མི་སྣ་གང་དག་གིས་གཞུང་ཞབས་པར་རྒྱུགས་སྤྲད་མི་ཆོག

མི་སྣ་གང་དག་གིས་གཞུང་ཞབས་པར་རྒྱུགས་སྤྲད་མི་ཆོག

གཞུང་ཞབས་པ་བསྡུ་བའི་གཏན་འཁེལ་གྱི་དོན་ཚན19པའི་གཏན་འབེབས་ལྟར་ན།　གཤམ་གསལ་མི་སྣས་གཞུང་ཞབས་པར་རྒྱུགས་སྤྲོད་མི་ཆོག་པ་སྟེ།

(གཅིག)　ནག་ཉེས་བསགས་པས་ཉེས་དོན་གྱི་ཆད་པ་ཕོག་མྱོང་བའི་རིགས།

(གཉིས)　ཀྲུང་གོ་གུང་ཁྲན་ཏང་ནང་ནས་ཕྱིར་ཕུད་བྱས་པའི་རིགས།

(གསུམ)　གཞུང་གི་ལས་གནས་ནས་ཕྱིར་ཕུད་བྱས་པའི་རིགས།

(བཞི)　ཁྲིམས་ལྟར་ཚིག་ཐོག་ཏུ་མ་གནས་པར་མཉམ་འབྲེལ་ངང་ཆད་གཅོད་བརྒྱུད་དེ་མི་ལ་ཉེན་ཟོན་བྱེད་དུ་བཅུག་པའི་རིགས།

(ལྔ)　བཅའ་ཁྲིམས་སུ་གཞུང་ཞབས་པར་བསྡུ་མི་ཆོག་པའི་གཏན་འཁེལ་བྱས་པའི་གནས་ཚུལ་གཞན་དག་ཡོད་པའི་རིགས་བཅས་ཡིན།

དོན་ཚན20པའི་གཏན་འཁེལ་ལྟར་ན།　རྒྱུགས་སྤྲོད་མཁན་གྱིས་རྒྱུགས་སྤྲོད་བསྡུ་ལེན་བྱས་རྗེས་གཞུང་ཞབས་པའི་བཅའ་ཁྲིམས་ཀྱི་དོན་ཚན74པའི་གནས་ཚུལ་ཡོད་པའི་ལས་གནས་ལ་རྒྱུགས་སྤྲོད་མི་ཆོག་ཏེ།　རང་ཉིད་དང་བཟའ་ཟླ་ཡི་འབྲེལ་བ།　ཐད་ཀའི་སྤུན་མཆེད་ཀྱི་འབྲེལ་བ།　མི་རབས་གསུམ་ནང་ཚུན་གྱི་རྒྱུད་འབྲེལ་གཉེན་ཚན་གྱི་འབྲེལ་བ།　དེ་བཞིན་སྤུན་ཉེ་གཉེན་སྒྲིག་གི་འབྲེལ་བ་བཅས་ཡོད་པའི་མི་སྣས་མགོ་ཁྲིད་ཁོངས་མིའི་འགན་འཁུར་བའི་མི་ཤུགས་བཀོད་སྤྱོད་ལས་ཁུངས་ཀྱི་ལས་གནས་ལའང་རྒྱུགས་སྤྲོད་མི་ཆོག

ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་གཞུང་ཞབས་པའི་བཅའ་ཁྲིམས་ཀྱི་དོན་ཚན74པའི་གཏན་འཁེལ་ལྟར་ན།　གཞུང་ཞབས་པའི་བར་བཟའ་ཟླ་ཡི་འབྲེལ་བ་དང་ཐད་ཀའི་སྤུན་མཆེད་ཀྱི་འབྲེལ་བ།　མི་རབས་གསུམ་ནང་ཚུན་གྱི་རྒྱུད་འབྲེལ་གཉེན་ཚན་གྱི་འབྲེལ་བ།　དེ་བཞིན་སྤུན་ཉེ་གཉེན་སྒྲིག་གི་འབྲེལ་བ་བཅས་ཡོད་ཚེ།　ལས་ཁུངས་གཅིག་ཏུ་ཐད་ཀར་མགོ་ཁྲིད་གཅིག་གི་ཁོངས་སུ་གཏོགས་པའི་ལས་གནས་སམ་ཐད་ཀར་གོང་འོག་རིམ་པའི་མགོ་ཁྲིད་ཀྱི་འབྲེལ་བ་ཡོད་པའི་ལས་གནས་སུ་བྱ་བ་བསྒྲུབ་མི་ཆོག　དེའི་ནང་གི་ཕྱོགས་གཅིག་གིས་མགོ་ཁྲིད་ཀྱི་ལས་འགན་འཁུར་བའི་ལས་ཁུངས་སུ་རྩ་འཛུགས་དང་མི་དོན།　སྒྲིག་ཁྲིམས་ཞིབ་བཤེར།　ལྟ་ཞིབ།　རྩིས་བཤེར།　ནོར་དོན་བཅས་ཀྱི་བྱ་བ་སྒྲུབ་མི་ཆོག

གཞུང་ཞབས་པས་རང་གི་བཟའ་ཟླ་དང་བུ་ཕྲུག　དེའི་བཟའ་ཟླས་གཉེར་སྐྱོང་བྱེད་པའི་ཁེ་ལས་དང་ཁེ་གཉེར་རང་བཞིན་གྱི་རྩ་འཛུགས་ཀྱི་ལས་རིགས་ལ་ལྟ་སྐུལ་དོ་དམ་མམ་གཙོ་འགན་འཁུར་མཁན་སྡེ་ཁག་ཏུ་མགོ་ཁྲིད་ཀྱི་ཁོངས་མིའི་འགན་འཁུར་མི་ཆོག

ས་ཁོངས་སམ་ལས་ཀའི་ངོ་བོ་དམིགས་བསལ་ཡིན་པས་སྐབས་བསྟུན་གཡོལ་ཐབས་ཀྱིས་ལས་གནས་བསྐོ་གཞག་བྱ་དགོས་པའི་རིགས་ལ་ཞིང་ཆེན་རིམ་པ་ཡན་གྱི་གཞུང་ཞབས་པའི་གཙོ་འགན་འཁུར་མཁན་སྡེ་ཁག་གིས་གཏན་འཁེལ་བྱ་དགོས།