ཏེན་མག་སོགས་རྒྱལ་ཁབ5བདེ་འཇགས་ལས་འཛིན་ལྷན་ཚོགས་ཀྱི་ལས་འགན་རྒྱུན་འཁུར་མིན་པའི་ལས་འཛིན་རྒྱལ་ཁབ་ཀྱི་འགན་འཁུར་མགོ་རྩོམ་པ།

ཟླ1པོའི་ཚེས2ཉིན། ཏེན་མག་དང་ཀེ་རི་སེ།　ཕ་ཁི་སི་ཐན།　པ་ན་མ།　སོ་མ་ལི་བཅས་རྒྱལ་ཁབ་ལྔ་ཡི་རྒྱལ་དར་སྒྲེང་བའི་མཛད་སྒོ་མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱི་ཕྱི་རོལ་དུ་བསྡུས།　དེས་གསར་དུ་བདམས་ཐོན་བྱུང་བའི་བདེ་འཇགས་ལས་འཛིན་ལྷན་ཚོགས་ཀྱི་ལས་འགན་འཁུར་མཁན་མིན་པའི་རྒྱལ་ཁབ་ལྔ་ཡིས་འགན་འཁྲི་ལག་བསྟར་བྱེད་མགོ་ཚུགས་པ་མཚོན།　

ཚེས2ཉིན་ནི་བདེ་འཇགས་ལས་འཛིན་ལྷན་ཚོགས་ཀྱི2025ལོའི་ལོ་འཁོར་གྱི་ལས་ཀ་མགོ་རྩོམ་པའི་ཉིན་དང་པོ་རེད།　མཉམ་འབྲེལ་རྒྱལ་ཚོགས་སུ་རྒྱུན་སྡོད་བྱས་པའི་ཧ་སག་སི་ཐན་གྱི་འཐུས་མི་ཁའེ་ལ་ཐེ·ཝུའུ་མ་ལུའོ་ཧྥུའུ་ཡིས་ཉིན་དེར་རྒྱལ་དར་སྒྲེང་བའི་མཛད་སྒོ་ལ་མགོ་འཛིན་གནང་།　ཟླ་འདིའི་བདེ་འཇགས་ལས་འཛིན་ལྷན་ཚོགས་ཀྱི་རེས་འཁོར་ཀྲུའུ་ཞིའམ།　མཉམ་འབྲེལ་རྒྱལ་ཚོགས་སུ་རྒྱུན་སྡོད་བྱས་པའི་ཨར་ཅི་རི་ཡའི་འཐུས་མི་ཨ་མ་ཨར·པིན་ཅ་མ་ཡིས་གསུང་བཤད་གནང་སྐབས།　བདེ་འཇགས་ལས་འཛིན་ལྷན་ཚོགས་ཀྱི་ཁོངས་མི་གསར་པར་དགའ་བསུ་ཞུས་པ་དང་མཉམ་དུ་བདེ་འཇགས་ལས་འཛིན་ལྷན་ཚོགས་ཀྱིས་ཕྱོགས་མང་རིང་ལུགས་ལ་སྲུང་སྐྱོང་དང་གོ་ལ་ཧྲིལ་པོའི་འགྲན་སློང་ལ་ཁ་གཏད་གཅོག་ཆེད་འབད་བརྩོན་ལྷོད་མེད་བྱ་དགོས་པའི་འབོད་སྐུལ་བཏང་བ་རེད།　མཉམ་འབྲེལ་རྒྱལ་ཚོགས་སུ་རྒྱུན་སྡོད་བྱས་པའི་རྒྱལ་ཁབ་ལྔ་ཡི་འཐུས་མི་སོ་སོས་གསུང་བཤད་ཐུང་ངུ་རེ་སྤེལ་ཏེ་རང་སོ་སོའི་རྒྱལ་ཁབ་ཀྱི་རྒྱལ་དར་སྟེགས་བུའི་ཐོག་བཙུགས།　བདེ་འཇགས་ལས་འཛིན་ལྷན་ཚོགས་ཀྱི་ཁོངས་མི་གསར་པའི་རྒྱལ་དར་སྒྲེང་བའི་མཛད་སྒོ་ནི་2018ལོ་ཧ་སག་སི་ཐན་ནས་སྤེལ་མགོ་ཚུགས།

