པེད་ཏིན་གྱིས་ཨ་མེ་རི་ཁས་ཡང་བསྐྱར་ཝུའུ་ཁི་ལན་ལ་མེ་སྒོར་ཐེར་འབུམ་གཉིས་དང་དུང་ཕྱུར་ལྔའི་དམག་དོན་རོགས་སྐྱོར་འདོན་སྤྲོད་བྱེད་རྒྱུ་ཁྱབ་བསྒྲགས་བྱས།
ཨ་མེ་རི་ཁའི་ཙུང་ཐུང་པེད་ཏིན་གྱིས་ཚེས30ཉིན་བཤད་རྒྱུར། ཨ་མེ་རི་ཁས་ཡང་བསྐྱར་ཝུའུ་ཁི་ལན་ལ་སྤྱི་འབོར་མེ་སྒོར་ཐེར་འབུམ་གཉིས་དང་དུང་ཕྱུར་ལྔའི་དམག་དོན་རོགས་སྐྱོར་འདོན་སྤྲོད་བྱེད་རྒྱུ་ཡིན་ཟེར།
པེད་ཏིན་གྱིས་ཐེངས་འདིར་ཁྱབ་བསྒྲགས་བྱས་པའི་ཝུའུ་ཁི་ལན་གྱི་དམག་དོན་རོགས་སྐྱོར་དེ་ཁག་གཉིས་ཀྱིས་གྲུབ་ཡོད་ཅིང་། ཁག་གཅིག་ནི་པེད་ཏིན་གྱིས་ཙུང་ཐུང་གི་སྲིད་འཛིན་དབང་ཆ་ལག་བསྟར་བྱས་ནས་ཨ་མེ་རི་ཁའི་རྒྱལ་སྲུང་པུའུ་ཡི་མཛོད་ཁང་ནས་ཐད་ཀར་བླངས་པའི་མཚོན་ཆ་དང་མདེལ་རྫས་སོགས་ཡིན་པ་དང་། སྤྱིའི་རིན་ཐང་མེ་སྒོར་ཐེར་འབུམ་གཅིག་དང་དུང་ཕྱུར་གཉིས་བྱེ་བ་ལྔ་ཙམ་ཡིན་ལ། ཁག་གཞན་པ་ཞིག་ནི་ཨ་མེ་རི་ཁའི་རྒྱལ་ཚོགས་ཀྱིས་བཙུགས་པའི་ཝུའུ་ཁི་ལན་གྱི་བདེ་འཇགས་རོགས་སྐྱོར་གྲོས་འདོན་ལ་གཏོགས་པ་དང་། རིན་ཐང་མེ་སྒོར་ཐེར་འབུམ་གཅིག་དང་དུང་ཕྱུར་གཉིས་བྱེ་བ་གཉིས་ཙམ་ཡིན། འབྲེལ་ཡོད་ཀྱི་མཚོན་ཆ་དང་མདེལ་རྫས་སོགས་ཨ་མེ་རི་ཁའི་སྲིད་གཞུང་གིས་དམག་ཆས་ཚོང་བ་ལས་ཉོ་བསྡུ་བྱེད་དགོས་པ་དང་། ཐོན་སྐྱེད་ཡུན་ཚད་དང་རྩིས་སྤྲོད་བྱེད་པའི་དུས་ཚོད་བལྟོས་བཅས་ཀྱིས་ཅུང་རིང་བ་ཡིན།
ཨ་མེ་རི་ཁའི་རྒྱལ་སྲིད་སྤྱི་ཁྱབ་ཁང་གིས་ཉིན་དེར་སྤེལ་བའི་གསལ་སྒྲོག་ལས་མངོན་པ་ལྟར་ན། རིན་ཐང་མེ་སྒོར་ཐེར་འབུམ་གཅིག་དང་དུང་ཕྱུར་གཉིས་བྱེ་བ་ལྔ་ཡིན་པའི་ཝུའུ་ཁི་ལན་གྱི་རོགས་སྐྱོར་གྲས་སུ་མི་མེད་གནམ་གྲུར་ཆམ་ཕབ་གཏོང་བའི་མཁའ་སྲུང་མཚོན་ཆ་དང་མདེལ་རྫས་སོགས་ཀྱང་འདུས་ཡོད་པ་རེད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注