མཚོ་སྔོན་གྱི་ས་ཆ་གསུམ2025ལོའི་སྡེ་བའི་ལོ་གསར་དགོང་ཚོགས་ཀྱི་དཔེ་སྟོན་འགྲེམ་སྟོན་ས་ཆ་རུ་བདམས།

ཟླ1ཚེས16ཉིན། མཚོ་སྔོན་ཞིང་ཆེན་རིག་གནས་དང་ཡུལ་སྐོར་ཐིན་ནས་བསྒྲགས་པའི་གཏམ་བཟང་ལྟར་ན། རིག་གནས་དང་ཡུལ་སྐོར་པུའུ་ཡི་ལོ་གསར་བྱ་འགུལ་གྱི་འབྲེལ་ཡོད་བཀོད་སྒྲིག་ལྟར། ཞིང་ཆེན་རིམ་པའི་རིག་གནས་དང་ཡུལ་སྐོར་སྲིད་འཛིན་སྡེ་ཁག་སོ་སོས་སྙན་ཞུ་ངོ་སྤྲོད་བྱས་པའི་རྨང་གཞིའི་སྟེང་། 2025ལོའི་སྡེ་བའི་ལོ་གསར་དགོང་ཚོགས་ཀྱི་དཔེ་སྟོན་འགྲེམ་སྟོན་ས་ཆའི་མིང་ཐོར་ཞིབ་འཇུག་བྱས་ནས་གཏན་ཁེལ་བྱས། མཚོ་སྔོན་ཞིང་ཆེན་མཚོ་ཤར་གྲོང་ཁྱེར་ཕེན་ཨན་ཆུའུ་སན་ཧི་གྲོང་རྡལ་སན་ཧི་སྡེ་བ་དང་ཟི་ལིང་གྲོང་ཁྱེར་ཏ་ཐུང་ཧོས་རིགས་ཧོར་རིགས་རང་སྐྱོང་རྫོང་ཁྲང་ཉིན་གྲོང་རྡལ་ཏའེ་ཅཱ་གྲོང་སྡེ་བ། ཟི་ལིང་གྲོང་ཁྱེར་ཧོང་ཀྲུང་ཆུའུ་ཐེན་ཅཱ་གྲའེ་གྲོང་རྡལ་ཐེན་ཅཱ་གྲའེ་སྡེ་བ་བཅས་མིང་ཐོའི་ཁྲོད་ཚུད།

སྡེ་བའི་ལོ་གསར་དགོང་ཚོགས་བྱ་འགུལ་ནི་རིག་གནས་དང་ཡུལ་སྐོར་པུའུ་ཡི་དགའ་དགའ་སྤྲོ་སྤྲོས་ལོ་སར་རོལ་བའི2025ལོའི་ལོ་གསར་གྱི་བརྗོད་དོན་རིག་གནས་དང་ཡུལ་སྐོར་བྱ་འགུལ་ཁྲོད་ཀྱི་གྲུབ་ཆ་གཙོ་བོ་ཡིན། བྱ་འགུལ་ཐད་ནས་གྲོང་གསེབ་རིག་གནས་དང་གྲོང་གསེབ་གནས་སྐོར་སོགས་རྒྱུ་ཆ་འདྲེས་པར་བྱས་ཡོད་ལ། སྡེ་བའི་ལོ་གསར་དགོང་ཚོགས་འདྲེན་བྱེད་དུ་བྱས་ནས་ཞིང་བའི་བསམ་པའི་རྣམ་པ་དང་གྲོང་གསེབ་དར་སྤེལ་གྱི་རྣམ་པ་གསར་བ་མཚོན་པའི་མང་ཚོགས་ཀྱི་རིག་གནས་བྱ་འགུལ་རབ་དང་རིམ་པ་སྤེལ་རྒྱུ་རེད།