“མཚོ་སྔོན་ལ་རྒྱུས་ལོན་དང་། མཚོ་སྔོན་ལ་དགའ་ཞེན། མཚོ་སྔོན་དར་སྤེལ”ཞེས་པའི་མཚོ་བྱང་གི་ཆེད་དོན་གསར་འགྱུར་ཁྱབ་བསྒྲགས་ཚོགས་འདུ་བསྡུས།

“མཚོ་སྔོན་ལ་རྒྱུས་ལོན་དང་།    མཚོ་སྔོན་ལ་དགའ་ཞེན།    མཚོ་སྔོན་དར་སྤེལ”ཞེས་པའི་མཚོ་བྱང་གི་ཆེད་དོན་གསར་འགྱུར་ཁྱབ་བསྒྲགས་ཚོགས་འདུ་བསྡུས།

ཟླ12པའི་ཚེས16ཉིན། མཚོ་སྔོན་ཞིང་ཆེན་སྲིད་གཞུང་གསར་འགྱུར་གཞུང་སྒྲུབ་ཁང་གིས“མཚོ་སྔོན་ལ་རྒྱུས་ལོན་དང་།    མཚོ་སྔོན་ལ་དགའ་ཞེན།    མཚོ་སྔོན་དར་སྤེལ”ཞེས་པའི་བསྟུད་འགོད་གསར་འགྱུར་ཁྱབ་བསྒྲགས་ཚོགས་འདུ་མཚོ་བྱང་བོད་རིགས་རང་སྐྱོང་ཁུལ་གྱི་ཆེད་དོན་ཁྱབ་བསྒྲགས་ཚོགས་འདུ་བསྡུས། མཚོ་བྱང་ཁུལ་གྱིས་ཐོན་ལས་འཕེལ་རྒྱས་ཉིན་རེ་བཞིན་འཐུས་ཚང་དུ་གཏོང་བ་དང་།    སྐྱེ་ཁམས་ཁོར་ཡུག་སྔར་ལས་ཇེ་མཛེས་སུ་གཏོང་བ།    དམངས་འཚོའི་བདེ་སྐྱིད་སྔར་ལས་ཆེ་རུ་འགྲོ་བ།    མཁར་གྲོང་འཕེལ་རྒྱས་སྔར་ལས་མཐུན་སྦྱོར་ཡོང་བ།    སྤྱི་ཚོགས་ཀྱི་ཁྱོན་ཡོངས་སྔར་ལས་བརྟན་བརླིང་ཡོང་བ་བཅས་ཕྱོགས་ལྔའི་ཐད་ནས་ནང་དོན་ངོ་སྤྲོད་བྱས།

