མཚོ་སྔོན་གྱིས་བསྟུད་མར་ཡོང་འབབ་དམའ་བའི་མི་གྲངས་ལ་རོགས་སྐྱོར་བྱེད་པའི་གོ་རིམ་ཚད་ལྡན་དུ་བཏང་།

ཟླ་བཅུ་གཉིས་པའི་ཚེས་ཉེར་གསུམ་ཉིན་ཞིང་ཆེན་དམངས་སྲིད་ཐིན་གྱིས་ཡོང་འབབ་དམའ་བའི་མི་གྲངས་གཏན་འཁེལ་དང་རོགས་སྐྱོར་ལས་དོན་སྔར་བས་ཚད་ལྡན་དུ་གཏོང་བའི་སྐོར་གྱི་བརྡ་ཐོ་བཀྲམ་ནས་ཡོང་འབབ་དམའ་བའི་མི་གྲངས་གཏན་འཁེལ་དང་རོགས་སྐྱོར་གྱི་སྲིད་ཇུས་བྱེད་ཐབས་ཞིབ་ཚགས་དང་འཐུས་སྒོ་ཇེ་ཚང་དུ་བཏང་སྟེ་ཁྱོན་ཡོངས་ལ་ཁྱབ་པ་དང་། རིམ་པ་དང་དབྱེ་བ། ཕྱོགས་བསྡུས་ནུས་ཤུགས་ཀྱི་སྤྱི་ཚོགས་རོགས་སྐྱོབ་མ་ལག་འཐུས་སྒོ་ཇེ་ལེགས་སུ་གཏོང་རྒྱུར་སྐུལ་འདེད་བཏང་སྟེ་སྤྱི་ཚོགས་རོགས་སྐྱོབ་ཁྱབ་ཁོངས་ཀྱི་འགན་ལེན་བྱེད་དགོས་པ་ཚང་མར་འགན་ལེན་བྱེད་པའི་ལས་དོན་ལེགས་པོར་བསྒྲུབས།

བརྡ་ཐོའི་ནང་མཉམ་དུ་འཚོ་བ་རོལ་བའི་ཁྱིམ་ཚང་གི་ཁོངས་མི་དང་ཁྱིམ་ཚང་གི་རྒྱུ་ནོར་ཁྱབ་ཁོངས་ཐད་གཏན་འབེབས་ཞིབ་ཕྲ་བྱས་ཏེ། ཁྱིམ་ཚང་གི་ཡོང་འབབ་ལྟར་འགྲོ་གྲོན་ཞིབ་རྩིས་དང་དཔྱ་ཁྲལ་མེད་པར་བཟོ་བ་སོགས་ཀྱི་གནས་ཚུལ་སྔར་ལས་ཁ་གསལ་བཟོས་ཡོད་པ་རེད། མཉམ་དུ་འཚོ་བ་རོལ་བཞིན་པའི་ཁྱིམ་མི་གཏན་འཁེལ་བྱེད་པའི་ཐད་ནས་ཁྱིམ་ཚང་གི་ཁོངས་མིའི་འབྲེལ་བ་དང་། ཡུན་རིང་མཉམ་དུ་སྡོད་པ་སོགས་ཀྱི་རྒྱུ་རྐྱེན་ཁོ་ནར་བསམ་བློ་བཏང་སྟེ། ཁྱིམ་ཐོ་གཅིག་ཡིན་མིན་བརྡར་ཤ་གཅོད་པའི་གཞི་འཛིན་སར་བྱེད་མི་ཆོག་པ་དང་། ཁྱིམ་ཚང་གི་རྒྱུ་ནོར་ངོས་འཛིན་ཐད་ཕྱོགས་བསྡུས་ཀྱིས་རྒྱུ་ནོར་གྱི་རིན་ཐང་དངོས་དང་། ཉིན་རྒྱུན་གྱི་འཚོ་བའི་དགོས་མཁོ་དང་ཐོན་སྐྱེད་རྒྱུ་ཆ། དུས་ལྟར་ལག་སྒོར་དུ་བསྒྱུར་ཐུབ་མིན་སོགས་ཀྱི་རྒྱུ་རྐྱེན་ལ་བསམ་བློ་བཏང་སྟེ། རྣམ་པ་སྣ་ཚོགས་ཀྱི་ཐོག་ནས་གཅིག་དཔེ་བརྒྱ་འགེབས་ཀྱི་གནད་དོན་མི་ཐོན་པ་བྱེད་དགོས། ཁྱིམ་གྱི་ཡོང་འབབ་དཔྱ་ཁྲལ་མེད་པར་གཏོང་བའི་ཐད་ནས། ཁྱིམ་གྱི་དབང་ནུས་རྦད་དེ་ཤོར་བའི་མི་དང་སློབ་སྔོན་བྱིས་པ་སོགས་ཀྱི་དམིགས་བསལ་གནས་ཚུལ་ལ་གྲོང་ཁྱེར་གྱི་མ་མཐའི་འཚོ་བའི་འགན་ལེན་གྱི་ཚད་གཞི་གཞིར་བཟུང་སྟེ་ལྟ་སྐྱོང་བྱེད་མཁན་ནམ་ཡང་ན་དོ་བདག་གཅིག་གི་གཏན་འཇགས་མིན་པའི་ལས་ཞུགས་ཡོང་འབབ་ཞིབ་རྩིས་མི་རྒྱག་རྒྱུའི་གཏན་འབེབས་བྱས་ཡོད།

