【གསར་བརྗེའི་ཉམས་ཞིབ།】ཧྲན་ཏུང་ལིན་དབྱི་ཚོད་ལྟའི་སློབ་འབྲིང་གི་ཕུགས་བསམ་དད་སེམས་སློབ་གསོའི་གསོ་སྦྱོང་འཛིན་གྲྭས་རྐང་ཚ་རྫོང་དུ་ཡུལ་དངོས་ནས་སློབ་ཁྲིད་བྱེད་སྒོ་སྤེལ།

སྦྱོང་བརྡར་ནང་ཞུགས་པའི་སློབ་མ་ཚོས་ཁེ་རམ་ཐང་སྐྱེ་ཁམས་དཔལ་ཡོན་སློབ་གསོའི་རྟེན་གཞིར་ཁེ་རམ་ཐང་གི་རང་བྱུང་གི་མཛེས་པ་དང་སྐྱེ་ཁམས་ཀྱི་མཛེས་པར་ཉམས་ལེན་བྱས་ནས། ཡང་བསྐྱར་སྤྱི་ཁྱབ་ཧྲུའུ་ཅི་ཞི་ཅིན་ཕིང་སྐྱོད་པའི་ལམ་བུའི་ཐོག་བསྐྱོད་དེ་མཚོ་སྔོན་པོའི་ཁོར་ཡུག་ཕྱོགས་བསྡུས་བཅོས་སྐྱོང་དང་སྐྱེ་དངོས་སྣ་མང་རང་བཞིན་སྲུང་སྐྱོབ་བྱ་བའི་ཕན་འབྲས་ལ་ཡུལ་དངོས་ནས་ལྟ་ཞིབ་བྱས། དེ་དང་ཆབས་ཅིག དཀོན་ལོ་གོང་མ་སྡེ་བར“ལྟེ་བ་གཅིག་དང་རུ་ཁག་ལྔ”ཡི་བྱ་བའི་བཅའ་ཁྲིམས་དང“གདོང་ལེན་གསུམ་བརྩོན་ལེན་དང་ལམ་བུ་གསུམ་གཏོད་པའི”སྤྱིའི་དམིགས་ཚད་ལ་རྒྱུས་ལོན་ཞིབ་ཕྲ་བྱས།  གཞན་ཡང་། སློབ་མ་ཚོ་ལྷ་ཆབ་ཁུག་སྐྱེ་ཁམས་ཉམས་ལེན་ཁུལ་དུ་ཡོང་ནས“ཕྱེད་ཀ་ཆུ་དང་ཕྱེད་ཀ་ཉ”ཡི་སྐྱེ་ཁམས་ཀྱི་ངོ་མཚར་བའི་ལྟད་མོར་བལྟས་ཤིང་། གསེར་ཉ་ཡར་འགྲོ་ཡིས་སློབ་མ་ཚོར་གསོན་ཉམས་ལྡན་པའི་ཁོར་ཡུག་སྲུང་སྐྱོབ་ཀྱི་སློབ་ཚན་ཞིག་ཁྲིད་པས་སློབ་མ་ཚོའི་སྐྱེ་ཁམས་ཁོར་ཡུག་སྲུང་སྐྱོབ་ཀྱི་འདུ་ཤེས་དང་སྤྲོ་སེམས་ཆེ་རུ་ཕྱིན་པར་མ་ཟད། ཁོར་ཡུག་སྲུང་སྐྱོབ་དང་ཚེ་སྲོག་གི་དོན་སྙིང་ལའང་ངོས་འཛིན་གཏིང་ཟབ་ཐུབ་ཡོད།