ཧྥ་རན་སིའི་ཁོངས་གཏོགས་ཀྱི་མཱ་ཡུའེ་ཐི་གླིང་ཕྲན་དུ་ཚ་ཁུལ་དབུགས་འཁྱིལ་གྱི་གནོད་འཚེ་ཐེབས་པར་ཧྥ་རན་སི་རྒྱལ་ཡོངས་ནས་མྱ་ངན་ཞུ་རྒྱུ་རེད།

ཧྥ་རན་སིའི་ཁོངས་གཏོགས་ཀྱི་མཱ་ཡུའེ་ཐི་གླིང་ཕྲན་དུ་ཚ་ཁུལ་དབུགས་འཁྱིལ་གྱི་གནོད་འཚེ་ཐེབས་པར་ཧྥ་རན་སི་རྒྱལ་ཡོངས་ནས་མྱ་ངན་ཞུ་རྒྱུ་རེད།

ཉེ་ལམ་ཧྥ་རན་སིའི་ཁོངས་གཏོགས་ཀྱི་མཱ་ཡུའེ་ཐི་གླིང་ཕྲན་དུ་ཚ་ཁུལ་དབུགས་འཁྱིལ་ཆི་ཏོ་ཞེས་པའི་གནོད་འཚེ་ཐེབས་པ་ལས། མི་སྣར་ཤི་རྨས་ཚབས་ཆེན་དང་རྒྱུ་ནོར་གྱོང་གུད་བཟོས་པས། ཚེས16ཉིན་ཧྥ་རན་སིའི་ཙུང་ཐུང་མཱ་ཁི་ལུང་གིས་ཧྥ་རན་སི་རྒྱལ་ཡོངས་ནས་དེར་མྱ་ངན་ཞུ་རྒྱུ་ཡིན་པ་ཁྱབ་བསྒྲགས་བྱས།

མཱ་ཁི་ལུང་གིས་ཉིན་དེའི་དགོང་མོར་མཱ་ཡུའེ་ཐི་གླིང་ཕྲན་གྱི་གནོད་འཚེའི་གནས་ཚུལ་ལ་གཞིགས་ནས་བསྡུས་པའི་ཁོངས་བརྒལ་སྡེ་ཁག་གི་འཕྲལ་བསྟུན་གྲོས་ཚོགས་ལ་འགོ་འཛིན་བྱས། ཁོས་གྲོས་ཚོགས་རྗེས་སུ་སྤྱི་ཚོགས་སྨྱན་བྱད་སྟེང་རྩོམ་ཡིག་སྤེལ་ནས། བྲེལ་མྱུར་བྱེད་ཐབས་ཡོད་ཚད་བསྡུ་ལེན་བྱས་ནས་གནོད་ཐེབས་མང་ཚོགས་སྐྱོབ་རོགས་བྱེད་པ་དང་། དུས་མཉམ་དུ་གནོད་རྗེས་བསྐྱར་འཛུགས་བྱ་བར་ཧུར་བརྩོན་བྱེད་རྒྱུ་ཡིན་ཟེར། མཱ་ཁི་ལུང་གིས་ད་དུང་ཁོ་ཉིན་འགའི་ནང་མཱ་ཡུའེ་ཐི་གླིང་ཕྲན་དུ་འགྲོ་རྒྱུ་ཡིན་པའི་ཚུལ་བསྟན།

ཚེས14ཉིན་ཚ་ཁུལ་དབུགས་འཁྱིལ་ཆི་ཏོ་ཞེས་པས་ཧིན་རྡུ་རྒྱ་མཚོའི་མཱ་ཡུའེ་ཐི་གླིང་ཕྲན་དུ་གནོད་སྐྱོན་བཟོས། ཧྥ་རན་སིའི་སྨྱན་བྱད་ཀྱིས་ཚེས16ཉིན་གྱི་དགོང་མོར་གསར་འགྱུར་སྤེལ་བ་ལྟར་ན། མིག་སྔར་དཔོན་ཕྱོགས་ཀྱི་བསྡོམས་རྩིས་བྱས་པའི་འདས་པོའི་ཁ་གྲངས21རེད། མཱ་ཡུའེ་ཐི་ཞིང་ཆེན་གྱི་ཧྲིན་ཀྲང་ཧྥོ་ལང་སོ་ཝ་ཡིས་ཚེས15ཉིན་གྱི་དགོང་མོར་སྨྱན་བྱད་ལ་བཤད་རྒྱུར། དོན་དངོས་ཀྱི་འདས་པོའི་ཁ་གྲངས་བརྒྱ་ཕྲག་གམ་ཡང་ན་སྟོང་ཕྲག་ཁ་ཤས་སུ་སླེབས་པར་འདོད། ཧྥ་རན་སིའི་ནང་སྲིད་པུའུ་ཀྲང་ཚབ་མ་པུའུ་ལུའུ་ནོ་ཡིས་ཚེས16ཉིན་གནོད་འཚེ་ཐེབས་ཁུལ་དུ་ཞིབ་བཤེར་བྱས་རྗེས་སྨྱན་བྱད་ལ་བཤད་རྒྱུར། ཁོས་ཤི་རྨས་ཀྱི་གནས་ཚུལ་ཐད་ནས་དཔྱད་འཇོག་མི་སྤེལ་ཟེར་ཞིང་། དེར་བསྡོམས་རྩིས་བྱེད་དགོས་ན་ཉི་མ་མང་པོ་དགོས་པར་འདོད།

མཱ་ཡུའེ་ཐི་གླིང་ཕྲན་ནི་གླིང་ཚོམས་ཤིག་ཡིན་ལ། དེ་ཧྥེ་གླིང་ཤར་ལྷོའི་མཚོ་རྒྱུད་ཕྱིའི་ཧིན་རྡུ་རྒྱ་མཚོའི་སྟེང་ཆགས་ཡོད།