དབྱིན་ཇི་ཡིས་ཡང་བསྐྱར་ཝུའུ་ཁི་ལན་ལ་དབྱིན་ཇིའི་སྒོ་མོར་དུང་ཕྱུར་གཉིས་དང་བྱེ་བ་གཉིས་ས་ཡ་ལྔའི་དམག་དོན་རོགས་སྐྱོར་འདོན་སྤྲོད་བྱེད་རྒྱུ་རེད།

དབྱིན་ཇི་ཡིས་ཡང་བསྐྱར་ཝུའུ་ཁི་ལན་ལ་དབྱིན་ཇིའི་སྒོ་མོར་དུང་ཕྱུར་གཉིས་དང་བྱེ་བ་གཉིས་ས་ཡ་ལྔའི་དམག་དོན་རོགས་སྐྱོར་འདོན་སྤྲོད་བྱེད་རྒྱུ་རེད།

དབྱིན་ཇིའི་སྲིད་གཞུང་གིས་ཚེས19ཉིན་ཡང་བསྐྱར་ཝུའུ་ཁི་ལན་ལ་དབྱིན་ཇིའི་སྒོ་མོར་དུང་ཕྱུར་གཉིས་དང་བྱེ་བ་གཉིས་ས་ཡ་ལྔའི་དམག་དོན་རོགས་སྐྱོར་འདོན་སྤྲོད་བྱེད་རྒྱུ་མ་ཟད། མུ་མཐུད་དུ་ཝུའུ་ཁི་ལན་གྱི་གནད་དོན་ཐད་ཀྱི་རྒྱལ་སྤྱིའི་སྣེ་ཁྲིད་ནུས་པ་འདོན་སྤེལ་བྱེད་རྒྱུ་ཡིན་ཟེར།

དབྱིན་ཇིའི་རྒྱལ་སྲུང་པུའུ་ཡི་དཔོན་ཕྱོགས་དྲ་ཚིགས་ཀྱིས་ཚེས19ཉིན་གསལ་སྒྲོག་སྤེལ་ཏེ། དབྱིན་ཇི་ཡིས2025ལོར་ཝུའུ་ཁི་ལན་གྱི་གནད་དོན་ཐད་ཀྱི་རྒྱལ་སྤྱིའི་སྣེ་ཁྲིད་ནུས་པ་འདོན་སྤེལ་བྱེད་རྒྱུ་ཡིན་པ་དང་། དབྱིན་ཇིའི་སྒོར་མོ་དུང་ཕྱུར་གཉིས་དང་བྱེ་བ་གཉིས་ས་ཡ་ལྔའི་དམག་དོན་རོགས་སྐྱོར་གསར་བ་འདོན་སྤྲོད་བྱས་ཤིང་། མཚོ་ཐོག་གི་མི་མེད་གནམ་གྲུ་དང་གྲུ་གཟིངས། མཁའ་སྲུང་མ་ལག མི་མེད་གནམ་གྲུར་རྒོལ་བའི་མ་ལག་སོགས་ཀྱི་རོགས་སྐྱོར་ལ་བརྟེན་ནས་ཝུའུ་ཁི་ལན་གྱི་དམག་དོན་ནུས་པ་མཐོར་འདེགས་གཏོང་རྒྱུ་ཡིན་ཟེར།

གསལ་སྒྲོག་ལས་ད་རུང་བཤད་རྒྱུར། 2022ལོའི་དབྱར་ཁའི་ཚུན་ལ། ཝུའུ་ཁི་ལན་གྱི་དམག་མི་གསར་བ་ཁྲི་ལྔ་དང་སྟོང་གཅིག་ལྷག་གིས་དབྱིན་ཇིའི་མངའ་ཁོངས་སུ་སྦྱོང་བརྡར་དང་ལེན་བྱས། གཞན་ཡང་དབྱིན་ཇིའི་རྒྱང་སྒྲོག་ཀུང་ཟི་ཡིས་ཚེས19ཉིན་བསྒྲགས་པ་ལྟར་ན། དབྱིན་ཇིའི་རྒྱལ་སྲུང་པུའུ་ཡིས་དབྱིན་ཇིའི་དམག་ཕྱོགས་མི་སྣ་ཝུའུ་ཁི་ལན་དུ་མངག་ནས་རྒྱལ་ཁབ་དེའི་དྲག་ཆས་དམག་དཔུང་ལ་སྦྱོང་བརྡར་བྱེད་པར་བསམ་བློ་གཏོང་བཞིན་ཡོད་ཟེར།