དབྱེ་ཝེ་ལཱ་ཡིས་བསྟུད་མར་འཛམ་གླིང་ཉོ་ཚོང་རྩ་འཛུགས་ཀྱི་སྤྱི་ཁྱབ་ལས་འཛིན་པའི་འགན་ཁུར།

དབྱེ་ཝེ་ལཱ་ཡིས་བསྟུད་མར་འཛམ་གླིང་ཉོ་ཚོང་རྩ་འཛུགས་ཀྱི་སྤྱི་ཁྱབ་ལས་འཛིན་པའི་འགན་ཁུར།

འཛམ་གླིང་ཉོ་ཚོང་རྩ་འཛུགས་ཀྱིས་ཚེས29ཉིན་ལས་འཛིན་ལྷན་ཚོགས་ཀྱི་དམིགས་བསལ་གྲོས་ཚོགས་བསྡུས་ཏེ། དབྱེ་ཝེ་ལཱ་ཡིས་བསྟུད་མར་སྤྱི་ཁྱབ་ལས་འཛིན་པའི་འགན་ཁུར་བར་གཅིག་གྱུར་འཐད་པ་བྱུང་།

འཛམ་གླིང་ཉོ་ཚོང་རྩ་འཛུགས་ཀྱིས་ཉིན་དེར་སྤེལ་བའི་གསར་འགྱུར་སྤྱི་སྒྲོག་ལས་བཤད་རྒྱུར། དབྱེ་ཝེ་ལཱ་ཡིས2025ལོའི་ཟླ9བའི་ཚེས1ཉིན་ལོ་བཞིའི་འགན་ཡུན་ཐེངས་གཉིས་པ་མགོ་རྩོམ་རྒྱུ་ཡིན་པ་དང་། འཛམ་གླིང་ཉོ་ཚོང་རྩ་འཛུགས་ཀྱིས་ད་ལོའི་ཟླ10བར་སྤྱི་ཁྱབ་ལས་འཛིན་པ་གསར་བ་འདེམ་བསྐོ་བྱེད་པའི་ལས་རིམ་མགོ་བརྩམས་པ་ཡིན་ལ། དབྱེ་ཝེ་ལཱ་ནི་སྐབས་གསར་བའི་སྤྱི་ཁྱབ་ལས་འཛིན་པའི་འདེམ་སྒུག་མི་སྣ་གཅིག་པུ་རེད་ཟེར།

དབྱེ་ཝེ་ལཱ་ད་ལོར་ལོ70ཡིན་པ་དང་། སྔོན་ཆད་འཛམ་གླིང་དངུལ་ཁང་དུ་ལོ25རིང་བྱ་བ་བསྒྲུབས་མྱོང་བར་མ་ཟད་རྒྱུན་ལས་མགོ་གཙོ་གཞོན་པའི་འགན་ཁུར་མྱོང་། ཁོ་མོས་ད་རུང་སྔ་གཞུག་ཏུ་ནེ་ཀྲི་རི་ཡཱའི་ནོར་སྲིད་པུའུ་ཀྲང་དང་ཕྱི་འབྲེལ་པུའུ་ཀྲང་གི་འགན་ཁུར་མྱོང་བར་མ་ཟད། འཛམ་གླིང་ཡོངས་ཀྱི་འགོག་སྨན་མནའ་འབྲེལ་གྱི་ཏུང་ཧྲི་ཚོགས་པའི་ཀྲུའུ་ཞིའི་འགན་ཡང་ཁུར་མྱོང་།

དབྱེ་ཝེ་ལཱ་ནི་འཛམ་གླིང་ཉོ་ཚོང་རྩ་འཛུགས་ཀྱི་ལོ་རྒྱུས་སྟེང་གི་བུད་མེད་སྤྱི་ཁྱབ་ལས་འཛིན་པ་ཐོག་མ་དང་ཨ་ཧྥེ་རི་ཁ་གླིང་ནས་ཡོང་བའི་སྤྱི་ཁྱབ་ལས་འཛིན་པ་ཐོག་མ་ཡིན་ལ། ཁོ་མོས2021ལོ་ནས་བཟུང་ལས་འགན་ཁུར་བ་རེད།