རྫ་སྟོད་རྫོང་གིས“སློབ་ཐུན་བཞི”གསར་སྐྲུན་བྱས་ཏེ་ཏང་ཡོན་སློབ་གསོའི་སྤུས་འབྲས་ཇེ་མཐོར་བཏང་བ།

ཉེ་བའི་ལོ་འགའི་རིང་ལ། ཡུས་ཧྲུའུ་བོད་རིགས་རང་སྐྱོང་ཁུལ་རྫ་སྟོད་རྫོང་གིས་དུས་རབས་གསར་པའི་ཏང་ཡོན་སློབ་གསོའི་འགན་འཁྲི་བླང་བྱ་གཟབ་ནན་གྱིས་དངོས་འབེབས་བྱས་པ་དང་། རྫོང་ཡོངས་ཀྱི་ཏང་ཡོན་ལས་བྱེད་པས་སློབ་སྦྱོང་ཁྲོད་ཆབ་སྲིད་སྒྲིག་ཁྲིམས་བརྟན་སྲུང་དང་ཕུགས་རེའི་ཡིད་ཆེས་བརྟན་པོ། རྩལ་ནུས་ཆེན་པོ་སྦྱོང་བརྡར་བཅས་ལ་སློབ་གསོ་དང་སྣེ་ཁྲིད་དེ། ཏང་ཡོན་སློབ་གསོའི་གསོ་སྦྱོང་བྱ་བར་ཐབས་ཇུས་དང་དངོས་འབྲས་ཐོན་པར་ནུས་ཤུགས་ཡོད་རྒུས་སྐུལ་འདེད་བྱས།

“གཞུང་ལུགས་སློབ་ཐུན”ལས་ཐོག་ཏང་ཡོན་གྱི་སེམས་སུ་ཟུག་ཏུ་བཅུག རྫོང་ཨུའི་ཏང་གི་སློབ་གྲྭའི་གཙོ་གཞི་འཛིན་གྲྭ་རིམ་པ་དང“རྫ་ཆུའི་འགོ་ཁུངས་སློབ་ཁང་ཆེན་མོ”“འབྲོག་པའི་ཏང་ཡོན་དགུན་དཔྱིད་སྦྱོང་བརྡར”“སྟོབས་ལྡན་སྡེ་བའི་སློབ་ཐུན”“རྐུབ་སྟེགས་སློབ་ཐུན”སོགས་ལ་བརྟེན་ནས། རྫོང་ཨུའི་ཏང་གི་སློབ་གྲྭའི་ཆེད་དུ་ལས་འགན་འཁུར་བའི་དགེ་རྒན་དང་རྫོང་རིམ་པའི་འགོ་ཁྲིད་ཁྲིད་སྟེགས་སྟེང་འབུད་པ། ཞིང་ཆེན་དང་ཁུལ་གྱི་འབྲེལ་ཡོད་ཁྱབ་ཁོངས་ཀྱི་ཆེད་མཁས་པ་གདན་ཞུ་བྱེད་པ་སོགས་ཀྱི་བྱེད་སྟངས་ལ་ཟུང་འབྲེལ་བྱེད་པ་དང་། རྫ་སྟོད་ཀྱི་དངོས་ཡོད་དང་རྫོང་ཡོངས་ཀྱི་ཏང་ཡོན་ལས་བྱེད་པའི་སློབ་གསོ་གསོ་སྦྱོང་དགོས་མཁོར་དམ་པོར་དམིགས་པ། རིམ་པ་དང་རིགས་བགར་ནས་རྫོང་ཡོངས་ཀྱི་ཏང་ཡོན་ལས་བྱེད་པར“འཚམ་པའི”འབྲེལ་ཡོད་གཞུང་ལུགས་བསླབ་ཚན་སྒྲིག་བཟོ་བྱས་ཏེ། “ནད་ཐོག་སྨན་ཁེལ”གྱི་ནུས་པ་ཐོན་པར་བརྩོན་ལེན་བྱས། ད་ལོ་ནས་བཟུང་། “རྫོང་ཡོངས་ཀྱི་ཏང་དོན་ལས་སྒྲུབ་པ”དང“ཧྲུའུ་ཅི་དང་པོ་དང་སྡེ་སྡོད་ལས་བྱེད་རུ་མི། ཏང་འཛུགས་སྐྲུན་གྱི་མཛུབ་སྟོན་པ”སོགས་ཆེད་དམིགས་གསོ་སྦྱོང་འཛིན་གྲྭ་སྐབས10སྤུས་ཚད་མཐོན་པོས་བསྒྲུབས་པ་དང་། ཞང་གྲོང་སོ་སོས་རྫ་སྟོད་རྫོང་གི“སྟོབས་ལྡན་སྡེ་བའི་སློབ་ཐུན”ལ་ཟུང་འབྲེལ་བྱས་ཏེ་འབྲོག་པའི་ཏང་ཡོན་གྱི་གསོ་སྦྱོང་འཛིན་གྲྭ་སྐབས15བསྒྲུབས་ཤིང་མི་ཐེངས2700ལྷག་གསོ་སྦྱོང་བྱས།

