མཚོ་སྔོན་གྱི་བརྩམས་ཆོས་གཉིས་ལ་སྐབས30པའི་ཀྲུང་གོའི་དངོས་བཤུས་གློག་བརྙན་གྱི་རིག་གཞུང་དངོས་བཤུས་གློག་བརྙན་རིགས་ཀྱི་བརྩམས་ཆོས་ལེགས་ཤོས་ཀྱི་མཚན་སྙན་ཐོབ།
ཟླ12པའི་ཚེས19ཉིན། མཚོ་སྔོན་རྒྱང་སྒྲོག་བརྙན་འཕྲིན་ཅུའུ་ནས་བསྒྲགས་པའི་གསར་འགྱུར་ལྟར་ན། ཉེ་ཆར། སྐབས30པའི་ཀྲུང་གོའི་དངོས་བཤུས་གློག་བརྙན་གྱི་རིག་གཞུང་དངོས་བཤུས་གློག་བརྙན་རིག་གཞུང་དགྱེས་འཛོམས་དེ་ཅང་སུའུ་ནན་ཅིན་དུ་མགོ་བརྩམས། སྐབས་འདིའི་རིག་གཞུང་དགྱེས་འཛོམས་ཀྱིས་བརྩམས་ཆོས1000ལྷག་གི་ཁྲོད་ནས་དངོས་བཤུས་གློག་བརྙན་ཐུང་གྲས་དང་བརྙན་ཐུང་། བརྙན་རིང་། མུ་འབྲེལ་དངོས་བཤུས། ལེ་ཚན་སོགས་རིགས་ལྔའི་བརྩམས་ཆོས“ལེགས་ཤོས་བཅུ”དང“ཕུལ་བྱུང་བཅུ”ཡི་བརྩམས་ཆོས། དེ་མིན་ཕུལ་བྱུང་སྒྲིག་ཁྲིད་པ་དང་རྩོམ་འབྲི། བརྙན་ལེན། སྒྲའི་ནུས་སོགས་བདམས་ཐོན་བྱུང་། དེའི་ཁྲོད། མཚོ་སྔོན་ཞིང་ཆེན་རྒྱང་སྒྲོག་བརྙན་འཕྲིན་ཅུའུ་ཡིས་ཇུས་འགོད་བྱས་པའི་དངོས་བཤུས་གློག་བརྙན《མཚོ་སྔོན་པོའི་སྲོག་གླུ》དང《ལེ་བར་སྟོང་གི་ས》གཉིས་ལ་སྐབས་འདིའི་བརྙན་རིང་རིགས་ཀྱི་བརྩམས་ཆོས་ལེགས་ཤོས་ཀྱི་མཚན་སྙན་ཐོབ།
ཤེས་གསལ་ལྟར་ན། རིག་གཞུང་དགྱེས་འཛོམས་དེ་ནི་ཉེ་ཆར་རྒྱལ་ནང་དུ་སྤེལ་བའི་དུས་ཡུན་ཆེས་རིང་བ་དང་། གཞི་ཁྱོན་ཆེས་མཐོ་བ། ཤན་ཤུགས་ཆེས་ཆེ་བའི་དངོས་བཤུས་གློག་བརྙན་གྱི་དགྱེས་འཛོམས་གྲས་ཀྱི་གཅིག་ཡིན། རྒྱལ་ཡོངས་ཀྱི་ས་གནས་སོ་སོའི་དངོས་བཤུས་གློག་བརྙན་གསར་རྩོམ་མཁན་དང་། སྨྱན་བྱད་འཐུས་ཚབ་པ་མི600ལྷག་ལྷན་གཅིག་ཏུ་འཛོམས་ནས། འདས་པའི་ལོ་ངོ་གཅིག་གི་དངོས་བཤུས་གློག་བརྙན་གསར་རྩོམ་གྱི་འབྲས་བུར་ཕྱིར་མིག་བལྟས་པ་དང་། མ་འོངས་པའི་དངོས་བཤུས་གློག་བརྙན་ལས་རིགས་ཀྱི་འཕེལ་རྒྱས་ཁ་ཕྱོགས་ལ་བགྲོ་གླེང་བྱས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注