ཡུས་ཧྲུའུ་ཁུལ་གྱིས་མཉམ་ལས་ལ་སྐུལ་འདེད་ཆེན་པོ་བཏང་སྟེ་རིག་གནས་ཡུལ་སྐོར་ཐོན་ལས་ཚད་རིམ་གསར་པར་སླེབས་པར་བྱས།
ཟླ12པའི་ཚེས11ཉིན། ལས་སྨོན་གཅིག་ཏུ་སྦྲེལ་ནས་རྨ་འབྲི་རྫ་གསུམ་འབྱུང་ཡུལ་དུ་དུས་བཅད་བྱེད་ཅེས་པའི་ཡུས་ཧྲུའུ་བོད་རིགས་རང་སྐྱོང་ཁུལ་གྱི་རིག་གནས་ཡུལ་སྐོར་སྤུས་ཚད་མཐོ་བའི་འཕེལ་རྒྱས་ཀྱི་བཞུགས་མོལ་གྲོས་མོལ་དང་ཡུལ་སྐོར་ཁང་གི་ཚོང་གཏམ་གྲོས་ཚོགས་ཀྱི་བྱེད་སྒོ་ཟི་ལིང་དུ་བསྡུས་པ་དང་། དེས་ཡུས་ཧྲུའུ་ཡི་ཁྱད་དུ་འཕགས་པའི་རང་བྱུང་མཛེས་ལྗོངས་དང་རྔམ་ཞིང་སྟུག་པའི་རིག་གནས་ཉིང་བཅུད་གསལ་སྟོན་བྱས་ཏེ། ཡུལ་སྐོར་མཉམ་ལས་དང་བརྗེ་རེས་ལ་ཤུགས་སྣོན་བྱས་ནས། ཡུས་ཧྲུའུ་ཡི་རིག་གནས་ཡུལ་སྐོར་ཐོན་ལས་ཚད་རིམ་གསར་བར་སླེབས་པར་སྐུལ་འདེད་གཏོང་རྒྱུ་རེད།
ཚོགས་ཐོག་ཏུ། ཡུས་ཧྲུའུ་ཁུལ་གྱི་མཛེས་སྡུག་ཡིད་འོང་གི་འདྲ་པར་དང་གསོན་ཉམས་ལྡན་པའི་བརྙན་རིས། ངོ་མཚར་བའི་རིག་གནས་ཤུལ་བཞག་གི་གླུ་གར་འཁྲབ་སྟོན་སོགས་ཕྱོགས་ཡོངས་ཀྱི་འགྲེམ་སྟོན་བརྒྱུད་དེ་ཕུན་སུམ་ཚོགས་པའི་ཡུལ་སྐོར་ཐོན་ཁུངས་མངོན་པར་བྱས་ཤིང་། ཚོགས་ཞུགས་མཁན་དག་ལ་ཡུལ་དངོས་སུ་བསྐྱོད་པ་ལྟ་བུའི་སྒོ་ནས་ཡུལ་ཧྲུའུ་ཡི་ཁྱད་འཕགས་མཛེས་ཉམས་ཚོར་སྣང་ཐུབ་པར་བྱས། ཡུལ་ཧྲུའུ་ཁུལ་གྱི་འབྲེལ་ཡོད་འགོ་ཁྲིད་དང་ཞིང་ཆེན་ཕྱི་ནང་གི་ཡུལ་སྐོར་ཁང་གི་འཐུས་མིས་བཞུགས་མོལ་བརྗེ་རེས་བྱས་པ་དང་། ཡུལ་ཧྲུའུ་ཁུལ་གྱི་རིག་གནས་ཡུལ་སྐོར་འགྲེམ་སྦྱོར་མཁན་དྲུག་གིས་ཡུལ་ཧྲུའུ་ཁུལ་གྱི་ཡུལ་སྐོར་ལམ་ཐིག་གཙོ་བོ་མཚམས་སྦྱོར་བྱས།
ཡུས་ཧྲུའུ་ཁུལ་གྱི་རྒྱལ་སྤྱིའི་སྐྱེ་ཁམས་ཡུལ་སྐོར་དམིགས་འབེན་ས་ཆ་བསྐྲུན་ཚད་ཇེ་མགྱོགས་སུ་གཏོང་ཆེད། ཡུལ་སྐོར་འཛད་སྤྱོད་ཁྲོམ་རའི་གསོན་ཤུགས་སྔར་ལས་ཇེ་དྲག་ཏུ་བཏང་ཞིང་། ཡུལ་དངོས་སུ་ཡུལ་ཧྲུའུ་ཁུལ་གྱི་སྐུ་མགྲོན་ནང་འགུག་གི་བྱ་དགའི་བྱེད་ཐབས་ཁྱབ་བསྒྲགས་བྱས། མཇུག་མཐར། ཡུས་ཧྲུའུ་ཁུལ་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ་དང་ཞིང་ཆེན་གྱི་དགུན་དུས་རྣམ་གྲངས་དང་ཕྱི་རོལ་ལུས་སྦྱོང་འགུལ་སྐྱོད་དོ་དམ་ལྟེ་གནས། ཟི་ལིང་གྲོང་ཁྱེར་རིག་གནས་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ། མཚོ་སྔོན་ཞིང་ཆེན་ཡུལ་སྐོར་ཁང་མཐུན་ཚོགས། ཧྲའན་ཞི་ཞིང་ཆེན་ཡུལ་སྐོར་ཁང་མཐུན་ཚོགས་སོགས་ལས་ཁུངས་མང་པོས་རིག་གནས་ཡུལ་སྐོར་ཐོན་ཁུངས་སྔོག་འདོན་བྱེད་པ་དང་། ཚོང་རྟགས་གྲགས་ཅན་བསྐྲུན་པ་སོགས་ཕྱོགས་ནས་བཞག་པའི་འཐབ་ཇུས་མཉམ་ལས་སྒྲོམ་གཞིའི་གྲོས་ཆོད་ལ་མིང་རྟགས་བཀོད།
ཉེ་བའི་ལོ་འདི་འགར། ཡུས་ཧྲུའུ་ཁུལ་གྱིས་རྩེ་རིམ་ཇུས་འགོད་ལ་ཤུགས་སྣོན་བྱས་ཏེ། སྐྱེ་ཁམས་ཞིབ་འཇུག་སློབ་སྦྱོང་སོགས་སྣེ་མང་ཅན་གྱི་ཡུལ་སྐོར་ཐོན་ལས་རྣམ་པ་འབད་པས་བསྐྲུན་ནས་གྲུབ་འབྲས་མི་དམན་པ་བླངས་ཡོད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注