོགས་ཆད་པའི་གནད་དོན་ཞིབ་བཤེར་བྱ་བ་དངོས་སུ་གཏིང་ཟབ་ཏུ་སྤེལ། ཁྱོན་འཛུགས་སྐྲུན་བྱེད་བཞིན་པའི་ལས་གཞི13ལ་དངོས་སུ་རྟོགས་འདྲི་བྱས་པ་དང་ཁེ་ལས13ལ་ཞིབ་བཤེར་བྱས། གླ་ཕོགས་ཆད་པའི་མངོན་མེད་ཉེན་ཁ་ཚབས་ཆེན་ཡོད་པའི་ཁེ་ལས་སམ་ལས་གཞི་ལ་དམིགས་ཏེ་མཚོ་བྱང་ཁུལ་མི་ཤུགས་དང་སྤྱི་ཚོགས་འགན་སྲུང་ཅུས་ཀྱིས་དུས་ཐོག་ཏུ“ལྟ་སྐུལ་དོ་དམ་དང་རྗེས་འདེད”བྱས་ནས་གནད་དོན་སྔ་མོ་ནས་ཤེས་རྟོགས་བྱེད་པ་དང་སྔ་མོ་ནས་ཉེན་བརྡ་གཏོང་བ། སྔ་མོ་ནས་ཐག་གཅོད་བྱེད་པ་བཅས་བྱ་རྒྱུའི་འགན་ལེན་བྱས།

དེ་དང་ཆབས་ཅིག ཕྱོགས་སོ་སོའི་སྟོབས་ཤུགས་གཅིག་གྱུར་གྱིས་མཚོ་བྱང་ཁུལ་མི་དམངས་ཐོན་ཁུངས་དང་སྤྱི་ཚོགས་འགན་སྲུང་ཅུས་ཀྱིས་འབྲེལ་ཡོད་ལས་རིགས་གཙོ་གཉེར་སྡེ་ཁག་དང་མཉམ་འགུལ་མཉམ་ལས་བྱེད་ཤུགས་ཆེ་རུ་བཏང་ནས་འབྲེལ་གཏུག་མཐུན་སྦྱོར་ལམ་སྲོལ་བཙུགས་ཏེ་སྡོད་ཁང་འཛུགས་སྐྲུན་དང་འགྲིམ་འགྲུལ། ཆུ་བེད་སོགས་གཙོ་གནད་ལས་རིགས་གཙོ་གཉེར་སྡེ་ཁག་དང་འབྲེལ་མཐུད་དམ་ཟབ་བྱ་རྒྱུ་རྒྱུན་འཁྱོངས་བྱས་ནས་ལས་རིགས་ནང་གི་གླ་ཕོགས་ཆད་པའི་ཉེན་ཁ་དག་སྒྲིག་བྱས་ཏེ་ཞིབ་དཔྱད་དང་བརྡར་གཅོད་གནད་ལ་འཁེལ་ཞིང་སྔོན་འགོག་ཚོད་འཛིན་བྱེད་ཐབས་གཏན་འབེབས་བྱས།