​2024ལོའི་ལོ་མཇུག་ཏུ་མཚོ་སྔོན་དུ་མཐོ་གསར་ལག་རྩལ་ཁེ་ལས300ཟིན་རྩིས་ཡོད་པ།

2024ལོའི་ལོ་མཇུག་ཏུ་མཚོ་སྔོན་དུ་མཐོ་གསར་ལག་རྩལ་ཁེ་ལས300ཟིན་རྩིས་ཡོད་པ།

ཟླ12པའི་ཚེས16ཉིན་མཚོ་སྔོན་ཞིང་ཆེན་སྲིད་གཞུང་གསར་འགྱུར་གཞུང་དོན་ཁང་གིས་འཚོགས་པའི“མཚོ་སྔོན་ཤེས་པ་དང་མཚོ་སྔོན་ལ་དགའ་ཞེན། མཚོ་སྔོན་དར་སྤེལ”ཞེས་པའི་རིམ་སྤེལ་གསར་འགྱུར་ཡོངས་བསྒྲགས་ཚོགས་འདུའི་ཚན་རྩལ་ཆེད་དོན་གསར་འགྱུར་ཡོངས་བསྒྲགས་ཚོགས་འདུའི་ཐོག་ནས་གསར་འགོད་པས་ཤེས་རྟོགས་བྱས་པར། མཚོ་སྔོན་ཞིང་ཆེན་ཚན་རྩལ་ཐིང་གིས་སྐྱེ་ཁམས་ཤེས་དཔལ་མཐོ་ས་གཏོད་རྒྱུ་དང་ཐོན་ལས་ཀྱི“གནས་བཞི”འཛུགས་སྐྲུན་བྱ་རྒྱུར་དམིགས་ནས་ཚན་རྩལ་སྒྲིག་སྲོལ་བཅོས་སྒྱུར་མུ་མཐུད་གཏིང་ཟབ་ཏུ་གཏོང་བ་དང་། ཚན་རྩལ་གསར་གཏོད་ཀྱི་མ་ལག་རྒྱུན་ཆད་མེད་པར་འཐུས་སྒོ་ཚང་དུ་གཏོང་བ། ཚན་རྩལ་གསར་གཏོད་ལ་བརྟེན་ནས་སྤུས་ཚད་གསར་པའི་ཐོན་སྐྱེད་ནུས་ཤུགས་སྐྱེད་སྲིང་དང་འཕེལ་རྒྱས་ཤུགས་ཆེན་གཏོང་བ་བཅས་བྱས་ཏེ་གསར་གཏོད་རྣམ་པའི་ཞིང་ཆེན་འཛུགས་སྐྲུན་ལ་ཕྱོགས་ཡོངས་ནས་སྐུལ་འདེད་མགྱོགས་པོ་བཏང་།　ཀྲུང་གོ་ཚན་རིག་ཁང་སློབ་ཆེན་གྱི་འབྲེལ་ཡོད་ཇུས་འདོན་ཚོགས་པ《2023ལོའི་ཀྲུང་གོའི་ས་ཁོངས་གསར་གཏོད་ནུས་པའི་གདེང་འཇོག་སྙན་ཞུའི》གྲངས་གཞི་ལས་མངོན་པར། མཚོ་སྔོན་གྱི་གསར་གཏོད་ཁོར་ཡུག་གི་མིང་གྲལ་དེ་རྒྱལ་ཡོངས་ཀྱི་ཨང13པ་ཡིན།　2024ལོའི་ལོ་མཇུག་ཏུ་སྔོན་དཔག་བྱས་ན། མཚོ་སྔོན་ཞིང་ཆེན་དུ་མཐོ་གསར་ལག་རྩལ་ཁེ་ལས300ཟིན་ནས“ལོ་ལྔའི་འཆར་གཞི་བཅུ་གསུམ་པའི”དུས་མཇུག་ལས་37.6％འཕར་རྒྱུ་རེད།

