བྱ་བ་མ་རྙེད་ན་ལས་ཤོར་དངུལ་བླངས་ཆོག་གམ།

བྱ་བ་མ་རྙེད་ན་ལས་ཤོར་དངུལ་བླངས་ཆོག་གམ།

《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་ཚོགས་ཉེན་སྲུང་བཅའ་ཁྲིམས》ཀྱི་དོན་ཚན45པའི་གཏན་འཁེལ་ལྟར་ན།　ལས་ཤོར་ཉེན་སྲུང་ཐོབ་ཆ་ལོངས་སུ་སྤྱོད་པ་དང་ལས་ཤོར་དངུལ་ལེན་པར་ངེས་པར་དུ་གཤམ་གྱི་ཆ་རྐྱེན་དག་ཚང་དགོས་ཏེ།

(གཅིག)ལས་ཀ་མ་ཤོར་སྔོན་ལ་འགན་སྲུང་དངུལ་སྤྲད་ནས་ལོ་གཅིག་ལོངས་པ།

(གཉིས)རང་ཉིད་ཀྱི་རེ་འདོད་མ་ཡིན་པར་ལས་ཞུགས་མཚམས་ཆད་པ།

(གསུམ)ལས་ཤོར་ཐོ་འགོད་བྱས་ཟིན་པར་མ་ཟད་ལས་ཀ་འཚོལ་བའི་བླང་བྱ་ཡོད་པ།

མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུའུ་ཡི《〈སྤྱི་ཚོགས་ཉེན་སྲུང་བཅའ་ཁྲིམས〉ལག་བསྟར་བྱེད་པའི་འབྲེལ་ཡོད་གཏན་འབེབས》ཀྱི་གཏན་འཁེལ་ལྟར་ན།　“རང་ཉིད་ཀྱི་རེ་འདོད་མ་ཡིན་པར་ལས་ཞུགས་མཚམས་ཆད་པ”ཞེས་པར་གཤམ་གྱི་སྣང་ཚུལ་འདི་དག་འདུ་སྟེ།

(གཅིག)《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ངལ་རྩོལ་གན་རྒྱའི་བཅའ་ཁྲིམས》ཀྱི་དོན་ཚན44པའི་ཁོད་ཚན1པ་དང་ཁོད་ཚན4པ།　ཁོད་ཚན5པ་བཅས་ཀྱི་གཏན་འབེབས་ལྟར་ངལ་རྩོལ་གན་རྒྱ་མཚམས་བཞག་པ་སྟེ།　ངལ་རྩོལ་གན་རྒྱའི་དུས་ཚད་ལོངས་པ་དང་ཁྲིམས་ལྟར་མི་བཀོལ་ལས་ཁུངས་ཀྱི་མ་རྩ་སྟོངས་པར་བསྒྲགས་པ།　ཚོང་གཉེར་ལག་ཁྱེར་ཕྱིར་བསྡུས་པ།　སྒོ་རྒྱག་པ་དང་ཕྱིར་འཐེན་པའི་བཀའ་ཕབ་པའམ་ཡང་ན་མི་བཀོལ་ལས་ཁུངས་ཀྱིས་དུས་སྔོན་དུ་ཁ་འཐོར་རྒྱུ་ཐག་བཅད་པའི་དབང་གིས་ངལ་རྩོལ་གན་རྒྱ་མཚམས་བཞག་པ།

(གཉིས)མི་བཀོལ་ལས་ཁུངས་ཀྱིས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ངལ་རྩོལ་གན་རྒྱའི་བཅའ་ཁྲིམས》ཀྱི་དོན་ཚན39པ་དང་དོན་ཚན40པ།　དོན་ཚན41པ་བཅས་ཀྱི་གཏན་འབེབས་ལྟར་ངལ་རྩོལ་གན་རྒྱ་མེད་པར་བཟོས་པ་སྟེ།　མི་བཀོལ་ལས་ཁུངས་ཕྱོགས་ཁོ་ནས་ངལ་རྩོལ་གན་རྒྱ་མེད་པར་བཟོས་པ།

(གསུམ)མི་བཀོལ་ལས་ཁུངས་ཀྱིས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ངལ་རྩོལ་གན་རྒྱའི་བཅའ་ཁྲིམས》ཀྱི་དོན་ཚན36པའི་གཏན་འབེབས་ལྟར་ངལ་རྩོལ་པར་ངལ་རྩོལ་གན་རྒྱ་མེད་པར་བཟོ་བའི་བསམ་ཚུལ་བཏོན་པ་དང་ངལ་རྩོལ་པ་དང་གྲོས་མཐུན་ངང་ངལ་རྩོལ་གན་རྒྱ་མེད་པར་བཟོས་པ།

(བཞི)མི་བཀོལ་ལས་ཁུངས་ཀྱིས་ངལ་རྩོལ་གན་རྒྱ་མེད་པར་བཟོ་བའི་བསམ་ཚུལ་བཏོན་པའམ་ཡང་ན་མི་བཀོལ་ལས་ཁུངས་ཀྱིས་ལས་གནས་ཕྱིར་སློག་དང་མིང་མེད་པར་བཏང་བ་དང་།　ལས་གནས་ལས་ཕུད་པ་སོགས།

(ལྔ)ངལ་རྩོལ་པ་རང་ཉིད་ཀྱིས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ངལ་རྩོལ་གན་རྒྱའི་བཅའ་ཁྲིམས》ཀྱི་དོན་ཚན38པའི་གཏན་འཁེལ་ལྟར་ངལ་རྩོལ་གན་རྒྱ་མེད་པར་བཟོས་པ་སྟེ།　མི་བཀོལ་ལས་ཁུངས་ཀྱིས་བཙན་སྐུལ་སྒོས་ངལ་རྩོལ་བྱེད་དུ་བཅུག་པའམ་ཡང་ན་ཁྲིམས་འགལ་གྱི་སྣང་ཚུལ་གཞན་དག་གི་དབང་གིས་ངལ་རྩོལ་པས་ལས་བསྐྱུར་བྱས་པ།

(དྲུག)བཅའ་ཁྲིམས་དང་ཁྲིམས་སྲོལ།　སྒྲིག་ཡིག་བཅས་ཀྱི་ནང་གཏན་འཁེལ་བྱས་པའི་སྣང་ཚུལ་གཞན་དག་བཅས་སོ། །