ཙེ་ལིན་སི་ཅི་ཡིས་མངའ་ཁོངས་གནད་དོན་ཐད་ནས་ཐུན་མོང་གི་ལྟ་ཚུལ་ཅི་ཡང་བྱུང་མེད་པའི་ཚུལ་བསྟན།

ཝུའུ་ཁི་ལན་གྱི་རྒྱལ་སྤྱིའི་འཕྲིན་གཏོང་ཁང་གིས་ཚེས25ཉིན་གྱི་དགོང་མོར་བསྒྲགས་པ་ལྟར་ན། ཝུའུ་ཁི་ལན་གྱི་ཙུང་ཐུང་ཙེ་ལིན་སི་ཅི་ཡིས་ཉིན་དེར་སྨྱན་བྱད་ལ་བཤད་རྒྱུར། ཝུའུ་ཁི་ལན་ཕྱོགས་ཀྱིས་མངའ་ཁོངས་གནད་དོན་ཐད་ནས་ཨ་མེ་རི་ཁ་དང་ཨུ་རུ་སིའི་བར་ཐུན་མོང་ལྟ་ཚུལ་ཅི་ཡང་བཀོད་མེད་པ་དང་། ཨུ་རུ་སིའི་ཕྱོགས་ཀྱིས་ཉེ་སྔོན་འཁྲུག་རྩོད་མཚམས་འཇོག་པའི་བྱེ་བྲག་གི་ནང་དོན་ཐད་ནས་གྲོས་མོལ་གསར་དུ་སྤེལ་བར་འཐད་པ་བྱུང་ཡོད་ཟེར།

ཙེ་ལིན་སི་ཅི་ཡིས་བཤད་རྒྱུར། ཨུ་རུ་སི་དང་གྲོས་མོལ་བྱེད་པར་དཀའ་གནད་གཉིས་ཡོད་དེ། མངའ་ཁོངས་གནད་དོན་དང་ཕྱོགས་ཡོངས་ནས་འཁྲུག་རྩོད་མཚམས་འཇོག་པའི་གནད་དོན་རེད། སོ་ཏི་ཨ་རབ་ཀྱི་རྒྱལ་ས་ལེ་ཡཱ་ཏིའི་གྲོས་མོལ་སྐབས་སུ། ཝུའུ་ཁི་ལན་དང་ཨ་མེ་རི་ཁའི་འཐུས་ཚབ་ཚོགས་པས་མངའ་ཁོངས་གནད་དོན་ལ་གྲོས་བསྡུར་བྱས་མེད་ཀྱང་། ཨ་མེ་རི་ཁ་དང་ཨུ་རུ་སིའི་འཐུས་ཚབ་ཚོགས་པས་དོན་དེར་གྲོས་བསྡུར་བྱས་ཡོད་པར་འདོད། ཝུའུ་ཁི་ལན་ཕྱོགས་ཀྱིས་མངའ་ཁོངས་གནད་དོན་ཐད་ནས་ཨ་མེ་རི་ཁ་དང་ཨུ་རུ་སིའི་བར་ཐུན་མོང་ལྟ་ཚུལ་ཅི་ཡང་བཀོད་མེད་ཟེར།

ཙེ་ལིན་སི་ཅི་ཡིས་བཤད་རྒྱུར། ཨ་མེ་རི་ཁ་ཕྱོགས་ཀྱིས་བལྟས་ན་ཨུ་རུ་སི་དང་ཝུའུ་ཁི་ལན་གྱི་མཚོ་ཐོག་དང་ནུས་ཁུངས་སྒྲིག་ཆས་ཐད་ནས་འཁྲུག་རྩོད་མཚམས་འཇོག་དགོས་པ་དང་། ཝུའུ་ཁི་ལན་དང་ཨ་མེ་རི་ཁའི་མཉམ་འབྲེལ་གསལ་སྒྲོག་དང་ཨ་མེ་རི་ཁ་དང་ཨུ་རུ་སིའི་མཉམ་འབྲེལ་གསལ་སྒྲོག་སྤེལ་རྗེས་མྱུར་དུ་ལག་བསྟར་བྱེད་དགོས་པར་འདོད། ཝུའུ་ཁི་ལན་ཕྱོགས་དང་ཨ་མེ་རི་ཁས་ཕྱོགས་ཀྱིས་འཁྲུག་རྩོད་མཚམས་འཇོག་པའི་གནས་ཚུལ་ལ་ལྟ་རྟོག་བྱེད་རྒྱུ་རེད། དེ་ལས་གཞན་ཕྱོགས་སོ་སོས་ད་རུང་ཕྱོགས་གསུམ་པ་སྟེ་ཐུར་ཁེ་དང་སོ་ཏི་ཨ་རབ་འཁྲུག་རྩོད་མཚམས་འཇོག་པའི་ལྟ་རྟོག་ནང་ཞུགས་པའི་གནད་དོན་ལ་གྲོས་བསྡུར་བྱས།

ཙེ་ལིན་སི་ཅི་ཡིས་ད་རུང་བཤད་རྒྱུར། ཝུའུ་ཁི་ལན་དང་ཨ་མེ་རི་ཁ། ཨ་མེ་རི་ཁ་དང་ཨུ་རུ་སིའི་མཉམ་འབྲེལ་གསལ་སྒྲོག་གཉིས་ལས་ལྔ་ཆའི་གཅིག་གི་ནང་དོན་ལ་འགལ་བ་བྱུང་ཡོད། ཝུའུ་ཁི་ལན་དང་ཨ་མེ་རི་ཁ་ཕྱོགས་ཀྱིས་མྱུར་མོར་འཁྲུག་རྩོད་མཚམས་འཇོག་པའི་བྱེ་བྲག་གི་ནང་དོན་ཐད་ནས་སྐོར་ཐེངས་གསར་བའི་གྲོས་མོལ་སྤེལ་བར་ཡིད་འཐད་བྱུང་ཡོད་ཟེར།