ནེ་ཀྲི་རི་ཡཱ་རུ་རྡོག་བརྫིས་དོན་རྐྱེན་བྱུང་སྟེ་ཉུང་མཐར་ཡང་བྱིས་པ30རྐྱེན་ལམ་དུ་ཤོར།
ནེ་ཀྲི་རི་ཡཱའི་སྨྱན་བྱད་ཀྱིས་བསྒྲགས་པ་ལྟར་ན། རྒྱལ་ཁབ་དེའི་ལྷོ་ནུབ་ཕྱོགས་ཀྱི་ཨོ་ཡའོ་མངའ་སྡེའི་ལྟེ་གནས་གྲོང་ཁྱེར་དབྱེ་པཱ་ཏན་དུ་ཚེས18ཉིན་རྡོག་བརྫིས་དོན་རྐྱེན་བྱུང་སྟེ། ཉུང་མཐར་ཡང་བྱིས་པ30རྐྱེན་ལམ་དུ་ཤོར་བ་དང་། གཞན་ཡང་མི་མང་བོར་རྨས་ཕོག་ཡོད་ཟེར།
བསྒྲགས་པ་ལྟར་ན། རྡོག་བརྫིས་དོན་རྐྱེན་དེ་པཱ་སོ་ལུང་ས་ཁུལ་གྱི་དབྱེ་སི་ལན་མཐོ་འབྲིང་ནས་བྱུང་བ་དང་། སྐབས་ཐོག་དེར་རོལ་རྩེད་བྱ་འགུལ་སྤེལ་བཞིན་ཡོད། རྩ་འཛུགས་མཁན་གྱིས་ཡུལ་དངོས་ནས་བྱིས་པ་སྟོང་ལྔ་ཙམ་ལ་ལག་སྒོར་མང་བོ་བྱིན་པས། ཡུལ་དངོས་སུ་འཕྲོག་རྩོད་བྱེད་པའི་སྣང་ཚུལ་བྱུང་སྟེ་རྡོག་བརྫིས་དོན་རྐྱེན་བྱུང་བ་རེད་ཟེར།
ཨོ་ཡའོ་མངའ་སྡེའི་འགོ་བ་སེ་དབྱེ་མཱ་ཅིན་ཏི་ཡིས་གསལ་སྒྲོག་སྤེལ་ཏེ། རྡོག་བརྫིས་དོན་རྐྱེན་དེ་ལས་མི་མང་བོར་ཤི་རྨས་བཟོས་ཡོད་པ་དང་། དེ་ནི་ཨོ་ཡའོ་མངའ་སྡེ་ལ་མཚོན་ན་སྐྱོ་སྡུག་གི་ཉིན་ཞིག་རེད་ཟེར། སྨན་བཅོས་མི་སྣ་དང་ཉེན་སྐྱོབ་རླངས་འཁོར་ཡུལ་དངོས་སུ་འབྱོར་ནས་རོགས་སྐྱོར་བྱེད་བཞིན་ཡོད་པ་དང་། བྱ་འགུལ་དེའི་རྩ་འཛུགས་མཁན་འཛིན་བཟུང་བྱས་ཡོད་ལ། དོན་རྐྱེན་དེར་རྟོག་ཞིབ་བྱེད་བཞིན་པའི་སྒང་ཡིན་ཟེར།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注