རྒྱ་གར་གྱི་གྲུ་གཟིངས་ཤིག་དང་དམག་དོན་གྲུ་གཟིངས་ཤིག་ཐོ་བརྒྱབ་སྟེ་ཉུང་མཐར་ཡང་མི13རྐྱེན་ལམ་དུ་ཤོར།
རྒྱ་གར་སྨྱན་བྱད་ཀྱིས་བསྒྲགས་པ་ལྟར་ན། རྒྱ་གར་གྱི་མི110ལྷག་དྲུད་པའི་གྲུ་གཟིངས་ཤིག་ཚེས18ཉིན་མིན་མེད་ཉེ་འདབས་ཀྱི་མཚོ་ཁོངས་ནས་ཁ་ལོ་བྱེད་ཐབས་བྲལ་བའི་དམག་དོན་མྱུར་བགྲོད་གྲུ་གཟིངས་ཤིག་ལ་ཐོབ་བརྒྱབ་རྗེས་ལོག་སྟེ། ཉུང་མཐར་ཡང་མི13རྐྱེན་ལམ་དུ་ཤོར་ཟེར།
བསྒྲགས་པ་ལྟར་ན། མཚོ་དམག་གི་མྱུར་བགྲོད་གྲུ་གཟིངས་དེ་དོན་རྐྱེན་བྱུང་སྐབས་ཚོད་ལྟ་བྱེད་བཞིན་ཡོད་ཀྱང་། སྒུལ་འཁོར་ལ་གློ་བུར་དུ་ཆག་སྐྱོན་བྱུང་སྟེ་ཚོད་འཛིན་བྱེད་ཐབས་བྲལ་ནས་མྱུར་མོར་གྲུ་གཟིངས་དེར་ཐོ་བརྒྱབ་པ་རེད། རྒྱ་གར་གྱི་མཚོ་དམག་དང་ས་དེའི་མཚོ་འགྲམ་ཉེན་སྲུང་རུ་ཁག་གིས་མྱུར་མོར་རྒུད་སྐྱོབ་བྱ་འགུལ་སྤེལ་བ་དང་། ཉིན་དེའི་དགོང་མོའི་བར་མི99བསྐྱབས་ནས་ཉེ་འདབས་ཀྱི་སྨན་ཁང་དུ་བསྐྱལ་ཡོད་ཟེར།
དོན་རྐྱེན་དེ་བྱུང་རྗེས། རྒྱ་གར་གྱི་ཙུང་ཐུང་མུའུ་ཨར་མུའུ་ཡིས་དྲ་ཐོག་ཏུ་རྩོམ་ཡིག་སྤེལ་ནས་མྱ་ངན་ཞུ་བའི་ཚུལ་བསྟན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注