ཀན་སུའུ་ཞིང་ཆེན་གྱི་དགུན་དཔྱིད་གཉིས་ཀྱི་གྲོང་གསེབ་ཡུལ་སྐོར་ལམ་ཐིག་ཐོན་རྫས་ཡོངས་བསྒྲགས་བྱེད་སྒོ་སྤེལ་མགོ་ཚུགས་པ།

ཉེ་ཆར་ཡུལ་སྐོར་བས་ཀྭ་ཀྲོའུ་རྫོང་གི་ངོ་མཚར་ཆེ་བའི་གངས་འཁྱག་སྤྲོ་སྐྱིད་གླིང་དུ་གངས་འཁྱག་ལུས་རྩལ་གྱི་སྤྲོ་སྣང་ལ་ཉམས་ལེན་བྱེད་བཞིན་པ།

གངས་ཤུད་ལ་དགའ་པོ་ཡོད་མཁན་ཚོས་སུང་མིང་ཡན་རྒྱལ་སྤྱིའི་གངས་ཤུད་ར་བའི་མཐོ་རིམ་གངས་ལམ་ལ་འགྲན་སློང་བྱེད་བཞིན་པ།

ཟླ12པའི་ཚེས21ཉིན་གྱི་ཕྱི་དྲོར།　2024ལོའི་ཀན་སུའུ་ཞིང་ཆེན་གྱི་དགུན་དཔྱིད་གྲོང་གསེབ་ཀྱི་ཡུལ་སྐོར་ལམ་ཐིག་ཐོན་རྫས་ཁྱབ་བསྒྲགས་དང་གངས་འཁྱག་ཡུལ་སྐོར་གྱི་བརྗོད་བྱ་གཙོ་བོའི་ཁྱབ་གདལ་བྱེད་སྒོའི་མགོ་འཛུགས་མཛད་སྒོ་དེ་ཀྲང་ཡེ་གྲོང་ཁྱེར་ཧྲན་ཏན་རྫོང་ཆིང་ཆོན་གྲོང་རྡལ་ཆི་ཏན་གྲོང་ཚོར་འཚོགས།　དེ་ནི་ཞིང་ཆེན་རིག་གནས་ཡུལ་སྐོར་ཐིང་དང་ཀྲང་ཡེ་གྲོང་ཁྱེར་སྲིད་གཞུང་གིས་གཙོ་གཉེར་བྱས་པ་དང་།　ཀྲང་ཡེ་གྲོང་ཁྱེར་རིག་གནས་རླུང་འཕྲིན་གློག་བརྙན་བརྙན་འཕྲིན་ཅུའུ་དང་།　ཡུལ་སྐོར་ཅུའུ།　ཧྲན་ཏན་རྫོང་ཨུ།　ཧྲན་ཏན་རྫོང་མི་དམངས་སྲིད་གཞུང་བཅས་ཀྱིས་སྒྲུབ་འགན་འཁུར་ཡོད།

མགོ་ཚུགས་མཛད་སྒོའི་ཐོག་ཀྲང་ཡེ་དང་ཆིང་དབྱང་།　ལིན་ཞ།　ལུང་ནན།　ཧྲན་ཏན་བཅས་རྫོང་ནས་ཡོང་བའི་རིག་གནས་ཡུལ་སྐོར་འོས་སྦྱོར་པས་ས་གནས་དེ་གའི་དགུན་དཔྱིད་གཉིས་ཀྱི་གྲོང་གསེབ་ཡུལ་སྐོར་ཐོན་ཁུངས་ངོ་སྤྲོད་བྱས་པ་དང་།　ཞིང་ཆེན་ཡུལ་སྐོར་མཐུན་ཚོགས་གྲོང་གསེབ་ཡུལ་སྐོར་ཞག་སྡོད་ཡན་ལག་མཐུན་ཚོགས་ཀྱི་རིག་གནས་ཡུལ་སྐོར་འོས་སྦྱོར་པས་ཞིང་ཆེན་ཡོངས་ཀྱི་དགུན་དཔྱིད་གཉིས་ཀྱི་གྲོང་གསེབ་ཡུལ་སྐོར་གྱི་ཕྱོགས་བསྡུས་ཐོན་ཟོག་དང་འཕེལ་ཕྱོགས་ངོ་སྤྲོད་བྱས་པ་རེད།　གཞན་ཡང་བྱེད་སྒོའི་ནང་ད་དུང་ལྗང་མདོག་ཁམས་གསོ་དང་།　སྐྱེ་ཁམས་སྤྲོ་གསེང་།　ལུས་རྩལ་བདེ་ཐང་།　དམངས་སྲོལ་གོམས་འདྲིས།　རང་བྱུང་ཚན་རིག་ཁྱབ་གདལ།　གསར་བརྗེའི་རིག་གནས།　ཞིབ་འཇུག་སློབ་སྦྱོང་ལག་ལེན།　གངས་འཁྱག་རོལ་རྩེད།　ཞིང་ལས་ཉམས་ལེན་སོགས་གཙོ་བོར་བྱས་པའི་ཡུལ་སྐོར་ལམ་ཐིག་རྩེ་གྲ126བཏོན་པ་རེད།　ངོ་སྤྲོད་བྱས་པར་གཞིགས་ན།　ཡུལ་སྐོར་ལམ་ཐིག་གི་ནང་དོན་ཕུན་སུམ་ཚོགས་པ་དང་རྣམ་པ་སྣ་ཚོགས་ཡོད་པས་རྒྱ་ཆེའི་ཡུལ་སྐོར་བས་ཐུན་མོང་མ་ཡིན་པའི་ཁྱད་ཆོས་ལྡན་པའི་ལུང་ཡོན་གྱི་དགུན་དཔྱིད་གྲོང་གསེབ་ཀྱི་མཛེས་ལྗོངས་དང་།　མི་རིགས་ཀྱི་ཡུལ་སྲོལ་གོམས་འདྲིས་ཟབ་མོ།　གྲོང་གསེབ་ཀྱི་ཉམས་འགྱུར་ཐུན་མོང་མ་ཡིན་པ་བཅས་ལ་མྱོང་རོལ་བྱས་ཆོག

ཤེས་གསལ་ན།　ད་ཐེངས་ཀྱི་བྱེད་སྒོ་ནི་ཀན་སུའུ་ཡི་དགུན་དཔྱིད་གྲོང་གསེབ་ཀྱི་ཡུལ་སྐོར་ཐོན་རྫས་དང་གངས་འཁྱག་ཡུལ་སྐོར་གྱི་བརྗོད་བྱ་གཙོ་བོའི་བྱེད་སྒོ་ཁྱོན་ཡོངས་ནས་འགྲེམས་སྟོན་བྱས་པ་ཡིན་ལ།　རྒྱལ་ཡོངས་ཀྱི་ཡུལ་སྐོར་བར་ལྷག་བསམ་ཟོལ་མེད་ངང་གདན་ཞུ་བྱས་པ་ཀྱང་ཡིན་པ་རེད།།