མཉམ་འབྲེལ་རྒྱལ་ཚོགས་ཀྱི་ཡུལ་གྱར་བའི་གཞུང་ལས་ཁང་གིས2024ལོར་ལིས་པི་ཡ་རུ་སྨན་ཁང་དང་སློབ་གྲྭ་སོགས་སྒྲིག་ཆས་བཅུ་གསུམ་བསྐྱར་གསོ་བྱས།

མཉམ་འབྲེལ་རྒྱལ་ཚོགས་ཡུལ་གྱར་བའི་ལས་དོན་མཐོ་རིམ་ཆེད་མི་གཞུང་ལས་ཁང་གིས་ཚེས6ཉིན་གསལ་བསྒྲགས་སྤེལ་ནས་བཤད་རྒྱུར། ཡུལ་གྱར་བའི་གཞུང་ལས་ཁང་དང་རྒྱལ་སྤྱིའི་རོགས་སྐྱོར་རྩ་འཛུགས་ཀྱི་ལག་རྩལ་མཉམ་ལས་དང་འཕེལ་རྒྱས་ལས་ཁུངས་ཀྱིས2024ལོར་ལིས་པི་ཡ་རུ་སྨན་ཁང་དང་སློབ་གྲྭ་བཅུ་གསུམ་དང་ལུས་རྩལ་སྒྲིག་ཆས་སོགས་བསྐྱར་གསོ་བྱས་ནས། ཡུལ་གྱར་བ་དང་གཞིས་ཁུལ་གྱིས་བསྡུ་ཉར་བྱས་པའི་མི་སྣས་སྤྱི་ཐུན་ཞབས་ཞུ་མྱོང་ཐུབ་པར་རོགས་རམ་བྱས།

གསལ་བསྒྲགས་ནང་བཤད་རྒྱུར། ཡུལ་གྱར་བའི་གཞུང་ལས་ཁང་དང་ལག་རྩལ་མཉམ་ལས་དང་འཕེལ་རྒྱས་ལས་ཁུངས་ཀྱིས་ལིས་པི་ཡའི་རྒྱལ་ས་རུ་ཆགས་པའི་ལིས་པོ་ལིས་གྲོང་ཁྱེར་ནུབ་ཕྱོགས་ཀྱི་ཞི་ཀྲན་ཙུའུ་ཨེར་གྲོང་ཁྱེར་གྱི་སཱ་ལ་ཅེ་བདེ་ཐང་ལྟེ་གནས་བསྐྱར་འཛུགས་བྱེད་པའི་བྱ་བ་ཡོངས་འགྲུབ་བྱས། བདེ་ཐང་ལྟེ་གནས་དེར་ད་ལྟ་སྔར་ལས་སྟབས་བདེ་བའི་བགྲོད་ལམ་དང་སྨན་བཅོས་སྒྲིག་ཆས་སྔར་ལས་བཟང་བོ། སྒུག་ཁུལ་བཅས་ཡོད་པ་དང་། ཟླ་རེར་ནད་པ་སྟོང་བཞི་ལྷག་ལ་ཞབས་ཞུ་འདོན་སྤྲོད་བྱེད་ཐུབ།

ལོ་མང་པོའི་དྲག་ཆས་འཁྲུག་རྩོད་དང་ཟིང་འཁྲུག་གི་དབང་གིས། ལིས་པིས་ཡའི་དབང་འཛིན་ལས་ཁུངས་ཀྱིས་ཧུར་ཐག་གིས་མི་དམངས་ལ་གཞི་རྩའི་ཞབས་ཞུ་འདོན་སྤྲོད་བྱེད་ཀྱིན་ཡོད་པ་དང་། དེའི་ནང་ཆུ་འདོན་གློག་འདོན་དང་སྨན་བཅོས་ཞབས་ཞུ་འདུ།