མཚོ་སྔོན་ཞིང་ཆེན་དམག་ཁུལ་རྩ་འཛུགས་ཀྱིས་ཚད་ལྡན་ཅན་གྱི་བཅོས་སྐྱོང་གཅིག་སྡུད་སྦྱོང་བརྡར་འཛུགས་སྐྲུན་བྱས།

མཚོ་སྔོན་ཞིང་ཆེན་དམག་ཁུལ་རྩ་འཛུགས་ཀྱིས་ཚད་ལྡན་ཅན་གྱི་བཅོས་སྐྱོང་གཅིག་སྡུད་སྦྱོང་བརྡར་འཛུགས་སྐྲུན་བྱས།

ཟླ7པའི་ཚེས29ཉིན་ནས་ཟླ7པའི་ཚེས31ཉིན་བར་མཚོ་སྔོན་ཞིང་ཆེན་དམག་ཁུལ་རྩ་འཛུགས་ཀྱིས་ཚད་ལྡན་ཅན་གྱི་བཅོས་སྐྱོང་གཅིག་སྡུད་སྦྱོང་བརྡར་འཛུགས་སྐྲུན་བྱས།     དམག་ཨུའི་རྒྱལ་སྲུང་སྐུལ་སློང་པུའི་ལས་ཁུངས་ཀྱི་འགོ་ཁྲིད་དང་།    མཚོ་སྔོན་ཞིང་ཆེན་ཏང་ཨུའི་རྒྱུན་ཨུ།    ཞིང་ཆེན་དམག་ཁུལ་གྱི་ཆབ་སྲིད་ཨུ་ཡོན་དབྱང་ལུང་ཞི།    ཞིང་ཆེན་དམག་ཁུལ་གྱི་དམག་སྤྱི་ལི་ཧྲེང་ལེ་བཅས་ཚོགས་འདུར་ཞུགས་ནས་གཏམ་བཤད།     ཞིང་ཆེན་ཏང་ཨུའི་རྒྱུན་ལས་ཨུ་ཡོན་ཝང་ཝའེ་ཏུང་དང་ཚེ་རིང་ཐར་བཅས་འབྲེལ་ཡོད་བྱེད་སྒོར་ཞུགས།     

ཞིང་ཆེན་དམག་ཁུལ་གྱི་རིམ་པ་ཁག་གིས་ཞི་ཅིན་ཕིང་གི་དམག་དཔུང་སྟོབས་ལྡན་གྱི་བསམ་བློ་ལག་བསྟར་གཏིང་ཟབ་བྱས་ཏེ། དམག་ཨུའི་རྒྱལ་སྲུང་སྐུལ་སློང་པུའུ་ཡི“ཅང་ཞི་གཅིག་སྡུད་སྦྱོང་བརྡར”གྱི་རྩོམ་ཡིག་རྗེས་མ་ཏན་ཏིག་གིས་ཡག་པོ་བསྒྲུབ་དགོས་པ།    འཛུགས་སྐྲུན་ཚད་ལྡན་དུ་གཏོང་བ་དང་།    བཅོས་སྐྱོང་མཐོར་འདེགས་གཏོང་བ་མཐའ་འཁྱོངས་བྱེད་དགོས།    ཞིང་ཆེན་དམག་ཁུལ་ཁང་གི་ལས་ཁུངས་དང་།    དམག་དཔུང་ཁུལ་དབྱེ། མི་དམངས་དམག་དཔུང་པུའུ་བཅས་ཀྱི“རིམ་པ་གསུམ”དང་བསམ་བློའི་རིག་གནས།    རྩ་འཛུགས་འཛུགས་སྐྲུན། དམག་སྦྱོང་དང་དམག་དཔུང་པུའུ་བཅས་ཀྱི“ཁྱབ་ཁོངས་ཆེན་པོ་བཅུ”ལ་དམིགས་ཏེ། རྒྱ་ཆེའི་དཔོན་དམག་རྣམས་ལ་ཐོབ་པའི་ཚོར་སྣང་དང་། བདེ་སྐྱིད། བདེ་འཇགས་བཅས་སྔར་ལས་འཐུས་ཚང་དུ་གཏོང་བ་དང་སྔར་ལས་འགན་སྲུང་བྱེད་པ། སྔར་ལས་རྒྱུན་མཐུད་ཐུབ་པ་བཅས་བྱས་ཏེ་གོང་འོག་བློ་སེམས་གཅིག་མཐུན་དང་གཡས་གཡོན་མཉམ་སྦྱོར། དམག་དཔུང་དང་ས་གནས་མཉམ་འགུལ་བཅས་ཀྱིས་འཛུགས་སྐྲུན་བྱེད་པ།    ཚད་ལྡན་ལ་སྐུལ་འདེད། བཅོས་སྐྱོང་དམ་འཛིན་བཅས་བྱེད་པའི་གསོན་ཉམས་ཀྱི་རྣམ་པ་ཆགས་པར་བྱས་ཏེ།    ཚད་མཐོའི་འཛུགས་སྐྲུན་དང་སྤུས་ཚད་མཐོ་བའི་འཕེལ་རྒྱས། ཆུ་ཚད་མཐོ་བའི་བདེ་འཇགས་བཅས་མངོན་འགྱུར་ཧུར་ཐག་བྱ་དགོས།    

ཐེངས་འདིའི་གཅིག་སྡུད་སྦྱོང་བརྡར་སྐབས་ཡུལ་དངོས་སུ་ལྟ་སྐོར་དང་། བརྙན་ལམ་ངོ་སྤྲོད། པར་རིས་འགྲེམས་སྟོན།    དཔྱད་གཞིའི་ཡིག་རིགས་འགྲེམས་སྟོན། མ་ལག་གསལ་སྟོན་བྱེད་པ། ཉམས་མྱོང་བརྗེ་རེས་སོགས་ཀྱི་རྣམ་པའི་ཐོག་ནས་ཞིང་ཆེན་དམག་ཁུལ་ལས་ཁུངས་དང་།    དམག་ཁུལ་ཡན་ལག་ས་ཁུལ2།    མི་དམངས་དྲག་ཆས་པུའུ1ཡུལ་དམག་སྒྲིག་ཆས་མཛོད་ཁང1བཅས་ཚད་ལྡན་ཅན་གྱི་འཛུགས་སྐྲུན་བཅོས་སྐྱོང་ཚོད་ལྟའི་གྲུབ་འབྲས་ལ་བསམ་བློ་བརྗེ་རེས་དང་འགྲེམས་སྟོན་བྱས་ནས་ལམ་ལུགས་དང་ལམ་སྲོལ་ཁག15 ཚད་ལྡན་བྱེད་ཐབས་ཁག18བརྒྱུད་རིམ་མ་དཔེ14མཉེན་ཆས་མ་ལག་ཆ་ཚང12ཆགས་པར་བྱས་ཏེ། རིམ་པ་ཁག་གི་གཞི་རིམ་བཅོས་སྐྱོང་བྱ་བ་ཚད་ལྡན་ཅན་ཏུ་བཟོས།