《གནས་མཆོག་མདོ་ལ་རི་བོ》ཀྲུང་དབྱང་བརྙན་འཕྲིན་ལས་ཁུངས་ཀྱི་འཕྲ྄ིན་ལམ་དུ་གཏོང་རྒྱུ་རེད།

ཀྲུང་གོ་བོད་ཀྱི་དྲ་བའི་འཕྲིན། ཟླ་དང་པོའི་ཚེས8ཉིན་ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་བརྙན་འཕྲིན་ལས་ཁུངས་དང་རྒྱལ་ཁབ་ནགས་ལས་དང་རྩྭ་ཐང་ཅུའུ་ཡིས་མཉམ་དུ་ཕབ་སྐྲུན་བྱས་པ་དང་། མཚོ་སྔོན་ཞིང་ཆེན་ནགས་ལས་དང་རྩྭ་ཐང་ཅུའུ་དང་པེ་ཅིན་ནགས་ལས་སློབ་ཆེན།　ཡུན་ནན་སྒྱུ་རྩལ་སློབ་གླིང་དངོས་ཟིན་གློག་བརྙན་གསར་རྩོམ་ཞིབ་འཇུག་ལྟེ་གནས་བཅས་ཀྱིས་ཕབ་སྐྲུན་བྱེད་རོགས་བྱས་པ་དང་།　པའོ་ཡུང་ཆིང་དང་ལི་སི་ཧན་གྱིས་མཉམ་དུ་ཁྲིད་སྟོན་བྱས་པའི་རང་བྱུང་རིགས་ཀྱི་དངོས་ཟིན་གློག་བརྙན་ཆེ་གྲས《གནས་མཆོག་མདོ་ལ་རི་བོ》ཞེས་པＣＣＴＶ－1ཕྱོགས་བསྡུས་འཕྲིན་ལམ་གྱི་དགོང་མོའི་རྫོགས་ལྡན་དུས་མཚམས་སུ་གཏོང་རྒྱུ་ཡིན་པའི་དུས་མཚུངས་སུ། ཀྲུང་དབྱང་བརྙན་ལམ་སོགས་སྨྱན་སྦྱོར་གསར་པའི་སྟེགས་བུའི་དྲ་རྒྱ་ཡོངས་སུ་ཐོག་མར་གཏོང་རྒྱུ་རེད།

《གནས་མཆོག་མདོ་ལ་རི་བོ》ཞེས་པའི་གཏམ་རྒྱུད་དེ་མདོ་ལ་རི་བོའི་རྒྱལ་ཁབ་སྤྱི་གླིང་གི་འདེམ་བསྡུའི་ཁུལ་དུ་བྱུང་བ་དང་།　ཡངས་ཤིང་རྒྱ་ཆེ་བའི་རི་རྒྱུད་ཀྱིས་རི་སྐྱེས་སྲོག་ཆགས་མང་པོ་ཞིག་ལ་འཚོ་སའི་བདེ་ཐང་དང་ཕུན་སུམ་ཚོགས་པའི་ཟས་རིགས་ཀྱི་འབྱུང་ཁུངས་མཁོ་འདོན་བྱས་ཡོད་པ་མ་ཟད།　འགྲན་སློང་དང་འཚོ་གནས་ཀྱི་ཚོད་བགམ་གྲངས་མེད་ཀྱང་མངོན་ཡོད།　མཚོ་ངོས་ལས་མཐོ་བའི་རི་མཐོའི་བྲག་རྡོ་གཅེར་ཁུལ་དུ“གངས་རིའི་རྒྱལ་པོ”ཞེས་པའི་གཟིག་གི་རྗེས་རབས་སྐྱེས་མ་ཐག་ཡིན་པ་དང་།　གཟིག་གི་ཨ་མས་དཀའ་ངལ་མྱངས་ནས་ཕྲུ་གུ་གསོ་སྐྱོང་བྱས་ནས་འཚར་ལོངས་ཡོང་བ་དང་།　པུ་ཧ་ཆུ་བའི་འགྲམ་དུ།　ལོ་ཚོད་མི་འདྲ་བའི་ཤྭ་བ་ཕོ་རིགས་ཀྱིས་ཤྭ་མོ་སེམས་འཕྲོག་ཆེད་ཤྭ་བའི་རྭ་རྭ་ཀྱིས་དམག་འཁྲུག་ཆེན་པོ་བྱེད་བཞིན་ཡོད།　གཙང་འགྲམ་གྱི་གཡང་གཟར་སྟེང་ངང་མགོ་ཁྲ་ཅན་གྱི་ཕྲུ་གུ་སྐྱེས་ཚུན་གྱི་འགྲན་སློང་ཐེངས་དང་པོ་འཕྲད་བཞིན་ཡོད།　སྔོ་ལྗང་གི་རྩྭ་ཐང་དུ་རི་བོང་གི་ཁྱིམ་ཚང་གིས་འཛེར་སྒྲ་ཆེ་བའི་ཁྱིམ་མཚེས་ལ་བཟོད་བསྲན་མི་ཐུབ་པས།　མཇུག་མཐར་ཁྱིམ་ཚང་ཚང་མ་གནས་སྤོ་བྱ་རྒྱུའི་ཐག་བཅད།　རང་བྱུང་ཁམས་དེ་རང་བྱུང་ཁམས་ལ་སྤྲད་ནས་མཛེས་སྡུག་སླར་གསོ་བྱེད་པ་སོགས་མདོ་ལ་རི་བོའི་རྒྱལ་ཁབ་སྤྱི་གླིང་གི་འདེམ་བསྡུའི་ཁུལ་གྱི་སྐྱེ་དངོས་ཀྱི་གསང་བའི་ཁོར་ཡུག་གིས་ང་ཚོས་རང་ཉིད་ལ་ཞིབ་ལྟ་དང་རང་བྱུང་ཁམས་ལ་ཉན་པ།　རེ་འདོད་ཆེ་རུ་གཏོང་བ་བཅས་ཀྱི་སྣེ་ཁྲིད་བྱེད་ཀྱིན་ཡོད།

