ཨུ་རུ་སི་དང་ཝུའུ་ཁི་ལན་ཕྱོགས་གཉིས་ཀྱིས་ཡང་བསྐྱར་བཟུང་དམག་བརྗེ་སྤོར་བྱས།

ཨུ་རུ་སིའི་རྒྱལ་སྲུང་པུའུ་ཡིས་ཚེས30ཉིན་དྲ་ཐོག་ཏུ་སྤྱི་སྒྲོག་སྤེལ་ནས། ཨུ་རུ་སི་དང་ཝུའུ་ཁི་ལན་གྱིས་ཉིན་དེར་ཡང་བསྐྱར་བཟུང་དམག་བརྗེ་སྤོར་བྱས་ཟེར།

ཨུ་རུ་སིའི་རྒྱལ་སྲུང་པུའུ་ཡིས་སྤེལ་བའི་སྤྱི་སྒྲོག་ལྟར་ན། གྲོས་མོལ་བྱས་པ་བརྒྱུད་ཨུ་རུ་སིའི་དམག་མི150ཝུའུ་ཁི་ལན་གྱིས་ཚོད་འཛིན་བྱེད་པའི་མངའ་ཁོངས་ནས་ཨུ་རུ་སིའི་ཕྱོགས་སུ་བསྐྱལ་བ་དང་། དེའི་བརྗེ་སྤོར་གྱི་ཚབ་ཏུ་ཨུ་རུ་སིའི་ཕྱོགས་ཀྱིས་ཝུའུ་ཁི་ལན་ལ་ཝུའུ་ཁི་ལན་གྱི་དམག་མི150སྤྲད་ཡོད་ཟེར།

ཨུ་རུ་སིའི་རྒྱལ་སྲུང་པུའུ་ཡིས་བསྟན་དོན། བརྗེ་སྤོར་བྱས་པའི་ཨུ་རུ་སིའི་དམག་མི་ཚང་མ་མིག་སྔར་ཨུ་རུ་སི་དཀར་པོར་དགོས་ངེས་ཀྱི་གསོ་བཅོས་དང་སེམས་གསོ་དང་ལེན་བྱེད་བཞིན་ཡོད་པ་དང་། ཁོ་ཚོ་ཨུ་རུ་སིར་བསྐྱལ་རྗེས་མུ་མཐུད་དུ་ཨུ་རུ་སིའི་དམག་ཕྱོགས་སྨན་ཁང་ནས་གསོ་བཅོས་དང་ལེན་བྱེད་རྒྱུ་རེད་ཟེར།

ཨུ་རུ་སིའི་རྒྱལ་སྲུང་པུའུ་ཡིས་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱིས་ཐེངས་འདིའི་བཟུང་དམག་བརྗེ་སྤོར་བྱ་བར་སྐུལ་འདེད་གཏོང་བའི་ཐད་བར་འདུམ་བྱས་པར་བཀའ་དྲིན་ཞུས།

ཝུའུ་ཁི་ལན་གྱི་ཙུང་ཐུང་ཙེ་ལེན་སི་ཅི་ཡིས་ཚེས་30ཉིན་དྲ་ཐོག་ཏུ་རྩོམ་ཡིག་སྤེལ་ཏེ། ཝུའུ་ཁི་ལན་གྱི་མི་སྣ189ཉིན་དེར་ཨུ་རུ་སི་ནས་བཙོན་གྲོལ་བཏང་སྟེ་ཕྱིར་རྒྱལ་ནང་དུ་ལོག་ཡོད་ཟེར།

ཙེ་ལེན་སི་ཅི་ཡིས་ད་རུང་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱིས་ནམ་རྒྱུན་ཨུ་རུ་སི་དང་ཝུའུ་ཁི་ཕྱོགས་གཉིས་ཀྱིས་བཟུང་དམག་བརྗེ་སྤོར་བྱེད་པའི་བྱ་བར་སྐུལ་འདེད་གཏོང་བར་འབད་འབུངས་བྱས་པར་བཀའ་དྲིན་ཞུས།