ཞིང་ཆེན་ཚན་རྩལ་ཐིང་གིས་ཚན་རྩལ་སྒྲིག་སྲོལ་སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་བཏང་སྟེ་རྒྱལ་ཁབ་རིམ་པའི་ཚན་རྩལ་གསར་གཏོད་སྟེགས་བུ་ཆེན་པོ་བཅུ་ནུས་ཤུགས་ཡོད་རྒུས་གཏོད་པ་དང་། ཞིང་ཆེན་རིམ་པའི་ཚན་རྩལ་གསར་གཏོད་སྟེགས་བུའི་མ་ལག་འཐུས་ཚང་དུ་གཏོང་བ། ཞིང་ཆེན་ཕྱི་རོལ་དུ“ཚན་ཞིབ་འཕུར་གནས”ཐོག་མར་བཙུགས་པ། པེ་ཅིན་གྲོང་ཁྱེར་ཧྥུང་ཐའེ་ཆུས་སྲིད་གཞུང་དང་མཚོ་སྔོན（པེ་ཅིན）ཚན་རྩལ་གསར་གཏོད་རྟེན་གཞིའི་མཉམ་ལས་དྲན་ཐོར་མིང་རྟགས་བཀོད་པ། མཚོ་སྔོན་གྱི་ཐོན་ཁུངས་ལེགས་ཆ་དང་པེ་ཅིན་གྱི་ཚན་རྩལ་ལེགས་ཆ་ཟུང་འབྲེལ་བྱ་རྒྱུར་སྐུལ་འདེད་གཏོང་བ་བཅས་བྱས་ཏེ། ས་གནས་གཞན་གྱི་ཚན་རྩལ་གསར་གཏོད་སྟེགས་བུ་བསྐྲུན་ནས་ཤེས་ལྡན་མི་སྣ་གཅིག་སྡུད་དང་ནང་འདྲེན་ཞབས་ཞུ་བྱས་ཏེ། སྤུས་ཚད་གསར་པའི་ཐོན་སྐྱེད་ནུས་ཤུགས་སྐྱེད་སྲིང་བྱས།　ཁེ་ལས་ཀྱི་གསར་གཏོད་བྱེད་པོའི་གོ་གནས་ལ་མུ་མཐུད་ཤུགས་སྣོན་དང་། ཚན་རྩལ་ཆེད་བཏང་མི་སྣའི་ཞབས་ཞུའི་ཁེ་ལས་ཁག་དང་པོ་གདམ་གསེས་བྱེད་དགོས།

དེ་དང་ཆབས་ཅིག་གཙང་གསུམ་འབྱུང་ཡུལ་དང་། མདོ་ལ་རི་བོ། མཚོ་སྔོན་པོ་སོགས་གཙོ་གནད་སྐྱེ་ཁམས་བྱེད་ནུས་ཁུལ་གྱི་སྐྱེ་ཁམས་ཐོན་སྐྱེད་དང་འཚོ་བ་མཉམ་འདྲེས་འཕེལ་རྒྱས་ཀྱི་ཚན་རྩལ་མ་ལག་འཐུས་ཚང་དུ་གཏོང་བ་དང་། གནམ་གཤིས་འགྱུར་ལྡོག་གིས་མཚོ་སྔོན་པོའི་རྒྱུག་ཁུལ་གྱི་སྐྱེ་ཁམས་མ་ལག་ལ་ཤུགས་རྐྱེན་ཐེབས་ཚུལ་ལ་ཞིབ་འཇུག་བྱེད་པ། སྐྱེ་ཁམས་ཤེས་དཔལ་མཐོ་ས་དང་རྒྱལ་ཁབ་སྤྱི་གླིང་འཛུགས་སྐྲུན་ལ་འདེགས་སྐྱོར་དང་ཁྲིད་སྟོན་བཅས་བྱ་རྒྱུ་ཡིན་པ་རེད།　