《གནས་མཆོག་མདོ་ལ་རི་བོ》ནང་མངོན་པའི་གཟུགས་བརྙན་ཚང་མ་ཧ་ཅང་མཐོང་དཀོན་པ་ཞིག་ཡིན་པ་དང་།　བརྙན་ཚང་མ་ཐོག་མར་བླངས་བ་ཡིན་ལ།　གཟིག་གི་ཨ་མས་ཕྲུ་གུ་སྐྱེས་པ་མ་ཟད་གསོ་སྐྱོང་བྱེད་པའི་ཐོ་འགོད་ཆ་ཚང་ཐེངས་དང་པོ་དང་།　ཐེངས་དང་པོར་རི་བོང་གནས་སྤོ་དང་སྤོ་བའི་རྗེས་འདེད་པའི་ཚུལ་ཕབ་ལེན་བྱས་པ།　རྒྱལ་ནང་དུ་བྱ་མགོ་ཁྲའི་བྱ་ཕྲུག་བྲག་བྲག་ནས་མཆོང་བ་ཐོག་མར་ཆ་ཚང་མངོན་པ།　ཤྭ་བའི་ཁྱུ་ཚོགས་ཁྲོན་ནུབ་རྒྱུད་ཡ་མའི་རིགས་ཁྱུ་ཚོགས་ཀྱིས་ཆུ་བོ་བརྒལ་བ་དང་སྐྱེ་འཕེལ་བྱེད་པའི་བྱ་སྤྱོད་ཐོག་མར་ཟིན་ཐོར་བཀོད་པ་དང་།　ཕྱོགས་ཡོངས་ནས་མཐོང་དཀོན་པའི་སྲོག་ཆགས་ཀྱི་བྱ་སྤྱོད་མངོན་ཡོད།  

《གནས་མཆོག་མདོ་ལ་རི་བོ》ནང4Ｋབརྒལ་བའི་དྭངས་གསལ་སྒྲིག་ཆས་པར་ལེན་དང་།　མྱུར་ཚད་ལས་བརྒལ་བའི་པར་རིགས།　མདོ་རིང་པར་རིགས།　དམར་ཕྱིའི་བརྙན་ཆས།　དུས་ནར་འགྱངས་པར་རིགས།　ཟུར་ཡངས་ཆེ་བའི་འཚོལ་མདའ་རྣམ་པའི་བར་ཐག་ཕྲ་མོའི་བརྙན་རིགས།　མཁའ་ཐོག་པར་ལེན་སོགས་གཟུགས་བརྙན་ལག་རྩལ་སྣ་ཚོགས་སྤྱད་དེ་སྲོག་ཆགས་ཀྱི་བྱ་སྤྱོད་ཞིབ་ཕྲ་འཛིན་པ་དང་།　སྐྱེ་དངོས་ཀྱི་སྦྲེལ་ཐག་ཁྲོད་ཀྱི་མཛའ་མཐུན་དང་ཕན་ཚུན་གསོད་རེས་བྱེད་པ་བཅས་རང་བྱུང་ཁམས་ཀྱི་གསོན་ཤུགས་མངོན།　བརྙན་འཕྲིན་བརྒྱུད་ནས་ཀྲུང་གོའི་རང་བྱུང་སྲུང་སྐྱོང་གི་གྲུབ་འབྲས་གཡུར་དུ་ཟབ་པ་མངོན་པ་དང་།　ལྟད་མོ་བས་སྐྱེ་ཁམས་སྲུང་སྐྱོང་ལ་དོ་ཁུར་དང་བསམ་གཞིག་བྱ་རྒྱུའི་སྐུལ་སློང་བྱས་ཏེ།　མི་དང་རང་བྱུང་ཁམས་འཆམ་མཐུན་མཉམ་གནས་དང་།　མཉམ་གནས་དར་རྒྱས་ཡོང་བའི་རྣམ་པ་མངོན།།