​ནག་ཆུ་གྲོང་ཁྱེར་གྱི་ཚོང་འགུགས་མ་འདྲེན་གྱི་དམིགས་སར་འབྱོར་བའི་མ་དངུལ་སྒོར་དུང་ཕྱུར30ལས་བརྒལ་བ།

ནག་ཆུ་གྲོང་ཁྱེར་གྱི་ཚོང་འགུགས་མ་འདྲེན་གྱི་དམིགས་སར་འབྱོར་བའི་མ་དངུལ་སྒོར་དུང་ཕྱུར30ལས་བརྒལ་བ།

ད་ལོ་ནས་བཟུང་བོད་རང་སྐྱོང་ལྗོངས་ནག་ཆུ་གྲོང་ཁྱེར་གྱིས་དམིགས་ཚད་གཏན་འཁེལ་དང་ཐབས་ལམ་རྒྱ་ཆེར་གཏོང་བ།　ལེགས་ཆ་བསྡུ་ལེན།　ཁྱད་ཆོས་འདོན་སྤེལ་བཅས་བྱས་ཏེ།　ཚོང་འགུགས་མ་འདྲེན་གྱི་ལས་དོན་ཁག་ལ་ནུས་ཤུགས་ཡོད་རྒུས་སྐུལ་འདེད་བཏང་ཞིང་།　མིག་སྔར་ཚོང་འགུགས་མ་འདྲེན་གྱི་དམིགས་སར་འབྱོར་བའི་མ་དངུལ་སྒོར་དུང་ཕྱུར31.61ཟིན་པ་དེ་དུས་མཉམ་ལས51.75％འཕར་ནས་ལོ་རྒྱུས་ཀྱི་ཚད་བརྒལ་གསར་པ་བྱུང་།

ནག་ཆུས་ཚོང་འགུགས་མ་འདྲེན་བྱ་རྒྱུ་དེ་སྤུས་ཚད་མཐོན་པོས་གོང་འཕེལ་གཏོང་བའི“ལས་གྲྭ་ཨང་དང་པོར”བརྩིས་ནས་དམ་འཛིན་བྱས་ཏེ་རྒྱུན་མི་ཆད་པར་རྣམ་པ་གསར་པ་འབྱེད་པ་དང་སྟོབས་ཤུགས་སྐུལ་སློང་བྱེད་པ།　འགྲན་སློང་ལ་ཁ་གཏད་གཅོག་པ་བཅས་བྱས་ཡོད།　མིག་སྔའི་བར་གྲོང་ཁྱེར་ཡོངས་ཀྱི་ཚོང་འགུགས་མ་འདྲེན་གྱི་རྣམ་གྲངས་བསྡོམས་པས62ཡོད་པ་དང་།　མཐུད་སྐྲུན་རྣམ་གྲངས38དང་གསར་སྐྲུན་རྣམ་གྲངས24ཡོད་ལ།　མ་དངུལ་སྒོར་དུང་ཕྱུར30དམིགས་སར་འབྱོར་ནས།　ལོ་འཁོར་གྱི་དམིགས་ཚད་ལས་འགན་གྱི158.05％ལེགས་གྲུབ་བྱུང་བ་དང་།　གཏན་འཇགས་རྒྱུ་ནོར་ཐད་མ་དངུལ་སྒོར་དུང་ཕྱུར31.28བཏང་སྟེ།　མི972ལས་ཞུགས་ཐུབ་པའི་ནང་ཞིང་འབྲོག་པ841དང་སློབ་ཆེན་སློབ་མ131ལས་ཞུགས་ཐུབ་ནས།　ངལ་ནུས་འབབ་འཕར་སྒོར་ཁྲི1526.05མངོན་འགྱུར་བྱུང་ཡོད།

