2024ལོའི་ཁུ་ནུ་འཆད་ཁྲིད་ཆེན་མོ་སྐབས་བཅུ་པ་བསྡུས།

ཟླ11པའི་ཚེས27ཉིན། ཞིང་ཆེན་ཏང་ཨུའི་ཏང་གི་སློབ་གྲྭའི་ཞིང་ཆེན་སྲིད་འཛིན་སློབ་གླིང་དང་ཞིང་ཆེན་སྤྱི་ཚོགས་ཚན་རིག་སློབ་གླིང་གིས་གཙོ་སྒྲུབ་བྱས་ཤིང་། མཚོ་སྔོན་ལས་བྱེད་པའི་དྲ་རྒྱའི་སློབ་གླིང་གིས་འགན་སྒྲུབ་བྱས་པའི2024ལོའི་ཁུ་ནུ་འཆད་ཁྲིད་ཆེན་མོ་སྐབས་བཅུ་པ་སྤེལ་བ་དང་།  པེ་ཅིང་དགེ་ཐོན་སློབ་ཆེན་གྱི་དགེ་རྒན་ཆེན་མོ། ཀྲུང་གོའི་ཀྲུང་གུང་ཏང་གི་ལོ་རྒྱུས་སློབ་ཚོགས་ཀྱི་རྒྱུན་ལས་ལས་འཛིན་ཀྲའོ་ཁྲའོ་ཧྥིན་གྱིས་ཁ་བྱང་ལ་བཅོས་སྒྱུར་སྒོ་འབྱེད་ལོ་རྒྱུས་ཀྱི་ཉམས་མྱོང་དང་བློ་སྐྱེད་ཅེས་པའི་ཐད་གཏོང་འཆད་ཁྲིད་བྱས།

ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་སྟེང་གྲོས་འཆམ་བྱུང་བའི་ཀྲུང་གུང་ཀྲུང་དབྱང་གི་ཕྱོགས་ཡོངས་ནས་བཅོས་སྒྱུར་སྔར་ལས་ཟབ་སྤེལ་བྱེད་པ་དང་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བའི་ཆོད་དོན་གྱིས་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བ་དང་ཕྱོགས་ཡོངས་ནས་བཅོས་སྒྱུར་སྔར་ལས་ཟབ་སྤེལ་བྱེད་པའི་སྤྱིའི་བཀོད་སྒྲིག་ལ་ཚན་རིག་མཐུན་པའི་སྒོ་ནས་འཆར་འགོད་བྱས། ཐེངས་འདིའི་ཐད་གཏོང་འཆད་ཁྲིད་ཁྲོད། ཀྲའོ་ཁྲའོ་ཧྥིན་གྱིས་བཅོས་སྒྱུར་སྒོ་འབྱེད་ཇུས་ཆོད་ཀྱི་རྒྱབ་ལྗོངས་དང་། རླབས་ཆེན་ལོ་རྒྱུས། ཉམས་མྱོང་བློ་སྐྱེད་སོགས་ཀྱི་ཐད་ནས་བཅོས་སྒྱུར་སྒོ་འབྱེད་ཀྱི་ལོ་རྒྱུས་རང་བཞིན་གྱི་ཇུས་ཆོད་ལ་ཕྱོགས་ཡོངས་ནས་གསེད་བཀྲོལ་བྱས་ཤིང་། བཅོས་སྒྱུར་སྒོ་འབྱེད་ནི་ང་ཚོའི་ཏང་གི་རྟོགས་སད་ཆེན་མོ་ཞིག་ཡིན་ལ། རྟོགས་སད་དེས་ང་ཚོའི་ཏང་གིས་གཞུང་ལུགས་ནས་ལག་ལེན་བར་གྱི་རླབས་ཆེན་གསར་གཏོད་བསྐྲུན་ཡོད། བཅོས་སྒྱུར་སྒོ་འབྱེད་ནི་ཀྲུང་གོའི་མི་དམངས་དང་ཀྲུང་ཧྭ་མི་རིགས་འཕེལ་རྒྱས་ལོ་རྒྱུས་སྟེང་གི་རླབས་ཆེན་གསར་བརྗེ་ཞིག་ཡིན་ལ། རླབས་ཆེན་གསར་བརྗེ་དེས་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་བྱ་གཞག་རླབས་ཆེན་འཕེལ་རྒྱས་འགྲོ་བར་སྐུལ་འདེད་བཏང་ཞེས་པ་རིགས་སྒྲུབ་བྱས། རང་ཞིང་གི་ཏང་ཡོན་ལས་བྱེད་པས་བསྟན་དོན། འཆད་ཁྲིད་ཀྱིས་དོན་ཟབ་ཅིང་གོ་སླ་བའི་སྒོ་ནས་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བ་དང་ཕྱོགས་ཡོངས་ནས་བཅོས་སྒྱུར་སྔར་ལས་ཟབ་སྤེལ་བྱེད་པར་དམ་པོར་དམིགས་པའི་གནས་ལུགས་གསལ་བཤད་བྱས་ཤིང་། རང་ཞིང་གི་ལས་བྱེད་པས་བཅོས་སྒྱུར་སྒོ་འབྱེད་ཀྱི་ལོ་ངོ་བཞི་བཅུ་ལྷག་རིང་གི་ལོ་རྒྱུས་འཕེལ་རིམ་ཁྲོད་ཀྱི་ཉམས་མྱོང་སྡུད་ལེན་བྱེད་པ་དང་། རང་རྟོགས་སྒོས་ཕྱོགས་ཡོངས་ནས་བཅོས་སྒྱུར་སྔར་ལས་ཟབ་སྤེལ་བྱེད་པའི་ལོ་རྒྱུས་ཀྱི་རང་འགུལ་འགན་འཁྲི་དང་ཁག་ཁུར་ཇེ་དྲག་ཏུ་བཏང་ནས། བཅོས་སྒྱུར་སྒོ་འབྱེད་ཀྱི་ལོ་རྒྱུས་ཡིད་ལ་དམ་པོར་བཟུང་སྟེ་བཅོས་སྒྱུར་སྒོ་འབྱེད་ཀྱི་ཆོས་ཉིད་དམ་འཛིན་བྱེད་དགོས་པའི་བློ་སྐྱེད་ཐོབ།

གྲོང་ཁྱེར་དང་ཁུལ་སོ་སོའི་ལས་ཁུངས་སོ་སོ་དང་། ཞིང་ཆེན་འབྲེལ་ཡོད་ཀྱི་ཐད་གཏོགས་ལས་ཁུངས། ཞིང་ཆེན་ཁོངས་གཏོགས་ཀྱི་མཐོ་རིམ་སློབ་གྲྭ། ཞིང་ཆེན་ཁོངས་གཏོགས་ཀྱི་ཁེ་ལས་བཅས་ཀྱི་ལས་བྱེད་མི་སྣ1700ལྷག་གིས་འཆད་ཁྲིད་ལ་ཉན།