ཐི་ལིང་ཕུའུ་ཡིས་ལས་འགན་འཁུར་སྐབས་ཨ་རིས་སྔར་བཞིན“རྒྱལ་དར་ཕྱེད་ཙམ་ཕབ་པར”ཁོས་མི་འདོད་པའི་ཚུལ་བསྟན།

ཚེས3ཉིན། ཨ་རིའི་ཙུང་ཐུང་གི་འགན་འཁུར་བར་སྒུག་པའི་ཐི་ལིང་ཕུའུ་ཡིས་སྤྱི་ཚོགས་སྨྱན་བྱད་སྟེང་རྩོམ་ཡིག་སྤེལ་ནས། ཟླ1ཚེས20ཉིན་ཏེ་ཁོས་ཙུང་ཐུང་གི་འགན་འཁུར་བའི་མཛད་སྒོའི་ཉིན་མོར་ཙུང་ཐུང་ཟུར་པ་ཅི་མི·ཁ་ཐེ་ཚེ་ལས་འདས་པའི་དབང་གིས་ཨ་རིའི་རྒྱལ་དར་མུ་མཐུད་དུ་ཕྱེད་ཙམ་ཕབ་པར་ཁོ་ཡིད་མི་དགའ་བའི་རྣམ་འགྱུར་བསྟན་ཡོད།

ཐི་ལིང་ཕུའུ་ཡིས་སྤྱི་ཚོགས་སྨྱན་བྱད་བརྒྱད་ནས་བཤད་རྒྱུར། ཁོའི་འགན་འཁུར་མཛད་སྒོའི་སྟེང་ཨ་རིའི་རྒྱལ་དར་ཕྱེད་ཙམ་ཕབ་པའི་གནས་ཚུལ་དྲན་ཚེ་དམངས་གཙོ་ཏང་གི་མི་ཚང་མ་དགའ་སྤྲོ་ཆེན་པོ་སྐྱེས་བཞིན་ཡོད་ཅེས་བཤད་པ་རེད།

ཐི་ལིང་ཕུའུ་ཡི་རྣམ་འགྱུར་དེ་སྐོར་འདྲི་སྐབས། ཕོ་བྲང་དཀར་པོའི་གསར་འགྱུར་དྲུང་ཡིག་ཁ་ལི་ན·རང-ཕེ་ཨེར་གྱིས་ཙུང་ཐུང་པའེ་ཏེང་གིས་དར་ཆ་ཕྱེད་ཙམ་ཕབ་པའི་འབྲེལ་ཡོད་བཀོད་སྒྲིག་ལ་བཟོ་བཅོས་རྒྱག་པའམ་ཡང་ན་བསྐྱར་དུ་དཔྱད་དཔོག་བྱེད་པར་བསམ་གཞིག་གཏོང་མི་སྲིད་ཅེས་བཤད།

2024ལོའི་ཟླ12པའི་ཚེས29ཉིན། ཁ་ཐེ་སྐུ་གཤེགས་པའི་ཉིན་དེར། པའེ་ཏེང་གིས་ ཁ་ཐེ་ཚེ་ལས་འདས་པར་ཨ་རིས་ཉིན30རིང་དར་ཆ་ཕྱེད་ཙམ་ཕབ་རྒྱུ་ཁྱབ་བསྒྲགས་བྱས།