“ལས་རྐང་སློབ་ཐུན”གྱིས་འགན་མེད་ཏང་ཡོན་ལ་སྤུས་ཚད་དང་མདུན་ལམ་ཡོད་པར་བཏང་། “ཁྱིམ་མཚེས་དང་ཐག་ཉེ། སྟབས་བདེ་དང་དངོས་འབྲས”ཀྱི་རྩ་དོན་ལྟར། “ཏང་ཡོན་ལྟེ་གནས་ཁྱིམ་ཚང”གི་གང་འཚམ་དེ་བསྟུན་ཆེ་བ་དང་ཕན་བདེ་རང་བཞིན་བཟང་བའི་ཁྱད་ཆོས་བེད་སྤྱོད་བྱེད་པ་དང་། “སྡེ་བའི་ཏང་ཀྲི་པུའུ+ཏང་ཡོན་ལྟེ་གནས་ཁྱིམ་ཚང”གི་ཞབས་ཞུའི་མ་དཔེ་ཁྱབ་གདལ་གཏོང་བ། ཁུལ་རེ་ལ་གནས་རེ་གཏན་འཁེལ་བྱེད་པ་དང་། ཀྲི་པུའུ་ཏང་ཡོན་དེ་འབྲེལ་གཏུག་ཁྱིམ་ཚང་འགའ་རུ་བགོས་པ་དང་། སྡེ་བ་སོ་སོའི་འབྲོག་པའི་ཏང་ཡོན་གྱིས་རྩལ་ནུས་ཁྱད་ཆོས་དང་མི་སྒེར་གྱི་འདོད་བློ་ལྟར་ཏང་ཡོན་འབྲེལ་གཏུག་ཁྱིམ་ཚང་གི་ཁྱབ་ཁོངས་སུ་རང་ལ་འཚམ་པའི་ཞབས་ཞུ་ལས་རྐང་ངོས་འཛིན་བྱེད་པ། འགན་མེད་ཏང་ཡོན་གྱིས“ལས་རྐང་དང་ལས་འགན”ངོས་འཛིན་བྱས་པ་བརྒྱུད། འབྲོག་པའི་ཏང་ཡོན་གྱི་འགན་འཁྲི་འདུ་ཤེས་སྔར་བས་ཇེ་ཆེར་སོང་སྟེ། རྫོང་ཡོངས་ཀྱི་འབྲོག་པ་ཏང་ཡོན་གྱི་གདོང་མཆོང་དཔེ་སྟོན་གྱི་ནུས་པ་འདོན་སྤེལ་བྱེད་པར་སྐུལ་ཁྲིད་བྱས། ད་ལོ་ནས་བཟུང་། རྫོང་ཡོངས་ཀྱི་འགན་མེད་ཏང་ཡོན1726གིས་མང་ཚོགས་ཡིད་ཚིམ་པ་དེ་འགོ་རྩོམ་ས་དང་མཇུག་སྒྲིལ་སར་བརྩིས་པ་དང་། སྲིད་ཇུས་སྒྲོག་འགྲེལ་དང་འགལ་རྩོད་འདུམ་འགྲིག དང་བླངས་ཞབས་ཞུ་སོགས་བྱ་འགུལ་ཐེངས110ལྷག་སྤེལ་ལ། འགལ་རྩོད47བསལ་བར་མ་ཟད། ཁོར་ཡུག་འཕྲོད་བསྟེན་བཅོས་སྐྱོང་ཁྲོད་མི་ཐེངས་ཁྲི1.4ལྷག་ཞུགས།

