ཕུའུ་ཅིན་གྱིས་ཨུ་རུ་སི་ཡིས་བཀོད་པའི་གྲོས་མཐུན་གཞིར་བཟུང་ནས་ཝུའུ་ཁི་ལན་བར་གྱི་གྲོས་མོལ་མངོན་འགྱུར་བྱེད་འདོད་ཡོད་པའི་ཚུལ་བསྟན།
ཨུ་རུ་སིའི་ཙུང་ཐུང་ཕུའུ་ཅིན་གྱིས་ཚེས19ཉིན་བསྟན་དོན། ཨུ་རུ་སི་ཡིས་ སྔོན་འགྲོའི་ཆ་རྐྱེན་ཅི་ཡང་མེད་པའི་གནས་ཚུལ་འོག་ཝུའུ་ཁི་ལན་གྱི་གནད་དོན་ལ་གྲོས་མོལ་བྱེད་པར་གྲ་སྒྲིག་བྱས་ཡོད་ཀྱང་། གྲོས་མོལ་དེས་མིག་སྔའི་གནས་བབ་དང་སྔོན་ཆད་བཀོད་པའི་གྲོས་མཐུན་གཞིར་འཛིན་དགོས་ཟེར། ཝུའུ་ཁི་ལན་གྱི་ཙུང་ཐུང་ཙེ་ལེན་སི་ཅི་ཡིས་ཉིན་དེར་ཡོ་རོབ་གླིང་མནའ་འབྲེལ་གྱིས་ལངས་ཕྱོགས་གསལ་བོའི་སྒོ་ནས་ཨ་མེ་རི་ཁས་ཨུ་རུ་སིར་ཕྱོགས་ཡོངས་ནས་གནོན་ཤུགས་སྟེར་བར་སྐུལ་འདེད་གཏོང་དགོས་པའི་འབོད་སྐུལ་བཏང་།
ཕུའུ་ཅིན་གྱིས་ཚེས19ཉིན་ལོ་ཧྲིལ་བོའི་གནས་ཚུལ་སྤྱི་བསྡོམས་ཀྱི་གསར་འགོད་པའི་སྣེ་ལེན་ཚོགས་འདུ་ཆེན་མོའི་སྟེང་བཤད་རྒྱུར། ང་ཚོས་སྔོན་འགྲོའི་ཆ་རྐྱེན་ཅི་ཡང་མེད་པའི་གནས་ཚུལ་འོག་གྲོས་མོལ་བྱེད་འདོད་ཡོད་ཀྱང་། གྲོས་མོལ་དེས་དབྱི་སི་ཐན་པོར་གྲོས་མོལ་ནས་བཀོད་པའི་གྲོས་མཐུན་དང་དོན་དངོས་གནས་ཚུལ་རྨང་གཞིར་བྱེད་དགོས་ཟེར། ཕུའུ་ཅིན་གྱིས་བསྟན་དོན། ངེས་པར་དུ་ནན་བཤད་བྱེད་དགོས་པ་ཞིག་ནི་ཨུ་རུ་སི་ཡིས་ཁྲིམས་མཐུན་འཐུས་མི་ཁོ་ནའི་བར་གྲོས་མཐུན་འགོད་རྒྱུ་ཡིན་ཟེར།
པུའུ་ལུའུ་སེར་དུ་འཚམས་འདྲི་བྱེད་བཞིན་པའི་ཙེ་ལེན་སི་ཅི་ཉིན་དེར་གདན་ཞུས་ལྟར་ཡོ་རོབ་གླིང་ལས་འཛིན་ལྷན་ཚོགས་ཀྱི་གྲོས་ཚོགས་ལ་ཞུགས་པར་མ་ཟད་གཏམ་བཤད་སྤེལ་ཏེ། ཡོ་རོབ་གླིང་དང་ཨ་མེ་རི་ཁས་ཨུ་རུ་སི་དང་ཝུའུ་ཁི་ལན་གྱི་འཁྲུག་རྩོད་མཇུག་སྒྲིལ་བར་སྐུལ་འདེད་གཏོང་བ་དང་། དྲང་བདེན་དང་བློ་གཏད་རུང་བའི་ཞི་བདེ་མངོན་འགྱུར་བྱེད་དུ་འཇུག་དགོས་ཟེར། ཁོས་ཡོ་རོབ་གླིང་མནའ་འབྲེལ་གྱིས་ལངས་ཕྱོགས་གསལ་བོའི་སྒོ་ནས་ཨ་མེ་རི་ཁས་ཨུ་རུ་སིར་ཕྱོགས་ཡོངས་ནས་གནོན་ཤུགས་སྟེར་བར་སྐུལ་འདེད་གཏོང་དགོས་པའི་འབོད་སྐུལ་བཏང་།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注