ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་སྒྲོག་འགྲེལ་ཚོགས་པས་ཡུན་ནན་དུ་སྒྲོག་འགྲེལ་བྱས་པ།
ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་སྒྲོག་འགྲེལ་ཚོགས་པས་ཚེས5ཉིན་ཡུན་ནན་དུ་སྒྲོག་འགྲེལ་བྱས་ཤིང་། ཀྲུང་དབྱང་སྒྲོག་འགྲེལ་ཚོགས་པའི་ཁོངས་མིའམ་ཀྲུང་དབྱང་ནོར་སྲིད་གཞུང་ལས་ཁང་གི་ཀྲུའུ་རེན་གཞོན་པ། ཀྲུང་དབྱང་ཞིང་ལས་གཞུང་ལས་ཁང་གི་ཀྲུའུ་རེན་གཞོན་པ་ཀྲུའུ་ཝེ་ཏུང་གིས་སྒྲོག་འགྲེལ་སྙན་ཞུ་ཕུལ་བ་དང་། ཡུན་ནན་གྱི་ཚོགས་ར་གཙོ་བོ་དང་ཡན་ལག་ཚོགས་རའི་མི་ཁྲི3.4ལྷག་སྙན་ཞུ་ཚོགས་འདུར་ཞུགས།
སྙན་ཞུའི་ཚོགས་འདུའི་སྟེང་ཀྲུའུ་ཝེ་ཏུང་གིས་སྔར་ལས་ལྷག་པའི་སྒོ་ནས་བཅོས་སྒྱུར་ཟབ་སྤེལ་དང་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བའི་བརྗོད་བྱ་གཙོ་བོར་དམ་པོར་དམིགས་ཏེ། ཚང་འཛོམས་གྲོས་ཚོགས་སྟེང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་ལ་ངོས་འཛིན་གཏིང་ཟབ་དང་། 《ཆོད་དོན》ཁྲོད་བཏོན་པའི་སྔར་ལས་ལྷག་པའི་སྒོ་ནས་བཅོས་སྒྱུར་གཏིང་ཟབ་ཏུ་གཏོང་བའི་བྱེད་ཐབས་གལ་ཆེན་ལ་ཕྱོགས་ཡོངས་ནས་གོ་བ་ཡང་དག་ལེན་པ་དང་། ཚང་འཛོམས་གྲོས་ཚོགས་ཀྱི་དགོངས་དོན་ལག་བསྟར་དོན་འཁྱོལ་ལ་ནུས་ཤུགས་ཡོད་རྒུས་དམ་འཛིན་བྱེད་པ་སོགས་ཀྱི་ཐད་ནས་རྒྱུད་རིམ་ལྡན་པའི་སྒྲོག་འགྲེལ་དང་འགྲེལ་བཤད་གཏིང་ཟབ་བྱས།
ཀྲུའུ་ཝེ་ཏུང་གིས་སྒྲོག་འགྲེལ་བྱེད་སྐབས་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དང་ལག་བསྟར་བྱ་རྒྱུ་དེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཕྱོགས་ཡོངས་ནས་བཅོས་སྒྱུར་ཟབ་སྤེལ་བྱེད་པའི་སྐོར་གྱི་བསམ་བློ་གསར་པ་དང་ལྟ་བ་གསར་པ། ཆོད་གཏམ་གསར་པ་བཅས་དང་ཟུང་འབྲེལ་དང་སྦྲེལ་མཐུད་བྱས་ནས། ཏང་གིས་བཅོས་སྒྱུར་ཁྱོན་ཡོངས་ནས་གཏིང་ཟབ་ཏུ་གཏོང་བའི་བརྒྱུད་རིམ་ཧྲིལ་པོར་མགོ་ཁྲིད་བྱེད་ཤུགས་ཆེ་རུ་གཏོང་བ་དང་། གཟེར་མ་འདེབས་པའི་སྙིང་སྟོབས་ལ་བརྟེན་ནས་བཅོས་སྒྱུར་གྱི་ལས་འགན་སོ་སོ་དོན་འཁྱོལ་ཡོང་བར་དམ་འཛིན་བྱས་ཏེ། མི་དམངས་མང་ཚོགས་ལ་བཅོས་སྒྱུར་ཁྲོད་དུ་ཐོབ་སྣང་དང་སྐྱིད་སྣང་། བདེ་སྣང་ཡོད་པར་བྱེད་དགོས། །
ཚེས5ཉིན་གྱི་ཕྱི་དྲོར། ཀྲུའུ་ཝེ་ཏུང་ཡུན་ནན་ཞིང་ཆེན་ཁྲིན་ཅང་གྲོང་ཁྱེར་མཱ་ཧྥེང་སྡེ་བ་རུ་སྒྲོག་འགྲེལ་སྤེལ་ཏེ། གཞི་རིམ་གྱི་ལས་བྱེད་པ་དང་མང་ཚོགས་ལ་བརྗེ་རེས་བྱས་པ་དང་། ཚང་མས་དོ་ཁུར་བྱེད་པའི་གྲོང་གསེབ་དར་སྤེལ་དང་དམངས་འཚོ། སྤྱི་ཚོགས་འགན་སྲུང་སོགས་ཀྱི་གནད་དོན་ལ་ལན་བཏབ།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注