དིང་རི་གནམ་གྲུ་ཐང་གིས་ས་ཡོམ་རྗེས་ཀྱི་ཚོང་ལས་དུས་གཏན་གནམ་གྲུ་ཐོག་མ་འཁོར་སྐྱོད་ལ་འགན་སྲུང་བྱས།

པར་འདི་ནི་དཔྱིད་གསར་སྐྱེལ་འདྲེན་གྱི་ཉིན་དང་པོའི་ལྷ་སའི་གོང་དཀར་རྒྱལ་སྤྱིའི་གནམ་གྲུ་ཐང་གི་རྣམ་པ་རེད།

དཔྱིད་གསར་སྐྱེལ་འདྲེན་རིང་བོད་ལྗོངས་ནང་ཁུལ་གྱི་གནམ་གྲུ་ཐང་ཁག་གིས་བསྡོམས་པས་དུས་གཏན་གནམ་གྲུ7134འགན་སྲུང་བྱ་རྒྱུ་ཡིན་ལ། ན་ནིང་གི་དུས་མཉམ་ལས4.5%འཕར་ཡོད་པ་དང་འདུག་སྟེགས་ཁྲི99.39ཙམ་མཁོ་སྤྲོད་ཐུབ་པ། དེའི་ཁྲོད་ལྷ་སའི་གོང་དཀར་རྒྱལ་སྤྱིའི་གནམ་གྲུ་ཐང་གིས་བསྡོམས་པས་གནམ་གྲུ5353ལ་འགན་སྲུང་དང་འདུག་སྟེགས་ཁྲི77.3མཁོ་འདོན་བྱ་རྒྱུ་ཡིན་ལ། སྔོན་དཔག་བྱས་པ་ལྟར་ན་ཟླ1པོའི་ཚེས28ཉིན་ནས་ཟླ2པའི་ཚེས3ཉིན་བར་འགྲུལ་བ་ཕྱིར་སྐྱོད་པ་ཆེས་མང་བ་དང་ཟླ2པའི་ཚེས5ཉིན་ཚེས12ཉིན་བར་འགྲུལ་བ་ནང་དུ་ཡོང་བ་ཆེས་མང་པའི་དུས་ཡིན་ནོ།