ཉེ་བའི་ལོ་འགའི་རིང་ལ།    མཚོ་བྱང་ཁུལ་གྱིས་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་གྱི་སྣེ་ཁྲིད་ཁུལ་འཛུགས་སྐྲུན་ལ་དམིགས་ནས། མིན་ཡོན་ཧོས་རིགས་རང་སྐྱོང་རྫོང་དེང་རབས་ཞིང་ལས་ཐོན་ལས་གླིང་ཁུལ་ལ་རྒྱལ་ཁབ་རིམ་པའི་མིང་རྟགས་ཁས་ལེན་ཐོབ། རྩྭ་ས་མུའུ་བྱེ་བ་གཉིས་དང་ས་ཡ་ལྔ་འབུམ་བརྒྱད་ཁྲི་དྲུག་དང་།    བོད་ལུག་དང་ནོར་གནག་ས་ཡ་གཉིས་དང་འབུམ་གཅིག་ཁྲི་གསུམ། རྨོ་ཞིང་མུའུ་ཁྲི་གཅིག་དང་དགུ་བརྒྱ་བཅས་ལ་སྐྱེ་ལྡན་གྱི་བདེན་དཔང་ཐོབ་པ་དང་།  “ཐོན་རྫས་གསུམ་དང་མཚོན་རྟགས་གཅིག”གི་ཞིང་ཕྱུགས་ཐོན་རྫས161ཐོ་འགོད་བྱས།     མདོ་ལ་རི་བོ་དང་མཚོ་སྔོན་པོ།    “ཀྲུང་གོའི་ཉིང་རྡུལ་མཁར”བཅས་ཀྱི་ཐུན་མོང་མ་ཡིན་པའི་ཁྱད་སྟོབས་ལ་བརྟེན་ནས་རྒྱལ་ཁབ་ཀྱི5A རིམ་པའི་ཡུལ་སྐོར་མཛེས་ལྗོངས་ཁུལ1དང་།   4A རིམ་པའི་ཡུལ་སྐོར་མཛེས་ལྗོངས་ཁུལ་དྲུག 3Aརིམ་པའི་ཡུལ་སྐོར་མཛེས་ལྗོངས་ཁུལ7བསྐྲུན་པ་དང་།    མཚོ་སྐོར་བྱང་ངོགས་ཀྱི་མཛེས་ལྗོངས་ཁུལ6བསྐྲུན་ནས་གཉེར་སྐྱོང་བྱས་ལ། གསེར་དངུལ་ཐང་གི་ཉིང་རྡུལ་མཁར་རྒྱལ་ཁབ་ཀྱི5Aརིམ་པའི་ཡུལ་སྐོར་མཛེས་ལྗོངས་ཁུལ་བསྐྲུན་རྒྱུར་རྒྱུན་མཐུད་སྒོས་སྐུལ་འདེད་བཏང་།     དེ་སྔའི221རྟེན་གཞིའི་གནས་ཡུལ་རྙིང་པའི་བཟོ་གྲྭ་བརྒྱད་དང་།    རིག་དངོས་ཁུལ10བཅས་ཀྱི་རིག་དངོས་ས་ཚིགས10བེད་སྤྱོད་བྱས་ནས། གསེར་དངུལ་ཐང་དེ་རིག་གནས་ཡུལ་སྐོར་པུའུ་ཡིས“དམར་པོའི་རྩྭ་ཐང”སྐོར་དང་པོའི་ནང་བཅུག་པ་དང་། “ལྐོག་གྱུར་གྱི་ཉིང་རྡུལ་མཁར”བཅས་ཀྱི་གསར་བརྗེའི་ཡུལ་སྐོར་ལམ་ཐིག་དེ་རྒྱལ་ཡོངས་ཀྱི“ཏང་དབུ་བརྙེས་ནས་ལོ་བརྒྱ་འཁོར་བའི་གསར་བརྗེའི་ཡུལ་སྐོར་གྱི་ལམ་ཐིག་རྩེ་གྲ་བརྒྱའི”ནང་བཅུག་ཡོད། མཚོ་བྱང་ཁུལ་གྱིས་སྐྱེ་ཁམས་དཔལ་ཡོན་མ་ལག་རྒྱུན་ཆད་མེད་པར་འཐུས་ཚང་དུ་བཏང་ནས། ཞིང་ཆེན་རིམ་པའི་སྐྱེ་ཁམས་དཔལ་ཡོན་འཛུགས་སྐྲུན་ལ་ཕན་འབྲས་མངོན་གསལ་ཐོབ་པའི་ས་ཁུལ་དུ་བདམས་ཤིང་།    རྒྱལ་ནང་དུ་གསའ་ཕྱི་རོལ་དུ་གཏོང་བའི་སྲུང་སྐར་གྱི་ལྟ་ཞིབ་ཚད་ལེན་ཐེངས་དང་པོ་མངོན་འགྱུར་བྱུང་བ་དང་། དགོ་བའི་ཁྱུ་ཚོགས2007ལོའི300ལྷག་ཙམ་ནས3400ལྷག་ཙམ་བར་ཇེ་མང་དུ་ཕྱིན་པ་དང་། མཚོ་སྔོན་པོའི་ཉ་ལོ་ལིས་གསོག་ཚད2002ལོའི་སྲུང་སྐྱོབ་བྱས་མ་ཐག་པའི་ལྡབ46བར་འཕར་ནས་རྒྱལ་ཡོངས་ཀྱི་ལྗང་འགྱུར་དཔེ་སྟོན་གྲོང་ཁྱེར་གྱི་མཚན་སྙན་ཐོབ། མཚོ་བྱང་ཁུལ་གྱིས་མུ་མཐུད་དུ་ནོར་སྲིད་ཀྱི་བརྒྱ་ཆའི་བརྒྱད་ཅུ་ཡན་དམངས་ཚིས་ལས་དོན་ཐད་བཀོལ་ནས། སྡེ་བ86གི་ཁྱིམ་ཚང7133དང་མི་གྲངས་ཁྲི་གཉིས་དང་སྟོང་གཉིས་དྲུག་བརྒྱ་རེ་གསུམ་ལོ་གཉིས་ཀྱི་སྔོན་ལ་དབུལ་ཐར་མངོན་འགྱུར་བྱས།  མཁར་གྲོང་གི་ཐོ་འགོད་ལས་ཀ་ཤོར་ཚད་དུས་ཡུན་རིང་པོར་བརྒྱ་ཆའི3ནང་ཚུན་དུ་ཚོད་འཛིན་བྱས་ཡོད་པ་དང་།  སློབ་ཞུགས་སྔོན་གྱི་སློབ་གསོའི་སློབ་ཞུགས་བྱེད་ཚད་དང་།    འོས་འགན་སློབ་གསོ་སྲ་བརྟན་དུ་གཏོང་ཚད།    མཐོ་རིམ་སློབ་འབྲིང་དུས་མཚམས་ཀྱི་སློབ་ཞུགས་བྱེད་ཚད་བཅས་དུས་ཡུན་རིང་པོའི་ནང་ཞིང་ཆེན་ཡོངས་ཀྱི་མདུན་གྲལ་དུ་སླེབས་ཡོད།     སྤྱི་པའི་འཕྲོད་བསྟེན་ཞབས་ཞུ་ཞིང་ཆེན་ཡོངས་ཀྱི་མདུན་གྲལ་དུ་སླེབས་པ་དང་།    སྨན་བཅོས་འགན་སྲུང་གི་དམངས་ཕན་ཞབས་ཞུར་ཞིང་ཆེན་སྲིད་གཞུང་གི་གཟེངས་བསྟོད་ཐོབ་ལ།    ཞིང་ཆེན་ཡོངས་ཀྱི་སྒོ་བསྟེན་གྱི་དལ་བའི་ནད་རིགས་ཀྱི་བདེ་ཐང་དོ་དམ་ལྟེ་གནས་ཐོག་མའི་སྒོ་བྱང་བཀལ་ནས་བཙུགས།