འཚོ་བའི་གྲོན་དངུལ་ཞིབ་རྩིས་རྒྱག་པའི་ཐད་ནས་དར་མའི་ལས་ཞུགས་བྱེད་ཐབས་མེད་པའི་དབང་པོ་སྐྱོན་ཅན་ཚབས་ཆེན་ལ་མི་གཅིག་གི་འགན་བཅོལ་དོན་འཁྱོལ་བྱེད་སྐབས་རེ་འདུན་ཞུ་མཁན་གྱི་ཡོང་འབབ་དང་རྒྱུ་ནོར་མི་སྒེར་བཅས་ལ་ཐོབ་པའི་འཚོ་སྐྱོང་གྲོན་དངུལ་ཁོ་ནར་ཞིབ་རྩིས་རྒྱག་པ་མ་ཟད། མ་མཐའི་འཚོ་བའི་འགན་ལེན་གྱི་མཐའ་ལུས་ཁྱིམ་ཚང་ནང་ནུས་པ་ཡོངས་སུ་ཤོར་བའི་རྒན་པར་མི་གཅིག་གི་འགན་བཅོལ་གྱི་ཁྱབ་ཁོངས་ནང་ཚུལ་དགོས་པ་རེད།

དུས་མཚུངས་སུ་འགུལ་རྣམ་དོ་དམ་བྱེད་ཤུགས་ཆེ་རུ་གཏོང་བར་དམིགས་ནས། གཞི་གྲངས་ཆེན་པོའི་ནུས་པ་འདོན་སྤེལ་གང་ལེགས་བྱས་ཏེ། རོགས་སྐྱོབ་བྱེད་ཁོངས་སུ་བཅུག་པའི་ཡོང་འབབ་དམའ་བའི་མི་གྲངས་ལ་མཚོན་ན། ཁྱབ་ཁོངས་སུ་བཅུག་པའི་ཉིན་ནས་བཟུང་ལོ་ཕྱེད་རེར་མ་ལག་གིས་རང་འགུལ་ངང་ཞིབ་བསྡུར་བྱེད་པ་མ་ཟད། ལས་བྱེད་མི་སྣ་བཀོད་སྒྲིག་བྱས་ཏེ་བསྡུར་ཚད་ལྟར་འཐེན་བཤེར་དང་ཞིབ་བཤེར་བྱེད་པ་དང་། རོགས་སྐྱོབ་བྱ་ཡུལ་གྱི་ཁྱིམ་ཚང་གི་ཡོང་འབབ་དང་རྒྱུ་ནོར་ལ་ཞིབ་བཤེར་གཏན་འབེབས་བྱས་ཏེ། རྒྱལ་ཁབ་ཀྱི་ལས་བྱེད་མི་སྣ་དང་དེའི་ཁྱིམ་མིར་རོགས་སྐྱོབ་ཐོ་འགོད་སྙན་སེང་ལོངས་སྤྱོད་བྱེད་པའི་ལམ་སྲོལ་དོན་འཁྱོལ་བྱས་ཏེ། མ་མཐའི་འཚོ་བའི་འགན་ལེན་ངེས་པ་དོན་གྱིས་ཡོང་འབབ་དམའ་བའི་མང་ཚོགས་ཀྱི་ཁྲོད་དངོས་འབེབ་བྱེད་པར་འགན་སྲུང་བྱེད་དགོས།