ངོ་སྤྲོད་བྱས་པར་གཞིགས་ན། དམངས་སྤྱོད་མཁའ་འགྲུལ་བོད་ལྗོངས་ས་ཁུལ་དོ་དམ་ཅུའུ་ཡིས་བདེ་འཇགས་ཉེན་ཁའི་ཞིབ་འཇུག་བརྡར་གཅོད་ལ་ཤུགས་སྣོན་དང་། དཔྱིད་གསར་སྐྱེལ་འདྲེན་དུས་ཀྱི་དྲོད་ཚད་དམའ་བ་དང་གངས་དང་འཁྱགས་པ། བལྟོས་རྒྱུག་དྲག་པོའི་གནམ་གཤིས་སོགས་གནམ་གཤིས་ངན་པར་དམིགས་ཏེ། ལོ་སྔོན་མ་དག་གི་མཉམ་མྱོང་དང་བོད་ལྗོངས་ཀྱི་གནམ་གཤིས་ཁྱད་ཆོས་ཟུང་འབྲེལ་བྱས་ནས་དམིགས་སའི་རང་བཞིན་ལྡན་པའི་སྒོ་ནས་འཕྲལ་བསྟུན་སྔོན་ཇུས་དང་དོ་དམ་ཚོད་འཛིན་བྱེད་ཐབས་འཐུས་ཚང་དུ་བཏང་བ།གངས་དང་འཁྱགས་པ་གཙང་སེལ་གྱི་སྒྲིག་ཆས་གྲ་སྒྲིག་བྱས་པ། ཉེན་ཡོད་དངོས་རྫས་སྐྱེལ་འདྲེན་བདེ་འཇགས་དོ་དམ་དང་སྤྱི་བའི་ས་ཁོངས་ཀྱི་སྐོར་ཞིབ་ལ་ཤུགས་བསྣན་ནས། “ཚད་བརྒལ་གསུམ”གྱི་འགྲུལ་ཆས་འགྲུལ་སྐྱེལ་གནམ་གྲུར་སྐྱེལ་བའི་ཆེད་དམིགས་བཅོས་སྐྱོང་བླང་བྱར་དོན་འཁྱོལ་ནན་མོ་བྱས་པ་དང་། འགྲུལ་བ་སྡོད་ཁང་དང་སྒུག་སྡོད་ཐོག་ཁང་སོགས་ཀྱི་བདེ་འཇགས་དང་སྒྲིག་ལམ་ལ་སྲུང་སྐྱོང་བྱས་པ། བོད་ལྗོངས་ལྟ་སྐུལ་དོ་དམ་ཅུའུ་ཡིས་གཙོ་གནད་ཡོད་པའི་སྒོ་ནས་དཔྱིད་གསར་སྐྱེལ་འདྲེན་དུས་ཀྱི་བདེ་འཇགས་འཁོར་སྐྱོད་ཆེད་དམིགས་ཞིབ་བཤེར་སྤེལ་བ། བོད་ལྗོངས་མཁའ་ལམ་དོ་དམ་ལྟེ་གནས་ཀྱིས་ས་ཁུལ་གྱི་གནམ་གཤིས་སྡེ་ཁག་དང་གྲོས་མོལ་བྱས་ཏེ། ཚན་རིག་དང་མཐུན་པའི་སྒོ་ནས་དུས་གཏན་གནམ་གྲུའི་འགྲུལ་རྒྱུན་དོ་དམ་བྱེད་ཐབས་ཞིབ་ཚགས་སུ་བཏང་ནས། འགན་སྲུང་ནུས་པ་དང་འཁོར་སྐྱོད་ལས་ཕྱོད་ཇེ་མཐོར་བཏང་བ། བོད་ལྗོངས་གནམ་གྲུ་ཐང་སྡེ་ཚོགས་ཀྱིས་མུ་མཐུད་རྒྱུག་ལམ་དུ་འཛུལ་བར་སྔོན་འགོག་དང་། བྱ་རིགས་དང་ཕྱི་དངོས་རྡབ་རྡེག་དོགས་ཟོན་སོགས་འཁོར་སྐྱོད་ཉེན་ཁའི་འགོག་སྡོམ་ལས་དོན་ལེགས་པོར་སྒྲུབ་ཏེ། སྒྲིག་བཀོད་དང་སྒྲིག་ཆས་སྲུང་སྐྱོང་ལ་ཤུགས་བསྣན།

པར་འདི་ནི་དཔྱིད་གསར་སྐྱེལ་འདྲེན་གྱི་ཉིན་དང་པོའི་ལྷ་སའི་གོང་དཀར་རྒྱལ་སྤྱིའི་གནམ་གྲུ་ཐང་གི་རྣམ་པ་རེད།=

པར་འདི་ནི་དཔྱིད་གསར་སྐྱེལ་འདྲེན་གྱི་ཉིན་དང་པོའི་ལྷ་སའི་གོང་དཀར་རྒྱལ་སྤྱིའི་གནམ་གྲུ་ཐང་གི་རྣམ་པ་རེད།

