སི་རི་ཡའི་རྒྱལ་ས་ཏ་མ་ཧྲི་ཀི་ཡི་མཚན་འགྲུལ་བཀག་སྡོམ་མེད་པར་བཟོས།

སི་རི་ཡའི་ཧྲ་མུའུ་བཅིངས་འགྲོལ་དྲག་ཆས་དམག་དཔུང་གིས་ཚེས11ཉིན་ཁྱབ་བསྒྲགས་བྱས་ནས། རྒྱལ་ས་ཏ་མ་ཧྲི་ཀི་ཡི་མཚན་འགྲུལ་བཀག་སྡོམ་མེད་པར་བཟོས་པ་དང་མཉམ་དུ།   སི་རི་ཡའི་མི་དམངས་ཕྱིར་ལས་གནས་སུ་ལོག་པར་འབོད་སྐུལ་བཏང་། 

ཁ་ཐར་ཕྱེད་གླིང་བརྙན་འཕྲིན་ཁང་གིས་ཚེས11ཉིན་གནས་ཚུལ་སྤེལ་བ་ལྟར་ན།   སི་རི་ཡ་བར་བརྒལ་སྲིད་གཞུང་གི་ལྟ་སྲུང་ཙུང་ལི་མུའུ་ཧན་མུའུ་ཏེ་པ་ཞི་ཨར་གྱིས་ཁོའི་དམིགས་ཡུལ་གཙོ་བོ་ཞིག་ནི་ཕྱི་རོལ་ཏུ་ཡོད་པའི་སི་རི་ཡའི་ཡུལ་གྱར་པ་དག་ཕྱིར་རང་རྒྱལ་དུ་ལོག་ཏུ་འཇུག་རྒྱུ་དེ་ཡིན་ཟེར།

སྨྱན་བྱད་དེས་ད་དུང་གནས་ཚུལ་སྤེལ་དོན།   བསྟུད་མར་ཉིན་འདི་དག་གི་རིང་།   རྒྱལ་ས་ཏ་མ་ཧྲི་ཀི་སོགས་སི་རི་ཡའི་ས་གནས་མང་པོར་དབྱི་སི་རལ་གྱི་མཁའ་རྒོལ་ཐེངས་ལྔ་བརྒྱར་ཉེ་བ་ལྷག་ཐེབས་ཡོད་ཟེར།

སི་རི་ཡའི་ཧྲ་མུའུ་བཅིངས་འགྲོལ་དྲག་ཆས་དམག་དཔུང་ནི་ཐེངས་འདིའི་པ་ཧྲ་ཨར་ཨ་ས་ཏི་སྲིད་གཞུང་འགོ་རྟིང་སློག་པའི་གཙོ་ཤུགས་དམག་དཔུང་གི་གྲས་ཡིན།  ཉིན་འདི་དག་གི་རིང་ལ་སི་རི་ཡའི་སྲིད་གཞུང་ལ་འགྱུར་བ་ཆེན་པོ་བྱུང་ཡོད།   ཚེས8ཉིན་སི་རི་ཡའི་ཧྲ་མུའུ་བཅིངས་འགྲོལ་དྲག་ཆས་དམག་དཔུང་གིས་རྒྱལ་ས་ཏ་མ་ཧྲི་ཀི་བཅིངས་འགྲོལ་དང་ཨ་ས་ཏི་སྲིད་གཞུང་འགོ་རྟིང་སློག་ནས་མཚན་འགྲུལ་བཀག་སྡོམ་མེད་པར་བཟོས་པ་ཁྱབ་བསྒྲགས་བྱས།   མུའུ་ཧན་མུའུ་ཏི་པ་ཞི་ཨར་ལྟ་སྲུང་ཙུང་ལི་ཡིན་པའི་སི་རི་ཡ་བར་བརྒལ་སྲིད་གཞུང་གིས་ཚེས10 ཉིན་སྲིད་དབང་བདག་བཟུང་བྱེད་རྒྱུ་རེད།