མཐོ་ས་ནས་སྐུལ་འདེད་གཏོང་བ་དང་།　ས་ཁོངས་མང་པོར་ཁྱབ་པ།　ཚོང་འགུགས་མ་འདྲེན་གྱི“མ་ལག་གསར་པ”འཛུགས་པ་བཅས་བྱས་ཏེ།　ཚོང་འགུགས་མ་འདྲེན་དོན་འཁྱོལ་དང་དངོས་འབེབས་བྱ་རྒྱུར་དམ་འཛིན་ནན་མོ་བྱས།　ཟླ་དང་པོ་ནས་བཅུ་པའི་བར།　གླིང་ཁུལ་ཁྱབ་ཁོངས་སུ་ཚོང་འགུགས་རྣམ་གྲངས11ཡོད་པར་མ་དངུལ་སྒོར་དུང་ཕྱུར0.61དམིགས་སར་འབྱོར་བ་དང་།　གཏན་འཇགས་རྒྱུ་ནོར་ཐད་མ་དངུལ་སྒོར་དུང་ཕྱུར0.61བཏང་།　བོད་སྐྱོར་ཁྱབ་ཁོངས་སུ་ཚོང་འགུགས་རྣམ་གྲངས21ཡོད་པར་མ་དངུལ་སྒོར་དུང་ཕྱུར16.15དམིགས་སར་འབྱོར་བ་དང་།　གཏན་འཇགས་རྒྱུ་ནོར་ཐད་མ་དངུལ་སྒོར་དུང་ཕྱུར16.13བཏང་ཡོད་པ་རེད།　ཀྲེ་ཅང་ཞིང་ཆེན་གྱི་བོད་སྐྱོར་རྣམ་གྲངས10ཡོད་པར་མ་དངུལ་སྒོར་དུང་ཕྱུར10.53དམིགས་སར་འབྱོར་བ་དང་།　གཏན་འཇགས་རྒྱུ་ནོར་ཐད་མ་དངུལ་སྒོར་དུང་ཕྱུར10.53བཏང་ཡོད།　ལེའོ་ཉིང་ཞིང་ཆེན་གྱི་བོད་སྐྱོར་རྣམ་གྲངས་ཁག7ཡོད་པར་མ་དངུལ་སྒོར་དུང་ཕྱུར5.08དམིགས་སར་འབྱོར་བ་དང་།　གཏན་འཇགས་རྒྱུ་ནོར་ཐད་མ་དངུལ་སྒོར་དུང་ཕྱུར5.08བཏང་ཡོད།　ཀྲུང་དབྱང་ཁེ་ལས་ཆེ་གྲས་ལྔའི་བོད་སྐྱོར་རྣམ་གྲངས4ལ་མ་དངུལ་སྒོར་དུང་ཕྱུར0.53དམིགས་སར་འབྱོར་བ་དང་།　གཏན་འཇགས་རྒྱུ་ནོར་ཐད་མ་དངུལ་སྒོར་དུང་ཕྱུར0.52བཏང་ཡོད།

“ཕྱིར་སྐྱོད་པ་དང་།　ནང་དུ་འདྲེན་པ།　དོན་ཐོག་ཏུ་འཁྱོལ་ཐུབ་པ”བཅས་ཕྱོགས་སྟོན་དུ་བྱ་རྒྱུ་མཐའ་འཁྱོངས་ཀྱིས་ཐོན་ཁུངས་ཀྱི་ལེགས་ཆར་བརྟེན་ནས་ཚོང་འགུགས་མ་འདྲེན་འོས་སྦྱོར་བྱེད་པའི་བྱེད་སྒོ་རྒྱུན་མཐུད་ངང་སྤེལ་ཡོད།　ཞི་ཨན་གྱི་འོས་སྦྱོར་ཚོགས་འདུའི་ཐོག་ཨ་མདོ་རྫོང་ཐུའུ་རུའོ125ＭＷའོད་ཤུགས＋125ＭＷཚ་ནུས་གཞི་གཅིག་ཅན་གྱི་རྣམ་གྲངས་ལ་གན་རྒྱ་བཞག་པར་ཁྱོན་མ་དངུལ་སྒོར་དུང་ཕྱུར20བཏང་།　རང་སྐྱོང་ལྗོངས་ཀྱི“གཉིས་བསྡུ་གཉིས་འདྲེན”གྱི་འོས་སྦྱོར་ཚོགས་འདུའི་ཐོག་རྣམ་གྲངས5ལ་གན་རྒྱ་བཞག་པ་དང་།　མ་དངུལ་སྒོར་དུང་ཕྱུར22.1གཏོང་རྒྱུའི་གྲོས་མཐུན་བཞག　ཆར་ཆེན་རྟ་རྒྱུག་དུས་ཆེན་ཐོག་རྣམ་གྲངས14ལ་མིང་རྟགས་བཀོད་པ་དང་།　མ་འཇོག་གྲོས་མཐུན་སྒོར་དུང་ཕྱུར80.33བཞག　ལེའོ་ཉིང་གི་ངོ་འཕྲད་གྲོས་མོལ་ཚོགས་འདུ་སྐབས་ལྔ་པའི་ཐོག་རྣམ་གྲངས5ལ་མིང་རྟགས་བཀོད་པ་དང་།　གན་འཇོག་མ་དངུལ་སྒོར་དུང་ཕྱུར9.62ཟིན་ཡོད།　གན་རྒྱ་བཞག་རྗེས་མུ་མཐུད་དུ་དོན་འཁྱོལ་ལ་དམ་འཛིན་ནན་པོ་བྱས་ཤིང་།　མིག་སྔའི་བར་གྲོང་ཁྱེར་ཡོངས་ཀྱི་རིག་གནས་ཡུལ་སྐོར་རྣམ་གྲངས6ཡོད་པར་མ་དངུལ་སྒོར་དུང་ཕྱུར1.55དམིགས་སར་འབྱོར་བ་དང་།　ནུས་རྒྱུ་གཙང་མའི་ཐོན་ལས་རྣམ་གྲངས21དང་དམིགས་སར་འབྱོར་བའི་མ་དངུལ་སྒོར་དུང་ཕྱུར25.44ཡོད་ལ།　ལྗང་མདོག་བཟོ་ལས་རྣམ་གྲངས10དང་དམིགས་སར་འབྱོར་བའི་མ་དངུལ་སྒོར་དུང་ཕྱུར2.96།　དེང་རབས་ཞབས་ཞུའི་ལས་རིགས་རྣམ་གྲངས25དང་དམིགས་སར་འབྱོར་བའི་མ་དངུལ་སྒོར་དུང་ཕྱུར1.66བཅས་ཡོད།