མི་བདེ་བགྲོད་ཐུབ་པ་དང་དངོས་ཟོག་ཐོགས་མེད་དབོར་འདྲེན་ཐུབ་པར་འགན་ལེན་བྱ་ཆེད། དམངས་སྤྱོད་མཁའ་འགྲུལ་བོད་ལྗོངས་ས་ཁུལ་དོ་དམ་ཅུའུ་ཡིས་བོད་ལྗོངས་གཞིས་ཀ་རྩེ་གྲོང་ཁྱེར་དིང་རི་རྫོང་གི་ས་ཡོམ་རིམ་པ6.8ཀྱི་རོགས་སྐྱོབ་དངོས་ཟོག་དང་མི་སྣ་སྐྱེལ་འདྲེན་ལས་དོན་ལེགས་པོར་སྒྲུབ་ནས། ཆ་འཕྲིན་བརྒྱུད་སྒྲོག་ལ་ཤུགས་སྣོན་དང་གཙོ་བོ་ཤུགས་རྐྱེན་ཐེབས་པའི་དུས་གཏན་གནམ་གྲུར་དོ་ཁུར་བྱེད་པ། “རྒྱལ་ཡོངས-ས་ཁོངས-གནམ་གྲུ་ཐང”རིམ་པ་གསུམ་གྱི་མཐུན་སྦྱོར་འཁོར་སྐྱོད་བཀོད་གཏོང་ལམ་སྲོལ་ལ་བརྟེན་ནས་དུས་གཏན་གནམ་གྲུའི་རྒྱུན་ལྡན་ལས་དོན་སྤེལ་བར་མཐུན་སྦྱོར་བྱས་ཏེ། དུས་གཏན་གནམ་གྲུ་ནར་འགྱངས་བྱས་རྗེས་ཀྱི་འགྲུལ་བའི་ཁེ་དབང་ལ་འགན་སྲུང་བྱེད་པ། ཐོགས་མེད་བགྲོད་ལམ་ཤར་གཏོང་བྱས་ནས་དབང་བོ་སྐྱོན་ཅན་དང་རྒན་འཁོགས་སོགས་དམིགས་བསལ་འགྲུལ་བ་དང་དམག་མིར་སྔོན་ལ་འགན་སྲུང་བྱེད་པ། ཕྱི་ནང་དུ་འགྲོ་བའི་མཐོ་རླབས་དུས་མཚམས་སུ་ལས་རེས་སྟེགས་བུ་ཇེ་མང་དུ་བཏང་ནས་འགྲུལ་བ་གྲལ་སྒྲིག་པའི་དུས་ཚོད་ཇེ་ཐུང་དུ་གཏོང་བ། རླངས་འཁོར་འཇོག་ས་མཁོ་འདོན་བྱེད་ཤུགས་ཆེ་རུ་བཏང་ནས་བསྡོམས་པས་རླངས་འཁོར་འཇོག་ས1428འགྲུལ་བར་འདོན་སྤྲོད་བྱེད་པ། གནམ་གྲུ་ཐང་གི་རླངས་འཁོར་ཆེན་པོ50ལྷག་བཏང་སྟེ་གནམ་གྲུ་ཐང་ནས་ལྷ་སའི་གྲོང་ཁུལ་དབར་འགྲོ་འོང་དང་། གནམ་གྲུ་ཐང་ནས་ལྷོ་ཁའི་ལམ་ཐིག་ཤར་གཏོང་བྱེད་པ་དང་། འགྲུལ་བས་དྲ་ཐོག་དང་གནམ་གྲུ་ཐང་དུ་སྤ་སེ་ཉོ་སྒྲུབ་བྱས་ཆོག གནམ་གྲུ་ཐང་གི་ཚོང་ལས་རིན་གོང་དོ་དམ་ཚོད་འཛིན་ལ་ཆེད་དམིགས་ཞིབ་བཤེར་བྱས་ནས་སྒུག་སྡོད་ཐོག་ཁང་གི་ཚོང་བས་ཚོང་གཉེར་བྱ་སྤྱོད་ཚད་ལྡན་དུ་བཏང་སྟེ། འགྲུལ་བའི་འཛད་སྤྱོད་ཁེ་དབང་ལ་སྲུང་སྐྱོང་བྱེད་དགོས། 

པར་འདི་ནི་དཔྱིད་གསར་སྐྱེལ་འདྲེན་གྱི་ཉིན་དང་པོའི་ལྷ་སའི་གོང་དཀར་རྒྱལ་སྤྱིའི་གནམ་གྲུ་ཐང་གི་རྣམ་པ་རེད།

མིག་སྔའི་བར། བོད་ལྗོངས་ཀྱིས་མཁའ་ལམ182ཤར་གཏོང་བྱས་ཡོད་པ་དང་གྲོང་ཁྱེར76དབར་གནམ་གྲུ་ཤར་གཏོང་བྱུང་ནས། ལྷོ་ནུབ་དང་ནུབ་བྱང་ས་ཁུལ་གཙོ་ཡིན་པ་དང་རྒྱལ་ཡོངས་ཀྱི་གྲོང་ཁྱེར་ཆེ་འབྲིང་དང་བོད་སྐྱོར་ཞིང་ཆེན་དང་གྲོང་ཁྱེར་ཡོངས་སུ་ཁྱབ་པའི་མཁའ་ལམ་དྲ་རྒྱ་ཞིག་ཆགས་ཡོད། །