ཀྲུང་དབྱང་ནོར་སྲིད་པུའུ་ཡིས་བོད་ལྗོངས་ཡོམ་འགོག་རྒུད་སྐྱོབ་ཐད་རྒྱབ་སྐྱོར་བྱེད་པར་ཞིང་ལས་ཐོན་སྐྱེད་ཀྱི་གནོད་འགོག་རྒུད་སྐྱོབ་མ་དངུལ་སྒོར་བྱེ་བ་བརྒྱད་བྱིན།

ཚེས་བརྒྱད་ཉིན་གསར་འགོད་པས་ཀྲུང་དབྱང་ནོར་སྲིད་པུའུ་ནས་རྒྱུས་ལོན་བྱུང་བ་ལྟར་ན།  བོད་ལྗོངས་གཞིས་ཀ་རྩེ་དིང་རི་རྫོང་ལ་ཚད་རིམ6.8ཀྱི་ས་ཡོམ་བྱུང་ནས་ས་ཁུལ་སྐོར་ཞིག་གི་ཞིང་ལས་སྒྲིག་ཆས་དང་།   དྲོད་ཁང་།  ཕྱུགས་ཁང་སོགས་ལ་གནོད་སྐྱོན་ཐེབས་ཡོད་པ་དང་ཕྱུགས་ཟོག་ཤི་རྨས་སོགས་ཀྱི་གནས་ཚུལ་བྱུང་ཡོད་པས།  ནོར་སྲིད་པུའུ་ཡིས་ཞིང་ལས་ཞིང་སྡེ་པུའུ་དང་མཉམ་ལས་ཀྱིས་གནོད་སྐྱོན་གནས་ཚུལ་ལ་ཞིབ་འཇུག་བརྡར་གཅོད་དང་དབྱེ་ཞིབ་བྱས་ནས།  ཀྲུང་དབྱང་ནོར་སྲིད་ཞིང་ལས་ཐོན་སྐྱེད་ཀྱི་གནོད་འགོག་རྒུད་སྐྱོབ་མ་དངུལ་སྒོར་བྱེ་བ་བརྒྱད་ལྷག་བྱིན་ཏེ།  བོད་ལྗོངས་ཀྱི་ས་ཡོམ་གནོད་སྐྱོན་ཐེབས་པའི་ཞིང་ལས་ཐོན་སྐྱེད་དང་ཕྱུགས་ལས་གསོ་སྤེལ་སྒྲིག་ཆས་སླར་གསོ་བྱེད་པ་སོགས་འབྲེལ་ཡོད་རྒུད་སྐྱོབ་བྱ་བར་རོགས་སྐྱོར་བྱས་པར་མ་ཟད།  ས་འགུལ་རྗེས་ཀྱི་ཐོན་སྐྱེད་སླར་གསོ་བྱེད་ཆེད་སྨན་བཅོས་ཡོ་བྱེད་དང་།  རྡོ་སྣུམ།  གཟན་ཆས་སོགས་ཉོ་སྒྲུབ་བྱེད་པར་འོས་འཚམ་གྱིས་རོགས་སྐྱོར་བྱས་ནས།  གནོད་ཐེབས་ས་ཁུལ་གྱི་ཞིང་ལས་ཐོན་སྐྱེད་ལམ་ལུགས་སླར་གསོ་བྱེད་པར་སྐུལ་འདེད་བཏང་བ་དང་།  ཚད་ཆེས་མཐོ་བའི་སྒོ་ནས་གནོད་སྐྱོན་དང་གྱོང་གུད་ཐེབས་ཚད་ཇེ་ཉུང་དུ་བཏང་།