ལྗང་མདོག་རྩིས་རྒྱག་རྟེན་གཞི་འཛུགས་སྐྲུན་འགུལ་སྐྱོད་ཀྱི་ཇུས་གཞི་བཟོས་ནས་ལྗང་མདོག་རྩིས་རྒྱག་ཁྱབ་ཁོངས་ཀྱི“རིམ་སྤེལ་དང་གཙོ་སྐྱོད”ཀྱི་ཚན་རྩལ་རྣམ་གྲངས་གལ་ཆེན་ལག་བསྟར་བྱས་ཏེ། མཚོ་སྔོན་ཞིང་ཆེན་ལྗང་མདོག་རྩིས་རྒྱག་འདུ་འགོད་ལག་རྩལ་ཞིབ་འཇུག་ལྟེ་གནས་གཏན་འཁེལ་བྱས་ནས་ལྗང་མདོག་རྩིས་རྒྱག་རྟེན་གཞི་འཛུགས་སྐྲུན་བྱ་རྒྱུ་ཡིན།　ཐོན་ལས་ཀྱི“གནས་བཞི”འཛུགས་སྐྲུན་ལ་དམིགས་ནས“འཇོན་ཐང་ཅན་དང་ཚན་རིག་མཁས་ཅན་གྱི་འགན་འཁྲིའི་ལམ་ལུགས”དང་།“མིང་བྱང་དང་དམག་སྤྱི་བྱེད་པ”“རྟ་རྒྱུག་ལམ་ལུགས”སོགས་ཚན་རྩལ་རྣམ་གྲངས་གྲུབ་པའི་ལམ་སྲོལ་བཅོས་སྒྱུར་ཚོད་ལྟའི་ཁྱབ་ཁོངས་མུ་མཐུད་ཆེ་རུ་བཏང་སྟེ། སྲོལ་རྒྱུན་ཐོན་ལས་ཀྱི་གཙོ་གནད་ཁྱབ་ཁོངས་དང་གསར་དར་ཐོན་ལས་སྐྱེད་སྲིང་གི་འགག་རྩའི་ལྷུ་ཚིགས་ལ་ཕྱོགས་ནས། སྒྲིག་འཛུགས་ཡོད་པའི་སྒོ་ནས་ཞིབ་སྤེལ་བྱེད་སྒོ་སྤེལ་བ་དང་ཡུལ་བབ་དང་བསྟུན་ནས་སྤུས་ཚད་མཐོ་བའི་ཐོན་སྐྱེད་ནུས་ཤུགས་སྐྱེད་སྲིང་དང་འཕེལ་རྒྱས་གཏོང་དགོས།　ཞིང་ལས་ཚན་རྩལ་དང་སྒྲིག་ཆས་ཀྱི་འདེགས་སྐྱོར་བྱེད་ཤུགས་ཆེ་རུ་གཏོང་བ་དང་། གྲོང་གསེབ་ཁྱོན་ཡོངས་ནས་དར་རྒྱས་ཡོང་བར་སྣེ་ཁྲིད་དང་སྐུལ་འདེད་གཏོང་བ། ས་མཐོའི་ཁྱད་ཆོས་ལྡན་པའི་འདེབས་འཛུགས་ལས་རིགས་དར་རྒྱས་གཏོང་བའི་བྱ་སྤྱོད་ལ་སྐུལ་འདེད་མགྱོགས་སུ་གཏོང་བ་བཅས་བྱེད་དགོས།　ཚན་རྩལ་ཆེད་མངགས་པ1000གཞི་རིམ་གྱི་འཐབ་ཕྱོགས་དང་པོར་མུ་མཐུད་འདེམས་གཏོང་བྱས་ནས།“ཚན་རྩལ་ཁང་ཆུང”6གསར་སྐྲུན་བྱས་ཏེ། ཚན་རྩལ་ཆེད་མངགས་པའི་ཞབས་ཞུའི་ལས་དོན་གྱི་པར་གཞི3.0གྱི་རྣམ་པ་གསར་པ་ཞིག་ཆགས་པར་བྱ་རྒྱུ་རེད།