“སྤྲིན་སྣེ་སློབ་ཐུན”གྱིས་འཁོར་རྒྱུག་ཏང་ཡོན་ཁྱིམ་དང་བྲལ་ཡང་ཏང་ལ་མི་འབྲལ་བར་བཏང་། གུང་ཁྲན་ཏང་ཡོན་དྲ་བ་དང་སློབ་བརྩོན་རྒྱལ་སྟོབས། “རྫ་སྟོད་དྲ་འཇུག”སོགས་སྟེགས་བུ་དང་ཐེག་བྱད་ལ་བརྟེན་ནས་འཁོར་རྒྱུག་ཏང་ཡོན་ལ“སྤྲིན་སྣེ་སློབ་ཐུན”གསར་སྐྲུན་བྱེད་པ་དང་། ཡི་གེ་དང་འདྲ་པར། བརྙན་སོགས་ཀྱི་རྣམ་པས་དུས་ཐོག་ཏུ་ཏང་གི་གསར་སྐྲུན་གཞུང་ལུགས་དང་ཏང་སྲོལ་ཏང་ཁྲིམས་སོགས་སློབ་སྦྱོང་རྒྱུ་ཆ་བསྐྱལ་བ། འཁོར་རྒྱུག་ཏང་ཡོན་གྱིས་དུས་ཚོད་ཐོར་བུ་བེད་སྤྱད་དེ་གང་ལ་གང་འཚམ་སྒོས་སློབ་སྦྱོང་ཁྲོད་ཞུགས་པར་སྣེ་ཁྲིད་དེ། འཁོར་རྒྱུག་ཏང་ཡོན་གྱི་སློབ་སྦྱོང་སློབ་གསོ་རྗེས་སུ་མི་ལུས་པར་འགན་སྲུང་བྱས། རིམ་པ་སོ་སོའི་ཏང་རྩ་འཛུགས་ཀྱིས“སློབ་ཁྲིད་སྒོ་ཁར་སྐྱེལ་བའི”རུ་ཆུང་བཙུགས་ཤིང་། དུས་བཅད་ལྟར“དཔེ་ཆ་སྒོ་ཁར་སྐྱེལ་བ”དང“སྐྱེས་ཐུམ་དམར་པོ”སྦྲག་བསྐུར་བྱེད་པའི་བྱ་འགུལ་སྤེལ་ལ། རིམ་བསགས་ཀྱིས་དཔེ་ཆ་སྐྱེལ་བའི་བྱ་འགུལ་ཐེངས20ལྷག་སྤེལ།

“སེམས་སྦྲེལ་སློབ་ཐུན”གྱིས་ན་རྒས་གཟུགས་ཞན་ཏང་ཡོན་སློབ་སྦྱོང་གི་རྗེས་ཆོད་པར་བྱས། ཏང་གི་གཟི་བརྗིད་ལྡན་པའི་སྲོལ་རྒྱུན་དང་སྤྱོད་ཚུལ་བཟང་བོ་ཤུགས་ཆེན་པོས་དར་སྤེལ་གཏོང་བ། ཏང་གིས་ཏང་ཡོན་རྒན་པར་བཅངས་པའི་ཐུགས་ཁུར་དང་གཅེས་སྐྱོང་གསལ་བོར་མངོན་ཆེད། རྫོང་ཡོངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས་ཏང་ཡོན་ལ་ན་རྒས་གཟུགས་ཞན་དང་རྐང་ལག་མི་བདེ་བའི་ཏང་ཡོན་རྒན་པར་དུས་ངེས་མེད་དུ“ཞབས་ཞུ་སྒོ་ཁར་སྐྱེལ་བའི”བྱ་འགུལ་སྤེལ་བར་སྐུལ་སློང་བྱས་ཤིང་། ས་དེར་མཉམ་འགུལ་སྒོས་བདེ་ཐང་བརྟག་དཔྱད་དང་བཅའ་ཁྲིམས་རོགས་སྐྱོར། སེམས་སྦྲེལ་སྒྲོག་འགྲེལ་སོགས་ཀྱི་བྱ་འགུལ་སྤེལ་ཏེ། བློ་གཅིག་སེམས་གཅིག་གིས་ཏང་ཡོན་རྒན་པར་དོན་དངོས་སྒྲུབ་པ་དང་སེམས་ཁྲལ་སེལ་རོགས་བྱས། ད་ལོ་ནས་བཟུང་། རྫོང་ཡོངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས“སེམས་སྦྲེལ་སློབ་ཁང”བརྒྱུད་ན་རྒས་གཟུགས་ཞན་དང་རྐང་ལག་མི་བདེ་བའི་ཏང་ཡོན་རྒན་པར་དྲ་ལམ་དང་ཡུལ་དངོས་ཀྱི་སློབ་ཁྲིད་བྱ་འགུལ་ཐེངས130ལྷག་སྤེལ།