མཚོ་བྱང་གི་གསར་བརྗེའི་ཡུལ་སྐོར་རྒྱུན་མཐུད་ངང་ཇེ་བཟང་དུ་གྱུར།

གསར་བརྗེའི་ཡུལ་སྐོར་དང་གསར་བརྗེའི་སློབ་གསོ་ཡུན་གྱི་དར་རྒྱས་སུ་ཕྱིན་པ་དང་བསྟུན། སྔར་ལས་མང་བའི་མི་སྒེར་དང་ཚོགས་པ་མང་པོ་མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་གྱི་གསར་བརྗེའི་གསོ་སྦྱོང་ལ་ཞུགས་པ་དང་། གསར་བརྗེ་སྔོན་བྱོན་དམ་པའི་རྗེས་ཤུལ་འཚོལ་ཞིབ་བྱས་པ་དང་། མདེལ་གཉིས་སྐར་གཅིག་གི་སྙིང་སྟོབས་སློབ་སྦྱོང་དང་རྒྱུན་འཛིན་བྱས།  ཉེ་སྔོན་གསར་འགོད་པས་རྒྱུས་ལོན་བྱས་པ་ལྟར་ན། ད་ལོ་ནས་བཟུང་། རྡུལ་ཕྲན་གྲོང་རྗེས་དྲན་ཁང་གིས་རྒྱལ་ཡོངས་ས་གནས་སོ་སོ་ནས་ཐོན་པའི་གསར་བརྗེ་ཞིབ་འཇུག་སློབ་སྦྱོང་ཚོགས་པ789དང་མི་ཐེངས95082སྣེ་ལེན་བྱས་པ་དང་། ཡུལ་སྐོར་པ་ཚོས་གསར་བརྗེ་ཕྱིར་དྲན་དང་། གསར་བརྗེའི་རྗེས་ཤུལ་ཉམས་ཞིབ། གསར་བརྗེའི་གཏམ་རྒྱུད་ལ་ཉན་པ་བཅས་བྱས་ནས་རྒྱལ་ཁབ་ལ་བཅངས་པའི་བརྩེ་སེམས་ཉམས་སུ་མྱོང་།

ངོ་སྤྲོད་བྱས་པ་ལྟར་ན། རྡུལ་ཕྲན་གྲོང་གི་གསར་བརྗེའི་རིག་གནས་སྔོག་འདོན་དང་ཞིབ་འཇུག་གཏིང་ཟབ་བྱེད་པ་དང་། མདེལ་གཉིས་སྐར་གཅིག་གི་སྙིང་སྟོབས་སློབ་གསོའི་བརྗོད་དོན་རྒྱ་བསྐྱེད་གཏོང་ཆེད། 2009ལོའི་ཟླ5པའི་ཚེས26ཉིན་ཕྱི་ཕྱོགས་སུ་སྒོ་ཕྱེས་པའི་མཚོ་སྔོན་རྡུལ་ཕྲན་གྲོང་ཁྱེར་རྗེས་དྲན་ཁང་ནི་རྟེན་གཞི་རྙིང་བའི་ཤུལ་ནས་གསར་དུ་འཛུགས་སྐྲུན་བྱས་པའི་རྒྱལ་ཡོངས་སུ་སྒོ་ཕྱེས་པའི་ཁྱོན་ཡོངས་རང་བཞིན་དང་མ་ལག་རང་བཞིན་གྱིས་ཀྲུང་གོའི་རྡུལ་ཕྲན་བྱེད་ནུས་ཀྱི་བཟོ་ལས་གསར་སྐྲུན་དང་འཕེལ་རྒྱས་བརྒྱུད་རིམ། རྡུལ་ཕྲན་གྲོང་གི་མཚར་སྡུག་གི་ལོ་རྒྱུས་དང་གཡུར་ཟའི་གྲུབ་འབྲས་ངོ་སྤྲོད་བྱེད་པའི་ཆེད་དོན་རྗེས་དྲན་ཁང་ཁོ་ན་དེ་རེད། རྗེས་དྲན་ཁང་དུ་བསྡོམས་པས་འདྲ་པར600ལྷག་དང་ལག་སྒུལ་རྩིས་འཁོར།  གདོད་མའི་ཚད་ལྡན་ཡིག་ཆའི་དཔྱད་གཞི་སོགས་གསར་བརྗེའི་རིག་དངོས928བཤམས་འདུག

ཉེ་བའི་ལོ་ཤས་རིང་། མཚོ་བྱང་ཁུལ་གྱིས་མཚོ་སྔོན་གྱི་བསམ་པའི་དཔལ་ཡོན་མཐོ་གནས་སྐྲུན་པར་གཞིར་བཟུང་སྟེ། མདེལ་གཉིས་སྐར་གཅིག་གི་སྙིང་སྟོབས་དར་སྤེལ་དང་རྒྱུན་འཛིན་བྱ་རྒྱུ་ཁྲིད་སྟོན་དུ་བཟུང་ནས། ཉིང་རྡུལ་མཚོན་ཆ་ཞིབ་བཟོའི་རྟེན་གཞིའི་རྗེས་ཤུལ་གྱི་གསར་བརྗེའི་རིག་དངོས་སྲུང་སྐྱོང་དང་ཞིག་གསོ་བཟོ་སྐྲུན་ཐོག་མ་ཚད་གཞི་མཐོན་པོའི་སྒོ་ནས་ལག་བསྟར་བྱས་པ་དང་། གསར་བརྗེའི་རིག་གནས་སྔོག་འདོན་དང་གསར་བརྗེའི་ཐོན་ཁུངས་གསར་སྤེལ། གསར་བརྗེ་ཞིབ་འཇུག་སློབ་གསོ། གསར་བརྗེ་རིག་དངོས་སྲུང་སྐྱོང་བཅས་ཀྱི་ལས་དོན་གཅིག་གྱུར་འཆར་འགོད་ངང་ལེགས་པོར་བསྒྲུབས་པ་དང་། ཀྲུང་གོའི་རྡུལ་ཕྲན་གྲོང་གི་གསར་བརྗེ་རིག་གནས་མིང་བྱང་ཧུར་ཐག་གིས་བསྐྲུན་ཏེ། མེས་རྒྱལ་ལ་དགའ་བ་དང་བློས་གཏོང་བ། རང་སྟོབས་རང་སྤེལ། དཀའ་སྤྱད་སྡུག་རུས། མཐུན་སྦྱོར་ཆེན་པོ། སྤོབས་པ་ཆེན་པོ་བཅས་ཀྱིས་མདེལ་གཉིས་སྐར་གཅིག་གི་སྙིང་སྟོབས་ལ་དུས་རབས་ཀྱི་གཟི་འོད་འཕྲོ་རུ་བཅུག་སྟེ། གསར་བརྗེའི་གཞི་རྒྱུད་རྒྱུན་འཛིན་དང་གསར་བརྗེའི་ཁྲག་རྒྱུན་རྒྱུན་མཐུད། རྒྱལ་ཁབ་ལ་དུངས་ཞེན་ཟབ་མོ་ཆགས་སུ་འཇུག་པ། མི་རིགས་སྙིང་སྟོབས་དང་དུས་རབས་ཀྱི་སྙིང་སྟོབས་གསོ་སྐྱོང་བྱེད་པ་སོགས་ཀྱི་ཕྱོགས་ནས་བསམ་བློའི་སྣེ་ཁྲིད་ཀྱི་ནུས་པ་ཆེན་པོ་འདོན་སྤེལ་གང་ལེགས་བྱས།།