དབྱི་ལང་གི་ཙུང་ཐུང་གིས་ཐུར་ཁེ་བར་གྱི་ཁྱབ་ཁོངས་སོ་སོའི་མཉམ་ལས་རྒྱ་བསྐྱེད་འདོད་ཡོད་པར་བསྟན།

དབྱི་ལང་གི་ཙུང་ཐུང་ཕེ་ཙི་ཞི་ཆི་དབྱང་གིས་ཚེས11ཉིན་བསྟན་དོན། དབྱི་ལང་གིས་ཐུར་ཁེ་བར་གྱི་ཁྱབ་ཁོངས་སོ་སོའི་མཉམ་ལས་རྒྱ་བསྐྱེད་འདོད་ཡོད་པར་བསྟན།

དབྱི་ལང་ཙུང་ཐུང་བཞུགས་ཤག་གིས་གསལ་བསྒྲགས་སྤེལ་བ་ལྟར་ན། ཕེ་ཙི་ཞི་ཆི་དབྱང་གིས་ཉིན་དེར་རྒྱལ་ས་ཐེ་ཧེ་རན་དུ་འཚམས་འདྲིར་འབྱོར་བའི་ཐུར་ཁེའི་ཚོང་དོན་པུའུ་ཀྲང་པའོ་ལཱ་ཐི་དང་ཐུག་འཕྲད་བྱེད་སྐབས་བསྟན་དོན། དབྱི་ལིང་གིས་བློ་རྩ་བརྟན་པོས་མུ་མཐུད་དུ་ཐུར་ཁེ་བར་མཉམ་ལས་བྱེད་པ་དང་། ཐུར་ཁེའི་བར་གྱི་འབྲེལ་བ་ཇེ་ཟབ་ཏུ་བཏང་ནས་ཁྱབ་ཁོངས་སོ་སོའི་མཉམ་ལས་རྒྱ་བསྐྱེད་འདོད་ཡོད་ཟེར། ཁོས་ད་དུང་སྔོན་ལ་མིང་བཀོད་པའི་ཕྱོགས་གཉིས་ཀྱི་གྲོས་ཆོད་ལག་བསྟར་བྱེད་པའི་དགོས་ངེས་རང་བཞིན་ནན་གྱིས་བསྟན།

ཕེ་ཙི་ཞི་ཆི་དབྱང་གིས་བཤད་རྒྱུར། དབྱི་སི་ལན་རྒྱལ་ཁབ་ཀྱིས་ཕན་ཚུན་བར་གྱི་མཉམ་ལས་སྔར་ལས་རྒྱ་བསྐྱེད་དགོས། གལ་ཏེ་དབྱི་སི་ལན་རྒྱལ་ཁབ་ཀྱིས་ཉོ་ཚོང་ཁྲོམ་ར་དང་འགྲིམ་འགྲུལ་སོགས་ཁྱབ་ཁོངས་སུ་ཕན་ཚུན་བར་ནུས་པ་དང་སྦས་ཤུགས་མཉམ་སྤྱོད་བྱས་ཚེ། དབྱི་སི་ལན་དང་འཛམ་གླིང་ཡོངས་ཀྱིས་དེའི་ཁྲོད་ཁེ་ཕན་རག་ནས་སྔར་ལས་སྟོབས་ལྡན་དུ་འགྱུར་སྲིད་ཟེར།

ཕེ་ཚི་ཞི་ཆི་དབྱང་གིས་བཤད་རྒྱུར། ད་སྐབས། དབྱི་ལང་གི་གནད་དོན་གཅིག་ནི་ཨ་རི་དང་ཡོབ་གླིང་གིས་དྲང་བཞག་མིན་པའི་ཁྲུན་གཅོད་ལག་བསྟར་བྱས་པ་དེ་ཡིན་མོད། ང་ཚོས་ཁོ་ཚོར་མགོ་མི་སྒུར་ཁོ་ཐག་ཡིན་ཟེར། ཁོས་དབྱི་ལང་གིས་ཐུར་ཁེ་བར་དངུལ་རྩའི་ཕྱོགས་ཀྱི་མཉམ་ལས་བྱེད་པའི་རེ་བ་འདོན་ཀྱིན་ཡོད་དེ། དམིགས་ཡུལ་ནི་ཕྱོགས་གཉིས་ཉོ་ཚོང་ཁྲོད་ཀྱི་ཨ་སྒོར་གྱི་ཤུགས་རྐྱེན་ཇེ་ཆུང་དུ་གཏོང་ཆེད་ཡིན་པར་བསྟན། 

པའོ་ལཱ་ཐི་ཡིས་ཐུག་འཕྲད་བྱེད་སྐབས་རྒྱལ་ཁབ་གཉིས་ཀྱི་ལོ་རེའི་ཨ་སྒོར་ཐེར་ཆེན་གསུམ་གྱི་ཕྱོགས་གཉིས་ཉོ་ཚོང་དམིགས་འབེན་གླེང་བར་མ་ཟད། ཐུར་ཁེ་ཡིས་དམིགས་འབེན་འདི་མངོན་འགྱུར་བྱེད་ཆེད་འབད་བརྩོན་ལྷོད་མེད་བྱེད་བཞིན་ཡོད་ཟེར། ཁོས་ཡང་བསྐྱར་བསྟན་དོན། ཐུར་ཁེ་ཡིས2014ལོར་དབྱི་ལང་བར་མིང་བཀོད་པའི་གཟིགས་སྐྱོང་ཉོ་འཚོང་ཆོད་དོན་སླར་གསོ་བྱས་ནས་ལག་བསྟར་བྱེད་འདོད་ཡོད་པར་མ་ཟད། དབྱི་ལིང་ཕྱོགས་དང་ཕྱོགས་ཡོངས་ཆོད་དོན་ཞིག་འགོད་པའི་རེ་བ་བཏོན་ནས། ཐུར་ཁེའི་ཡུལ་སྐོར་བ་དབྱི་ལང་དུ་ལྗོངས་རྒྱུར་འགྲོ་བར་སྟབས་བདེ་བཟོ་དགོས་ཟེར།