ཏེན་མག་སོགས་རྒྱལ་ཁབ་ལྔ་ཡིས་ཨེ་ཁྭ་ཏོར་དང་འཇར་པན།　མར་ཐ།　མོ་ཙམ་པི་ཁེ།　སུའེ་ཙེར་བཅས་ཀྱི་ཚབ་བྱས་ནས་ཟླ1པོའི་ཚེས1ཉིན་ནས་བཟུང་བདེ་འཇགས་ལས་འཛིན་ལྷན་ཚོགས་ཀྱི་ལས་འགན་རྒྱུན་འཁུར་མིན་པའི་རྒྱལ་ཁབ་ཀྱི་འགན་འཁུར་མགོ་བརྩམས་པ་རེད།　བདེ་འཇགས་ལས་འཛིན་ལྷན་ཚོགས་ཀྱི་ལས་འགན་རྒྱུན་འཁུར་མིན་པའི་རྒྱལ་ཁབ་ལྔ་ནི་ཨར་ཅི་རི་ཡ་དང་ཀུའེ་ཡན།　ཧན་གོ　སི་ལ་ལེན།　སི་ལོ་ཝེ་ཉི་ཡ་བཅས་ཡིན་པ་རེད།　

མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ལ་ཁྱོན་བསྡོམས་ཁོངས་མི15ཡོད་པའི་ནང་།　ཀྲུང་གོ་དང་ཧྥ་རན་སི།　ཨུ་རུ་སུ།　དབྱིན་ཇི།　ཨ་རི་བཅས་ནི་ལས་འགན་རྒྱུན་འཁུར་གྱི་ལས་འཛིན་རྒྱལ་ཁབ་ཡིན་པ་དང་།　ཁོངས་མི་གཞན10ནི་ལས་འགན་རྒྱུན་འཁུར་མིན་པའི་ལས་འཛིན་རྒྱལ་ཁབ་ཡིན་པ་རེད།　ལས་འགན་རྒྱུན་འཁུར་མིན་པའི་ལས་འཛིན་རྒྱལ་ཁབ་ཀྱི་འགན་འཁུར་ཡུན་ལོ2ཡིན་པ་དང་མཉམ་འབྲེལ་རྒྱལ་ཚོགས་ཀྱི་ཚོགས་ཆེན་སྟེང་ལོ་རེ་ཐེངས་ལྔ་རེ་བརྗེ་བ་ཡིན་ལ།　མུར་འཁུར་བྱེད་མི་ཆོག་པ་རེད།　ལས་འགན་རྒྱུན་འཁུར་མིན་པའི་ལས་འཛིན་རྒྱལ་ཁབ་ཀྱི་གདན་ཐོབ10ས་ཁུལ་ལྟར་བགོས་ཡོད་དེ།　གླིང་ཆེན་ཨ་ཧྥེ་རི་ཁ་ལ་གདན་ཐོ3དང་།　ཨེ་ཤེ་ཡ་དང་ཞི་བདེ་རྒྱ་མཚོ་ཆེ་མོ་ས་ཁུལ་དང་།　ལ་ཏིང་མེ་གླིང་།　ཅ་ལེ་པིའི་ས་ཁུལ།　ཡོ་རོབ་ནུབ་མ།　དེ་མིན་གྱི་ས་ཁུལ་གཞན་དག་བཅས་སོ་སོར་གདམ་ཐོ2རེ།　ཡོ་རོབ་ཤར་མའི་ས་ཁུལ་ལ་གདམ་ཐོ1བཅས་ཡོད།

བདེ་འཇགས་ལས་འཛིན་ལྷན་ཚོགས་ཀྱིས་རྒྱལ་སྤྱིའི་ཞི་བདེ་དང་བདེ་འཇགས་སྲུང་སྐྱོང་བྱེད་པར་འགན་འཁུར་རྒྱུ་ནི་མཉམ་འབྲེལ་རྒྱལ་ཚོགས་ཀྱི་སྒྲིག་གཞི་གཙོ་བོའི་གྲས་ཡིན་པ་རེད། །